Home /News /gujarat /

"મિશન 26" : બંને પક્ષો '26' ની પ્રાપ્તિ માટે સંઘર્ષ કરશે !

"મિશન 26" : બંને પક્ષો '26' ની પ્રાપ્તિ માટે સંઘર્ષ કરશે !

પ્રતિકાત્મક તસવીર

ભાજપે રાજ્યમાં ફરી એક વાર રાજ્યની તમામ 26 બેઠકો પર વિજય મેળવવાનું લક્ષ્ય નક્કી કર્યું છે. જોકે આ વખતે ચડાણ કપરું છે એ વાતથી પણ ભાજપ વાકેફ છે.

    ન્યૂઝ18 ગુજરાતી:  ગુજરાત રાજ્યમાં લોકસભાની કુલ 26 બેઠક છે. વર્ષ 2014ની લોકસભા ચૂંટણીમાં ભારતીય જનતા પાર્ટીએ લોકસભાની તમામ 26 બેઠકો પર વિજય મેળવ્યો હતો. ગુજરાતની કુલ 26 બેઠકમાંથી કચ્છ અને અમદાવાદ પશ્ચિમની બેઠક અનુસૂચિત જાતિ માટેની અનામત છે. જ્યારે દાહોદ, છોટા ઉદેબુર, બારડોલી અને વલસાડની ચાર બેઠક અનુસૂચિત જનજાતિ માટે અનામત રાખવામાં આવેલી છે.

    આ સિવાયની બેઠકો જનરલ કેટેગરીની છે. ભાજપે રાજ્યમાં ફરી એક વાર રાજ્યની તમામ 26 બેઠકો પર વિજય મેળવવાનું લક્ષ્ય નક્કી કર્યું છે.

    જોકે આ વખતે ચડાણ કપરું છે એ વાતથી પણ ભાજપ વાકેફ છે. ગત લોકસભા ચુંટણી દરમિયાન મોદી વેવમાં આયાતી ઉમેદવાર કે પ્રથમ વખત ચુંટણી લડનારા પણ જીતી ગયા હતા, પરંતુ વર્તમાન પરિસ્થિતિ કંઈક અલગ છે. આ કારણે જ આ વખતે પાર્ટી ડઝન જેટલા ઉમેદવાર બદલાવે તેવી શક્યતા છે.

    આ પણ વાંચો: લોકસભા ચૂંટણીઃ 11 એપ્રિલે મતદાન અને 23 મેના રોજ પરિણામ, ગુજરાતમાં 23 એપ્રિલે મતદાન

    છેલ્લે યોજાયેલી પાંચ રાજ્યોની ચૂંટણીમાં ભાજપને તેના ગઢ કહેવાતા ત્રણ રાજ્યોમાં પરાજયનો સામનો કરવા પડ્યો અને સાથે જ સત્તા પણ ગુમાવવી પડી છે અને આ રાજ્યોમાં કોંગ્રેસ સત્તામાં આવી છે. એટલે, આ વખતે લોકસભા ચૂંટણીમાં ભાજપ ફૂંકી ફૂંકીને પગ મુકવા માગે છે.

    આ પણ વાંચો:લોકસભા ચૂંટણી 2019: આ છે દેશનું રાજકીય પરિદૃશ્ય 

    કોંગ્રેસ માટે આ વખતે રાજ્યમાં સારો માહોલ હતો. રાજ્ય વિધાનસભાની ચૂંટણીમાં પણ કોંગ્રેસે સારું પ્રદર્શન કર્યું હતું અને ભાજપને કાંટાની ટક્કર આપી હતી. આ ઉપરાંત, તાજેતરમાં જ દેશમાં 5 રાજ્યમાં યોજાયેલી ચૂંટણીમાં ભાજપના ગઢ ગણાતા એવા ત્રણ રાજ્ય - રાજસ્થાન, મધ્યપ્રદેશ અને છત્તીસગઢમાં કોંગ્રેસે સત્તામાં પૂનરાગમન કર્યું છે.

    આ પણ વાંચો: લોકસભા 2019: ચૂંટણી બાદ શું થશે, પુનરાવર્તન કે પરિવર્તન ?

    તેમાં પણ મધ્યપ્રદેશ અને છત્તીસગઢમાં તો 15 વર્ષ બાદ કોંગ્રેસને સત્તા મળી છે. આથી કોંગ્રેસ પાર્ટીના આત્મવિશ્વાસમાં થોડો વધારો થયો છે. એટલે, કોંગ્રેસ તેની તરફેણમાં ઊભા થયેલા માહોલનો પુરતો લાભ લેવા માગી રહી છે. જો કે, જે રીતે તેના ચૂંટાયેલા મહત્વના સભ્યો જેવા કે, કુંવરજી બાવળીયા, આશા પટેલ, જવાહર ચાવડા અને અન્ય કેટલાક દિગ્ગજ નેતાઓને સાચવી શકવામાં અસફળ રહી જે તે જોતા આગામી દિવસોમાં કોંગ્રેસ માટે આ તમામ બેઠકો માટે ચઢાણ કપરા છે.

    ગુજરાતની 26 બેઠકો પર 2014માં વિજેતા ઉમેદવાર





































































































































































    ક્રમબેઠકકેટેગરીવિજેતા ઉમેદવાર (પક્ષ)
    1કચ્છSCચાવડા વિનોદ લક્ષ્મણસિંહ (ભાજપ)
    2બનાસકાંઠાજનરલચૌધરી હરીભાઈ પાર્થીભાઈ (ભાજપ)
    3પાટણજનરલલીલાધરભાઈ કે. વાઘેલા (ભાજપ)
    4મહેસાણાજનરલજયશ્રીબેન કે. પટેલ (ભાજપ)
    5સાબરકાંઠાજનરલદીપસિંહ શંકરસિંહ રાઠોડ (ભાજપ)
    6ગાંધીનગરજનરલલાલકૃષ્ણ આડવાણી (ભાજપ)
    7અમદાવાદ પૂર્વજનરલપરેશ રાવલ (ભાજપ)
    8અમદાવાદ પશ્ચિમSCડો. કિરીટ સોલંકી (ભાજપ)
    9સુરેન્દ્રનગરજનરલદેવજીભાઈ ગોવિંદભાઈ ફતેપરા (ભાજપ)
    10રાજકોટજનરલમોહનભાઈ કે. કુંડારિયા (ભાજપ)
    11પોરબંદરજનરલવિઠ્ઠલભાઈ રાદડિયા (ભાજપ)
    12જામનગરજનરલપૂનમ એચ. માડમ (ભાજપ)
    13જૂનાગઢજનરલચુડાસમા રાજેશભાઈ નારણભાઈ (ભાજપ)
    14અમરેલીજનરલકાછડિયા નારણભાઈ ભીખાભાઈ (ભાજપ)
    15ભાવનગરજનરલડો. ભારતીબેન ડી. શિયાળ (ભાજપ)
    16આણંદજનરલદિલીપ પટેલ (ભાજપ)
    17ખેડાજનરલચૌહાણ દેવુસિંહ (ભાજપ)
    18પંચમહાલજનરલચૌહાણ પ્રભાતસિંહ પ્રતાપસિંહ (ભાજપ)
    19દાહોદSTજસવંતસિંહ ભાભોર (ભાજપ)
    20વડોદરાજનરલરંજનબેન ધનંજય ભટ્ટ (ભાજપ)
    21છોટા ઉદેપુરSTરામસિંહ રાઠવા (ભાજપ)
    22ભરૂચજનરલમનસુખભાઈ વસાવા (ભાજપ)
    23બારડોલીSTપ્રભુભાઈ વસાવા (ભાજપ)
    24સુરતજનરલદર્શનાબેન જરદોશ (ભાજપ)
    25નવસારીજનરલસી.આર. પાટીલ (ભાજપ)
    26વલસાડSTડો. કે.સી. પટેલ (ભાજપ)
    Published by:Jay Mishra
    First published:

    Tags: 2019 Election dates, Election commission of india, General Elections, કોંગ્રેસ, ભાજપ

    विज्ञापन

    विज्ञापन

    આગામી સમાચાર

    विज्ञापन
    विज्ञापन