વડોદરા: દર્દીનો છેલ્લો વીડિયો - 'છેલ્લા ત્રણ દિવસથી પાણી પણ જાતે જ ભરું છું'

વડોદરા: દર્દીનો છેલ્લો વીડિયો - 'છેલ્લા ત્રણ દિવસથી પાણી પણ જાતે જ ભરું છું'
ફાઇલ તસવીર અને વીડિયોમાંથી લીધેલી તસવીર

દર્દી 14 દિવસથી પાયોનિયર કોવિડ કેર ખાતે સારવાર લઇ રહ્યો હતો. ગઇકાલે તેમનું સારવાર દરમિયાન નિધન થયું હતું.

  • Share this:
    વડોદરાઃ શહેર સહિત રાજ્યભરમાં કોરોનાનો કહેર વ્યાપી રહ્યો છે. યુદ્ધનાં ધોરણે કોવિડ કેર સેન્ટર ઉભા કરી અને તેમાં સારવાર આપવામાં આવી રહી છે. ત્યારે શહેરની આજવા ચોકડી પાસેની પાયોનિયર હૉસ્પિટલમાં ઉભા કરાયેલા કોવિડ કેર સેન્ટરમાં દર્દીઓને પડી રહેલી તકલીફોનો એક વીડિયો વાયરલ થઇ રહ્યો છે. જેમાં અહીં સારવાર લઇ રહેલા એક દર્દીનું મોત નીપજ્યું છે. તેમના મોત પહેલાનો એક વીડિયો સામે આવ્યો છે. જેમાં તેઓ જણાવે છે કે, ઓક્સિજન માસ્ક પહેરીને હાંફતા હાંફતા જણાવે છે કે, હું અહિંયા પાણી પણ જાતે જ ભરું છું.

    શહેરની પાયોનિયર કોવિડ કેરમાં સારવાર લઇ રહેલા દર્દી પરેશ ભુરાભાઇ ખાંટનો વીડિયો સામે આવ્યો છે. જેમાં તેઓ જણાવે છે કે, જાતે જ ત્રણ દિવસથી પાણી ભરૂ છું. વીડિયોમાં દેખાય છે કે, તેમને આટલું બોલવામાં ઘણો જ શ્રમ પડી રહ્યો છે. જે બાદ તોઓ બતાવે છે કે, તેમનો પાણીનો બોટલ નીચે પડી ગયો છે. વીડિયોમાં દેખાતો દર્દી 14 દિવસથી પાયોનિયર કોવિડ કેર ખાતે સારવાર લઇ રહ્યો હતો. ગઇકાલે તેમનું સારવાર દરમિયાન નિધન થયું હતું.



    રાજ્યમાં ચશ્માંની દુકાનો ખુલી તો અન્ય વેપારીઓએ કહ્યું, 'અમારો શું વાંક?'

    આ મૃતકનાં પરિવારજનોએ તો એવો પણ આક્ષેપ કર્યો હતો કે, અમારી પાસે હોસ્પિટલમાં 27000 રુપિયા ચાર્જ લેવામાં આવ્યો છે. જ્યારે તેમને ફ્રી બેડ પર દાખલ કરાયા હતા.આ ચાર્જ શેનો લેવાયો છે તેની અમને ખબર નથી.



    રાજકોટ : જાગનાથ પ્લોટમાંથી ઝડપાયું કુટણખાનું, માતા કુટણખાનું ચલાવતી દીકરો ગ્રાહકો શોધી લાવતો

    મળતી વિગતો પ્રમાણે મૂળે મોડાસના અને હાલમાં મકરપુરા જીઆઈડીસી પાસે રહેતા 34 વર્ષના પરેશ ભૂરાભાઈ ખાંટને 13 દિવસ અગાઉ કોરોના થયો હતો. તેમને ખાનગી હોસ્પિટલમાં લઈ જવાયા હતા. જ્યાં તેમનુ ઓક્સિજન લેવલ ઘટી જતા પહેલા ગોત્રી હોસ્પિટલ લઈ જવાયા હતા.જ્યાંથી તેમને પાયોનિયર હોસ્પિટલ ખાતે રિફર કરવામાં આવ્યા હતા.
    Published by:Kaushal Pancholi
    First published:May 08, 2021, 08:18 am

    ટૉપ ન્યૂઝ