મહેસાણા: કેનેડાથી નદી માર્ગે અમેરિકા જવાનો પ્રયાસ કરનારા ચૌધરી પરિવારને મળ્યું મોત!

Home /News /gujarat /મહેસાણા: કેનેડાથી નદી માર્ગે અમેરિકા જવાનો પ્રયાસ કરનારા ચૌધરી પરિવારને મળ્યું મોત!

મહેસાણાના ચૌધરી પરિવારનું કેનેડાથી ગેરકાયદેસર રીતે અમેરિકા જતા મોત!

Canada Calling: ગેરકાયદેસર રીતે કેનેડાથી અમેરિકામાં ઘૂસવાનો પ્રયાસ કરવામાં વધુ એક ગુજરાતી પરિવાર ભોગ બન્યો છે. આ વખતે પણ મહેસાણાનો પરિવાર ભોગ બન્યો છે, જે વિજાપુર તાલુકાના માણેકપુરનો હોવાની વિગતો મળી રહી છે. આ મામલે મહેસાણા પોલીસ દ્વારા તપાસ શરુ કરવામાં આવી છે.

News18 Gujarati
Last Updated : April 02, 2023, 12:16 IST
Mahesana (Mehsana), India

published by :Tejas Jingar

મહેસાણાઃ કેનેડાથી ગેરકાયદેસર અમેરિકામાં ઘૂસવાનો પ્રયાસ કરવાની વધુ એક ઘટના સામે આવી છે, આ વખતે કુલ 8 લોકોના મોતની ખબર આવી છે જેમાં 4 લોકો ગુજરાતના હોવાની વિગતો મળી રહી છે. સેન્ટ લોરેન્સ નદી પાર કરતી વખતે બોટ પલટી જતા દુર્ઘટના સર્જાઈ હતી જેના કારણે તેમાં સવાર લોકોના મોત થયા હતા. સ્થાનિક પોલીસ દ્વારા આ મામલે તપાસ કરવામાં આવી રહી છે. મૃતક પરિવાર મૂળ મહેસાણાનો હોવાનું બહાર આવી રહ્યું છે. બોટ પલટીની વિગતો મળ્યા બાદ રેસ્ક્યુ ટીમ દ્વારા તપાસ કરવામાં આવી હતી અને જે દરમિયાન નદીમાંથી મૃતદેહો મળી આવ્યા હતા. આ મૃતકોમાં મહેસાણાના ચૌધરી પરિવારનો સમાવેશ થાય છે.

બુધવારે રાત્રે બોટ પલટી જવાની ઘટના બની

બુધવારે રાત્રે પશ્ચિમ કેનેડામાં ન્યૂયોર્ક બોર્ડર પાસે ક્યુબેકમાં સર્જાયેલી દુર્ઘટનામાં કુલ 8ના મોત થઈ ગયા છે. જેમાં ગુરુવારે તપાસ દરમિયાન 6 મૃતદેહ અને પછી શુક્રવારે વધુ 2 મૃતદેહ મળી આવ્યા હોવાના રિપોર્ટ્સ છે. હવે આ મામલે સ્થાનિક પોલીસ દ્વારા વધુ તપાસ કરવામાં આવી રહી છે.

આ પણ વાંચોઃ દિગ્ગજ પૂર્વ ક્રિકેટર સલીમ દુરાનીએ 88 વર્ષની ઉંમરે લીધા અંતિમ શ્વાસ

મહેસાણાના પરિવારને મળ્યું મોત

કેનેડા પોલીસ દ્વારા મૃતકોના નામ જણાવવામાં આવ્યા છે તેમાં પ્રવીણભાઈ ચૌધરી (50), પુત્ર મિત ચૌધરી (20), પુત્રી, વિધિ ચૌધરી (24)નો સમાવેશ થાય છે. મળતી વિગતો પ્રમાણે ગેરકાયદેસર રીતે નદી માર્ગે કેનેડાથી અમેરિકા જઈ રહેલા પરિવારમાં એક મહેસાણાનો પરિવાર હતો જ્યારે અન્ય પરિવાર રોમાનિયાનો હતો.

કેનેડાથી USમાં ઘૂસતા ગુજરાતીના મોત, મહેસાણાના 1 પરિવારના પિતા, પુત્ર અને પુત્રીનું મોત થયા#News18GujaratiNo1 #Gujarat #Canada #US #Gujarati #Mehsana pic.twitter.com/1mNpQfFtao

— News18Gujarati (@News18Guj) April 2, 2023

હવે આ કેસમાં મહેસાણા તથા કેનેડાની સ્થાનિક પોલીસની તપાસ દરમિયાન અન્ય કેટલાક ચોંકાવનારા ખુલાસા થવાની શક્યતાઓ વ્યક્ત કરવામાં આવી રહી છે.

નોંધનીય છે કે આ પહેલા ડિંગુચા પરિવારની સાથે બનેલી ઘટના બાદ અમેરિકા કેનેડાની સાથે ભારત અને ગુજરાતની પોલીસે તપાસ કરી હતી. એ દરમિયાન ગેરકાયદેસર રીતે કેનેડાથી અમેરિકામાં જવાની કોશિશ કરતી વખતે પરિવાર બરફમાં ફસાઈ જવાના કારણે મોતને ભેટ્યો હતો.