લાઠીચાર્જથી ઉંઝાની ઉમિયા માતા સંસ્થા નારાજ, સરકાર વિરુદ્ધ ઉચ્ચારી ચીમકી

હાર્દિકના ઉપવાસને નવમાં દિવસે ઉપવાસ છાવણી બહાર પાસ કાર્યકર્તાઓ પણ લાટીચાર્જ કર્યો હતો. આ દરમિયાન પોલીસે ઉમિયા માતાના રથને ડિટેઇન કર્યો હતો જેના વિરોધમાં ઉમિયા માતાજી સંસ્થાન ઉંઝાએ સરકારને ચીમકી આપી છે. સંસ્થાને કહ્યું કે સરકાર પાટીદાર સમાજની વિશ્વ ફલક સંગઠિત શક્તિને ઓછી ન આંકે.

રવિવારે હાર્દિકના ઉપવાસ આંદોલનનો નવો દિવસ હતો. ઉપવાસ છાવણી બહાર ચૂસ્ત પોલીસ બંદોબસ્ત ગોઠવવામાં આવ્યો હતો. આ દમરિયાન સાંજના સમયે પાસના કાર્યકર્તાઓ તથા પોલીસ વર્ષે ઘર્ષણ સર્જાયા હતા. જેમાં પોલીસ લાઠીચાર્જ કર્યો હોવાનો પાસ કાર્યકર્તાઓ આરોપ લગાવી રહ્યાં છે. એટલું જ નહીં પાસ કાર્યકર્તાઓનો આરોપ છે કે પોલીસે ઉમિયા માતાજીના રથને પણ ડિટેઇન કર્યો છે. આ સમગ્ર ઘટનાના ઘેરા પ્રત્યાઘાત પડ્યા છે.

અહીં ક્લિક કરી વાંચો 'જો આવી પરિસ્થિતિ ચાલુ રહેશે તો કાયદો વ્યવસ્થા તૂટે એની જવાબદારી તમારી રહેશે'

રથને ડિટેઇન કર્યા બાદ ઉમિયા માતા સંસ્થાન ઉંઝા દ્વારા સમગ્ર ઘટનાને વખોડી છે. સંસ્થાને સરકાર વિરુદ્ધ ચીમકી ઉચ્ચારી છે કે સરકાર આ કૃત્ય કરનાર અધિકારીઓ સામે પગલા લે નહીં તો ધાર્મિક સંસ્થાઓએ વિચારવું પડશે. વધુમાં સંસ્થાએ જણાવ્યું કે સરકાર પાટીદાર સમાજની વિશ્વ ફલકસંગઠીત શક્તિને ઓછી ન આંકે.

નવમાં દિવસે ઘર્ષણ, હાર્દિકે મેડિકલ ચેકઅપ કરાવવાની કરી મનાઇ

ઉપવાસ છાવણી બહાર હાર્દિકને મળવા માટે મોટી સંખ્યામાં પાસના કાર્યકર્તાઓ ઉમટી પડ્યાં હતા. જો કે હાર્દિકને મળવા માટે ખાસ લોકોને જ એન્ટ્રી આપવામાં આવે છે. આથી હાર્દિકને મળવા માટે પાસના કાર્યકર્તાઓ ઉશ્કેરાય ગયા હતા. આ દરમિયાન ટોળાને વિખેરવા માટે પોલીસ હળવો લાઠીચાર્જ કરવાની ફરજ પડી હતી. તો કહેવામાં આવી રહ્યું છે કે પોલીસ પાસના કાર્યકર્તાઓના વાહનો ડિટેઇન કર્યા છે. ત્યારે આ વાતને લઇને નારાજ થયેલા હાર્દિક પટેલે મેડિકલ ચેકઅપ કરાવવાની મનાઇ કરી છે. હાર્દિકે કહ્યું કે પોલીસ લાઠીચાર્જ કરવાનું અને પોતાની જોહુકમી બંધ કરે, ત્યારબાદ જ હું મેડિકલ ચેકઅપ કરાવીશ.

અહીં ક્લિક કરી વાંચો 10 દિવસમાં કેટલો બદલાયો હાર્દિક જુઓ તેની 10 તસવીરો

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Hardik Patel Fast, Pass, Unjha, હાર્દિક પટેલ