Segregation of Dry Waste & Wet Waste for clean Gujarat

Home /News /gujarat /જાણો શું છે લીલો અને સૂકો કચરો, સાવધાન નહીં કરો અલગ તો લેવાશે દંડ

પ્રતિકાતમ્ક તસવીર

આવતી કાલે એટલે ત્રીજી ડિસેમ્બરથી દરેક જગ્યાએથી અલગ અલગ કરેલો કચરો જ સ્વીકારવામાં આવશે તેવી સ્પષ્ટ જાહેરાત કરવામાં આવી છે.

News18 Gujarati
Last Updated : December 02, 2018, 15:40 IST

published by :Kaushal Pancholi

આવતી કાલે એટલે ત્રીજી ડિસેમ્બરથી દરેક જગ્યાએથી અલગ અલગ કરેલો કચરો જ સ્વીકારવામાં આવશે તેવી સ્પષ્ટ જાહેરાત કરવામાં આવી છે. નાગરીકોને કચરો અલગ તારવવા માટે લીલા અને વાદળી રંગના બીન આપવામાં આવશે.

સ્વચ્છ ભારત મિશન અંતર્ગત શહેરી વિસ્તારમાંથી સૂકા અને ભીના કચરાને અલગ એકત્ર કરી તેનો નિકાલ કરવાનાં પ્રોજેકટને સફળ બનાવવા માટે રવિવારે નાગરિકોને જાગૃતિ આપવામાં આવી હતી. કોર્પોરેશનના અધિકારીઓ આ ઝૂંબેશ રવિવારે સવારે સાતથી રાતનાં 10 વાગ્યા સુધી ચલાવવામાં આવશે. શહેરના તમામ ગાર્ડનમાં એએમસીના અધિકારીઓ લોકોને કઇ રીતે સૂકો અને ભીનો કચરો છૂટા પાડવામાં આવે તેની માહિતી આપી રહ્યાં હતાં. જેમાં અમદાવાદ મ્યુનિસિપલ કમિશ્નર વિજય નહેરા પણ શહેરના પરિમલ ગાર્ડનમાં જઇને લોકોને સમજાવ્યાં હતાં.

કમિશનર વિજય નહેરાએ કહયું કે, અમદાવાદ શહેરને દેશનાં સૌથી સ્વચ્છ શહેર બનાવવાની દિશામાં આ એક મહત્વનુ પગલુ સાબિત થશે.

આ અંગે એએમસીનો એક વીડિયો પણ સામે આવ્યો છે.

ભીનો અને સૂકો કચરો અલગ આપીએ,
આવો સૌ સાથે મળીને અમદાવાદ ને દેશ નું સૌથી સ્વરછ શહેર બનાવીએ.#CleanAmdavad #CleanIndia #MaruAmdavad #Amdavad @SwachhBharatGov @swachhbharat @vnehra @ibijalpatel pic.twitter.com/G3z1YU7iwX

— AMC (@AmdavadAMC) December 1, 2018

કચરો અલગ કરવાનો ફાયદો

ભીનો કચરો રીસાઇકલ કરીને તેમાંથી ખાતર બનાવવામાં આવશે

સુકા કચરામાંથી પ્લાસ્ટીક, લોંખડ, કાચ, કાગળ અલગ કરવામાં આવશે

સુકા કચરાને રીસાઇકલ કરી પ્લાસ્ટીક બનાવી શકાશે

કાગળનો કચરો રીસાઇકલ કરીને તેમાંથી કાગળ બનાવી શકાશે

કાગળ રીસાઇકલ થતા વૃક્ષોને કપાતા બચાવી શકાશે

સુકો ભીનો કચરો અલગ રાખવાથી ગંદકી ઓછી થશે

સુકો લીલો કચરો અલગ રાખવાથી વાતાવરણ ઓછું પ્રદુષિત થશે

કચરો અલગ કરવાથી કચરો ઢગલામાં જવાને બદલે રીસાઇકલ યુનિટમાં જશે

અમદાવાદને સ્વચ્છ બનાવવામાં મદદ મળશે.

જો તમને થાય કે સૂકો કચરો અને ભીના કચરો શું છે, તમને થોડું પણ કન્ફ્યુઝન થતું હોય તો જાણી લો કોને સુકો કચરો કહેવાય અને કોને ભીનો કચરો કહેવાય.

સૂકો કચરો
કાગળ
કાંચ
પુંઠા
ધાતુ
કપડા
તુટેલા ડબ્બા
પ્લાસ્ટિકની થેલીઓ
રબર

ભીનો કચરો
બગડેલા શાકભાજી
વધેલો ખોરાક
ફળ અને તેના છોતરા
બગડેલા જ્યુસ
શાકભાજી
ઝાડના પાંદડા