ગુજરાતમાં મનરેગાના કામો બંધ, સરકાર પાસે મનરેગા માટે પૈસા જ નથી

ગાંધીનગરઃગુજરાતમા મનરેગાના કામો બંધ કરી દેવાયા છે. શ્રમિકોને કામના પૈસા, મટીરીયલના બીલો ચુકવણી સ્થગિત કરવા આદેશ અપાયો છે. સરકાર પાસે મનરેગા માટે પૈસા જ નથી. નાયબ કમિશનરની સહીથી તમામ જિલ્લા અધિકારીઓને સુચના આપી દેવાઇ છે.

નાયબ કમિશનર ડી.એસ.ગઢવીની સહીથી આદેશપત્ર બહાર પડાયો છે. જ્યા સુધી ફંડ ન મળે ત્યાં સુધી તમામ પેમેન્ટ અટકાવી રાખવા આદેશ કરાયો છે.

ઉલ્લેખનીય છે કે, કેન્દ્રમાં યુપીએ સરકાર દ્વારા મનરેગા યોજના શરૂ કરવામાં આવી હતી. જેથી નાના ગામડાઓમાં પણ શ્રમિકોને રોજીરોટી મળી રહેતી હતી. ત્યારે ગુજરાતમાં આ યોજના હાલ પુરતી અટકાવી દેવાતા શ્રમીકોની કફોડી સ્થિતી સર્જાઇ છે.

ગુજરાતમા મનરેગાના કામો બંધ કરી દેવા ગ્રામ વિકાસ કમિશનર કચેરીએ આદેશ કર્યો છે. કારણ કે વર્ષ પુરૂ થવા આવ્યુ હોવા છતાંયે ભારત સરકારે ગુજરાત સરકારને મનરેગા માટે બીજા હપ્તા પેટે રૂ.300 કરોડ આપ્યા નથી. આથી ગુજરાત સરકારના અધિકારીઓને શ્રમિકોને કામના પૈસા, મટીરીયલના બીલો ચુકવણા સ્થગિત કરવા પડ્યા છે. સરકાર પાસે મનરેગા માટે પૈસા જ ન હોય તેવા નિર્દેશ સાથે નાયબ કમિશનરની સહીથી તમામ જિલ્લા અધિકારીઓને સુચના આપવામા આવી છે.

ગુજરાતમા મનરેગાને કારણે લગભગ 6 લાખથી વધારે બેરોજગાર ગ્રામિણ નાગરિકોને 100 દિવસનુ કામ મળે છે. એટલુ જ નહી ગ્રામ્ય વિસ્તારોમા અનેક નાનામોટા વિકાસ કામો પણ ગુજરાત સરકાર મનરેગાની ગ્રાંટમાંથી કરાવે છે. વર્ષે દહાડે 600 કરોડના કામો અને સંકડો નાગરિકોને રોજગાર આપતી આ સ્કીમ બંધ થતા રાજ્યના અર્થતંત્રને પણ નકારાત્મક અસર થઈ રહી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: કેન્દ્ર સરકાર, મનરેગા, યોજના, રાજ્ય સરકાર, શ્રમિકો