Home /News /gujarat /અમદાવાદઃ સારવાર માટે લવાયેલો કેદી પોલીસને ચકમો આપી થયો છૂમંતર

અમદાવાદઃ સારવાર માટે લવાયેલો કેદી પોલીસને ચકમો આપી થયો છૂમંતર

યુએન મહેતા હોસ્પિટલમાં સારવાર માટે લવાયેલો કેદી પોલીસને ચકમો આપીને ફરાર થઇ ગયો હતો.

યુએન મહેતા હોસ્પિટલમાં સારવાર માટે લવાયેલો કેદી પોલીસને ચકમો આપીને ફરાર થઇ ગયો હતો.

    પોલીસ જાપ્તામાંથી કેદીઓ ફરાર થવાના કિસ્સાઓ અનેકવાર બનતા રહે છે. કોઇના કોઇ બહાનું ધરીને કેદીઓ ચપળતા પૂર્વક પોતીને ચકમો આપી ફરાર થવાના કિસ્સાઓ અનેકવાર બને છે. આવો જ એક કિસ્સો આજે એટલે કે ગુરુવારે અમદાવાદ સિવિલ હોસ્પિટલ કેમ્પસમાં બન્યો હતો. સિવિલ હોસ્પિટલ કેમ્પસમાં આવેલી યુએન મહેતા હોસ્પિટલમાં સારવાર માટે લવાયેલો કેદી પોલીસને ચકમો આપીને ફરાર થઇ ગયો હતો. પોલીસે ફરાર કેદીને પકડવા માટે ચક્રો ગતિમાન કર્યા છે.

    પાકા કામનો કેદી પોલીસને ચકમો આફી જાપ્તામાંથી થયો ફરાર

    મળતી માહિતી પ્રમાણે આજે અમદાવાદ સિવિલ હોસ્પિટલ કેમ્પસમાં આવેલી યુએન મહેતા હોસ્પિટલમાં પોલીસ એક કેદીને સારવાર માટે લવાયો હતો.. જોકે, કેદીએ પોતાની હોશિયારી વાપરીને પોલીસને ચકમો આપી જાપ્તામાંથી ફરાર થઇ ગયો હતો. પોલીસ સુત્રોના જણાવ્યા પ્રમાણે કેદીને છાતીમાં દુઃખાવાની ફરિયાદ હોવાથી તેને યુએન મહેતામાં લાવવામાં આવ્યો હતો.

    અગાઉ પેરોલ જમ્પ કરીને આરોપી ભાગતો ફરતો હતો

    પાકા કામના આ કેદીને પકડવા માટે પોલીસે ચક્રો ગતિનામ કર્યા છે. પોલીસ સુત્રોના જણાવ્યા પ્રમાણે ફરાર આપોરી અગાઉ પણ પેરોલ જમ્પ કરીને ભાગતો ફરતો હતો. આ આરોપીનું નામ સિરાજખાન પઠાણ છે જેની સામે વેજલપુર અને નારણપુરા પોલીસ સ્ટેનમાં ગુનાઓ નોંધાયેલા છે.

    કલોલમાં લઘુ શંકાનું કહે કોર્ટમાંથી ભાગી ગયો હતો કેદી

    કલોલ શહેર પોલીસના એ.એસ.આઈ ગત 22 માર્ચના રોજ સાબરમતી સેન્ટ્રલ જેલમાંથી મુદ્દત ભરવા કાચા કામના ત્રણ કેદીને કલોલની કોર્ટમાં લાવ્યા હતા. જયાં કાર્યવાહી પતી ગયા બાદ એક કેદી લઘુશંકા કરવા કોર્ટના શૌચાલયમાં ગયો હતો તેની સાથે એ.એસ.આઈ પણ ગયા હતા. અને બહાર આવ્યા બાદ કેદી તક જોઈને કોર્ટનો વરંડો ઠેકી ભાગી ગયો હતો. કેદી પોલીસ જાપ્તમાંથી ભાગી છૂટતા ભારે દોડધામ મચી ગઈ હતી. પોલીસે તેનો પીછો કર્યો પણ કેદી પળવારમાં પલાયન થઈ ગયો હતો. બનાવ અંગે પોલીસે અપુરતા જાપ્તા સાથે કેદીને કોર્ટમાં રજૂ કરનાર એ.એસ.આઈ સામે ફરિયાદ દાખલ કરી તપાસ હાથ ધરી છે.
    Published by:Ankit Patel
    First published:

    Tags: Police custody, કેદી

    विज्ञापन

    ન્યૂઝ 18 ગુજરાતી ટ્રેન્ડિંગ

    વધુ વાંચો
    विज्ञापन
    विज्ञापन
    विज्ञापन