અમદાવાદ સિવિલ હોસ્પિટલમાં વેબપોર્ટલ વ્યવસ્થા થકી દર્દીઓને તમામ સારવાર બેડ પર જ મળી રહેશે

એશિયાની સૌથી મોટી સિવિલ હોસ્પિટલ (Ahmedabad Civil Hospital) 30થી વધુ ડિપાર્ટમેન્ટ આવેલ છે. રોજના હજારોની સંખ્યામાં દર્દી (Patient)ઓ સારવાર માટે આવે છે. પરંતુ હવે દર્દીઓએ એક ડીપાર્ટમેન્ટમાંથી બીજા ડીપાર્ટમેન્ટના ધક્કા ખાવા નહીં પડે. કારણ કે સિવિલ હોસ્પિટલએ ટેકનોલોજીના માધ્યમથી વેબ પોટલ શરૂ કરી છે. જે દર્દીઓ માટે આશીર્વાદ રૂપ સાબિત થશે.

અમદાવાદ અસારવા સિવિલ હોસ્પિટલ 110 એકર એરિયામાં પથરાયેલ છે. અહીં 30થી વધુ ડિપાર્ટમેન્ટ આવેલ છે. જ્યાં રોજની 2500 થી 3000 ઓપીડી આવે છે. જેમાંથી કેટલાક દર્દીઓને સારવાર માટે દાખલ કરવા પડે છે. જો કે એક ડીપાર્ટમેન્ટમાં દાખલ થયા બાદ દર્દીને બીજા ડિપાર્ટમેન્ટ રીફર કરવા પડતા હોય છે. ત્યારે ડોકટર રીફર માટેનું લખીને આપી દેતા હોય છે. પરંતુ દર્દીને લઈને ડીપાર્ટમેન્ટ શોધવાનો ક્યાં ડોક્ટરને મળવાનું છે. જે પ્રક્રિયામાં દર્દી તો ઠીક પણ દર્દી સાથે આવેલ સંબંધી પણ અડધા બીમાર થઈ જવા બરાબાર સાબિત થતુ હોય છે. પરંતુ એક સારા વિચારે દર્દીઓની પીડા ઓછી કરી દીધી છે. એ છે સિવિલ હોસ્પિટલની વેબ પોર્ટલ. સરકાર કે સિવિલ હોસ્પિટલના એક પણ રૂપિયાના ખર્ચ વગર વેબ પોર્ટલ તૈયાર કરવામાં આવી છે. આ વેબ પોર્ટ રેસિડેન્ટ ડોકટર પાર્થે કંસાગરાએ તૈયાર કરી છે.



અમદાવાદ સિવિલ હોસ્પિટલ સુપરિટેનડેન્ટ ડોકટર રાકેશ જોષીએ ન્યુઝ 18 ગુજરાતી સાથે વાત કરતા જણાવ્યું કે સિવિલ હોસ્પિટલમાં ગુજરાત અને ગુજરાત બહારના દર્દીઓ સારવાર માટે આવે છે. ત્યારે બહારથી આવતા દર્દીઓ અને તેની સાથે આવેલ સ્વજનોને એક ડીપાર્ટમેન્ટમાંથી બીજા ડીપાર્ટમેન્ટ શોધવાનું મુશ્કેલ પડતું હતું. પરંતુ વેબ પોર્ટના કારણે દર્દી એક વખત દાખલ થયા બાદ એક્સ-રે અથવા તો ઓપરેશન માટે બેડ પરથી ઉભા થઇને જવું પડશે. બાકી તમામ સારવાર બેડ પર મળી જશે. અને ભવિષ્યમાં તમામ ડીપાર્ટમેન્ટ વેબ પોર્ટલ જોડવા માટેનો પ્લાન ચાલી રહ્યો છે.

આ પણ વાંચો- 50 વર્ષ જૂનો આસામ-મેઘાલય સરહદ વિવાદ ઉકેલાયો, ગૃહમંત્રી અમિત શાહે ભજવી મહત્વની ભૂમિકા

બી જે મેડિકલ કોલેજમાં અભ્યાસ કરતો અને સિવિલ હોસ્પિટલમાં રેસિડેન્ટ ડોકટર પાર્થે કંસાગરાએ ન્યુઝ 18 ગુજરાતી સાથે વાત કરતા જણાવ્યું હતું કે સિવિલ હોસ્પિટલમાં પેક્ટિસ કરી રહ્યો છું 10 વર્ષથી પાર્થ જો તો હતો કે દર્દીઓ એક ડિપાર્ટમેન્ટ બીજા ડીપાર્ટમેન્ટ જવા કેટલી મુશ્કેલી પડે છે. પરંતુ દર્દી દાખલ થયા બાદ બેડ પર તમામ સારવાર થઈ જાય એવું કંઈ કરવાનો વિચાર આવ્યો અને ઓનલાઈન સુવિધા ઉભી કરી. વેબ પોર્ટલમાં દર્દીએ કશું કરવાનું નથી. પરંતુ જે ડીપાર્ટમેન્ટમાં દાખલ છે ત્યાંના ડોકટર રીફર લખી આવે તે ઓનલાઈન જે તે ડિપાર્ટમેન્ટ મેસેજ જતો રહે છે. અને એ મેસેજ જોઈને ડોકટર જે પણ વોર્ડમાં દર્દી દાખલ હોય ત્યાં પહોંચી દર્દીને તપાસ કરી આવે છે.

આ પણ વાંચો - Rajasthan Day: ગાંધીનગરમાં બુધવારે રાજસ્થાન દિવસની પરંપરાગત રીતે ભવ્ય ઉજવણી કરાશે

અમદાવાદ સર્જિકલ વોર્ડમાંથી નર્સ અર્પિતાએ દર્દી સચિનનો રીફર મેસેજ અને દર્દીની ડિટેઇલ પોર્ટલમાં સબમિટ કરી. મેડિસિન ડીપાર્ટમેન્ટને સબમિટ કર્યો અને મેસેજ મળતા ડો.પરાગ સારવાર માટે પહોંચી ગયા. એટલે દર્દીએ મેડિસિન વિભાગમાં જવું ન પડ્યું અને બેડ પટ સારવાર મળી ગઇ. આ સુવિધા અને વ્યવસ્થાથી દર્દીઓ પણ ખુશ છે. હવે સિવિલ હોસ્પિટલમાં વેબપોર્ટલના કારણે દર્દીએ દાખલથી ડિસ્ચાર્જ સુધી બધી સારવાર બેડ પર જ મળી જશે. સમય પણ બચી જશે. દર્દીને તકલીફ ઓછી પડશે. એક સારી વ્યવસ્થા પણ બની રહેશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Civil Hospital, Civil Hospital news, Gujarati news, અમદાવાદ