Home /News /gujarat /

Engineering Admission 2022: ગુજરાતની એંજિનિયરીંગ કોલેજમાં પ્રવેશ આસાન, બેઠકો સામે છાત્રો ઓછા

Engineering Admission 2022: ગુજરાતની એંજિનિયરીંગ કોલેજમાં પ્રવેશ આસાન, બેઠકો સામે છાત્રો ઓછા

ચાલુ વર્ષે એન્જિનિયરિંગ કોલેજોની સ્થિતિ અંધકારમય

અંતરિયાળ વિસ્તારમાં આવેલી કોલેજોને મોટો ફટકો પડશે. 66,000 બેઠકો સામે માત્ર 24,000 ગ્રુપ A ના વિદ્યાર્થીઓ જ અરજી કરવા માટે લાયક.ચાલુ વર્ષે એન્જિનિયરિંગ કોલેજોની સ્થિતિ અંધકારમય.

    અમદાવાદ: ગુજરાત બોર્ડનું (Board) પરિણામ 2020 માં 71.34% ની સરખામણીમાં 72.02% છે. જે અગાઉ કરતાં વધુ છે પરંતુ એંજિનિયરીંગ બ્રાન્ચમાં પ્રવેશ માટે વિદ્યાર્થીઓ માટે કોઇ ચિંતાનો પ્રશ્ન નથી. ગુજરાતમાં એંજિનિયરીંગ કોલેજોમાં ( Engineering colleges in Gujarat ) બેઠકોની સામે વિદ્યાર્થીઓની સંખ્યા ઓછી હોવાથી બેઠકો ખાલી રહે છે. 66,000 બેઠકો સામે માત્ર 26 હજાર જેટલા જ ગ્રુપ A ના વિદ્યાર્થીઓ (Students) જ છે.

    જો ધોરણ 12 સાયન્સના CBSE વિદ્યાર્થીઓને ઉમેરવામાં આવે તો પણ પરીક્ષામાં ઉપસ્થિત 95,361 વિદ્યાર્થીઓમાંથી એડમિશન (Admission) સિઝનના અંતે સરકારી એન્જિનિયરિંગ કૉલેજોમાં 20% અને સેલ્ફ ફાઇનાન્સ કૉલેજોમાં 60% ખાલી જગ્યાઓ ખાલી રહેશે એવી સંભાવના જોવાઇ રહી છે.  પરિણામો ગુરુવારે જાહેર કરવામાં આવ્યા હતા. 68,681 વિદ્યાર્થીઓ એટલે કે 72.02% વિદ્યાર્થીઓ પ્રમાણપત્ર (Certificate) મેળવવા માટે લાયક થયા છે. જે 2020 માં ધોરણ 12 વિજ્ઞાનપ્રવાહના 71.34% પરિણામ કરતાં માત્ર 0.68% વધારે છે.

    ગ્રુપ A માં આવેલા 33,369 વિદ્યાર્થીઓમાંથી 26,183 વિદ્યાર્થીઓ એટલે કે 78.40% વિદ્યાર્થીઓ પાસ (Pass) થયા છે. જે પ્રવેશમાં ભાગ લેવા માટે લાયક બનશે. ગ્રુપ A ના વિદ્યાર્થીઓની સંખ્યા વર્ષે વર્ષે ઘટી રહી છે.

    2013માં 12મા ધોરણની સાયન્સની (Science) પરીક્ષામાં ઉપસ્થિત 74,226 વિદ્યાર્થીઓ ગ્રુપ A ના વિદ્યાર્થીઓ હતા. જેમાં આ આંકડો ઘટીને 2021માં 44,546 અને 2020માં 34,440 વિદ્યાર્થીઓ (Student) થયા હતા.

    વર્ષ 2020માં છેલ્લે ખાનગી (Private) કોલેજોમાં મેરિટ 47.83% એ અટક્યું હતું અને 2021માં માસ પ્રમોશનને લીધે વિદ્યાર્થીઓને ગ્રેડના આધારે એડમિશન આપવામાં આવ્યા હતા.

    આ પણ વાંચો :NEET આપ્યા વગર પણ મેડિકલ લાઈનમાં બની શકે છે કારકિર્દી, જાણો કેવી રીતે

    ફક્ત કોમ્પ્યુટર અને ITની જ રહી માંગ

    સિલ્વર ઓક યુનિવર્સિટીના વાઇસ પ્રેસિડેન્ટે જણાવ્યું હતું કે પરિણામ કોલેજો માટે પડકારો ઉભો કરશે. તેમણે કહ્યું કે અત્યારે માત્ર IT અને કોમ્પ્યુટર (Computer) એન્જિનિયરિંગની જ માંગ છે. રિક્રુટર્સ (Recruiters) દ્વારા રસ હોવા છતાં અમે પરંપરાગત એન્જિનિયરિંગ શાખાઓમાં ઇન્ટેક ઘટાડ્યો છે. શહેરી વિસ્તારોની કોલેજોને (College) વિદ્યાર્થીઓને આકર્ષવામાં મુશ્કેલી ન પડે. પરંતુ અંતરિયાળ વિસ્તારોમાં રહેનારાઓને સંઘર્ષ કરવો પડશે.
    Published by:kuldipsinh barot
    First published:

    Tags: Ahmedabad news, અમદાવાદ

    આગામી સમાચાર