Home /News /gujarat /

કોલેજીયમ દ્વારા કરાયેલી ભલામણ રાજ્ય સરકાર દ્વારા આગળ નહીં મોકલવામાં આવતી હોવાનો આક્ષેપ

કોલેજીયમ દ્વારા કરાયેલી ભલામણ રાજ્ય સરકાર દ્વારા આગળ નહીં મોકલવામાં આવતી હોવાનો આક્ષેપ

ગુજરાત હાઇકોર્ટ એડવોકેટ એસોસિયેશન દ્વારા આ મુદ્દે 11મી ઓક્ટોબરના રોજ કામથી અળગા રહેવા માટેનો ઠરાવ પાસ કર્યો

ગુજરાત હાઇકોર્ટ એડવોકેટ એસોસિયેશન દ્વારા આ મુદ્દે 11મી ઓક્ટોબરના રોજ કામથી અળગા રહેવા માટેનો ઠરાવ પાસ કર્યો

    સંજય જોશી, અમદાવાદ : ગુજરાત હાઇકોર્ટમાં જજોની ખાલી હોદ્દાઓ માટે હાઇકોર્ટની કોલેજીયમ દ્વારા કરાયેલી ભલામણ રાજ્ય સરકાર દ્વારા આગળ નહીં મોકલવામાં આવતી હોવાના આક્ષેપ સાથે ગુજરાત હાઇકોર્ટ એડવોકેટ એસોસિયેશન દ્વારા આ મુદ્દે 11મી ઓક્ટોબરના રોજ કામથી અળગા રહેવા માટેનો ઠરાવ પાસ કર્યો છે. મંગળવારના રોજ GHCAAના જોઇન્ટ સેક્રેટરી હાર્દિક બ્રહ્મભટ્ટે એક ઠરાવ મારફતે જણાવ્યું હતું કે, GHCAAના પ્રેસિડેન્ટ સિનીયર એડવોકેટ યતિન ઓઝાએ સુપ્રીમ કોર્ટના ચીફ જસ્ટિસને ઉદ્દેશીને હાઇકોર્ટમાં જજોની નિમણૂંકના મુદ્દે જે પત્ર લખ્યો છે તેને બાર એસોસિયેશન વતીની જ રજૂઆત ગણવામાં આવે. રાજ્ય સરકાર કે કેન્દ્ર સરકાર દ્વારા જો હાઇકોર્ટ દ્વારા કરવામાં આવેલી ભલામણો એક સપ્તાહમાં આગળ નહીં મોકલવામાં આવે તો એસોસિયેશનના સભ્યો 11મી ઓક્ટોબરના રોજ કામથી અળગા રહીને પોતાનો વિરોધ દર્શાવશે.

    આ સમગ્ર મામલે યતિન ઓઝાએ સુપ્રીમ કોર્ટના ચીફ જસ્ટિસ રંજન ગોગોઇને ઉદ્દેશીને જે પત્ર લખ્યો છે તેને જ એસોસિયેશનની રજૂઆત ગણવાનું ઠરાવમાં જણાવ્યું છે. જે રજૂઆત મુજબ ગુજરાત હાઇકોર્ટમાં જજોની નિમણૂંકની પ્રક્રિયા ઝડપથી કરવાની વિનંતી કરવામાં આવી છે. જેમાં એવી રજૂઆત કરવામાં આવી હતી કે ગુજરાત હાઇકોર્ટની કોલેજીયમ દ્વારા આ વર્ષે મે મહિનામાં 15 એડવોકેટ્સ અને પાંચ જ્યુડિશિયલ ઓફિસર્સની હાઇકોર્ટના જજ તરીકે નિમણૂંક કરવા માટેની ભલામણ કરવામાં આવી હતી. જે અનુસંધાને રાજ્ય સરકારે માત્ર પાંચ જ્યુડિશિયલ અધિકારીઓના પ્રસ્તાવ પર અભિપ્રાય આપ્યો હતો અને બાકીના પ્રસ્તાવો પણ સરકારે પોતાના વિચારો આપ્યા નથી.

    આ તથ્યોને ધ્યાનમાં રાખીને એવી વિનંતી પણ કરાઇ છે કે હાઇકોર્ટમાં જજોની નિમણૂંક માટે રાજ્ય સરકારના અભિપ્રાયની વાટ જોવાની જરૂર નથી અને ગુજરાત હાઇકોર્ટની કોલેજીયમે જે પ્રસ્તાવ મોકલાવ્યા છે તેને જ સુપ્રીમની કોલેજીયમે ધ્યાનમાં લેવો જોઇએ. ગુજરાત હાઇકોર્ટની કોલેજીયમની ભલામણમાં રાજ્ય સરકાર ઇરાદાપૂર્વક વિલંબ કરી રહી હોવાનો આક્ષેપ પણ કરવામાં આવ્યો છે. તે ઉપરાંત એમ પણ જણાવ્યું છે કે હાઇકોર્ટ અને સુપ્રીમ કોર્ટના જજોની નિમણૂંક અંગેની એક સતત પ્રક્રિયા હોય છે. વિવિધ બંધારણીય મહાનુભાવો આ પ્રક્રિયામાં સામેલ હોય છે અને એક ચોક્કસ સમયમર્યાદામાં તે કાર્યવાહી પૂર્ણ કરવાની ફરજ પણ નિભાવવાની હોય છે. જેથી કરીને નિમણૂંકની પ્રક્રિયા એક અંતિમ તબક્કે પહોંચી શકે. જે બાબતને ધ્યાનમાં રાખીને યોગ્ય નિર્ણય કરવામાં આવે.
    Published by:Ashish Goyal
    First published:

    Tags: Gujrat, અમદાવાદ, ગુજરાત હાઇકોર્ટ

    આગામી સમાચાર