કુમાર પ્રકાશને ગણિત-વિજ્ઞાનના વિદ્યાર્થીઓ માટે રજૂ કરી એપ્લીકેશન

ન્યૂઝ18 ગુજરાતી: પુસ્તકો સાથે ડિજિટલાઇઝેશન અપનાવવા માટે કુમાર પ્રકાશન કેન્દ્ર દ્વારા એક મહત્વનું પગલું ભરવામાં આવ્યું છે. કુમાર પ્રકાશન કેન્દ્ર દ્વારા ગુજરાતી ભાષામાં મોબાઇલ એપ્લીકેશન ફ્રી ઓગમેન્ટેડ રિયાલિટી (એઆર)+3 ડી વીડિયો દર્શનની રજૂઆત કરવામાં આવી છે.

વર્ષ 2019-20થી ગુજરાતમાં એનસાઇઆરટી કોર્સ અમલી બનવા જઇ રહ્યો છે. આથી, ગુજરાતમાં પહેલીવાર કુમાર પ્રકાશન કેન્દ્ર દ્વારા ધોરણ 9-12ના વિદ્યાર્થીઓ માટે ગણિત અને વિજ્ઞાનના વિષયને સરળ રીતે સમજવા ફ્રી ઓગમેન્ટેડ રિયાલિટી (એઆર)+3 ડી વીડિયો દર્શન મોબાઇલ એપ્લીકેશન રજૂ કરવામાં આવી છે.

કુમાર પ્રકાશન કેન્દ્રના સ્થાપક હેતલ શાહે જણાવ્યું હતું કે, આ એપ્લીકેશનની મદદથી ગુજરાતી અથવા અંગ્રેજી માધ્યમમાં અભ્યાસ કરતાં ધોરણ 9-12ના વિદ્યાર્થીઓ વૈશ્વિક સ્તરે અન્ય વિદ્યાર્થીઓ સાથે સ્પર્ધા કરી શકશે. દૂરના ગામડાંઓમાં વસતાં વિદ્યાર્થીઓ પણ આ એપ્લીકેશનની મદદથી અને 3ડી વીડિયો દર્શનનો ઉપયોગ કરીને કુશળતા વિકસાવી શકશે.

આ પણ વાંચો: ફાનીનો કહેર: ગુજરાતથી ઓડિશા, વિશાખાપટ્ટનમ જતી 1500 ટુર થઇ રદ

વિદ્યાર્થીઓ પ્રયોગશાળામાં ઉપલબ્ધ ન હોય તેવા ઉપકરણો મોબાઇલ અને ટેબલેટનો ઉપયોગ કરીને તથા ગણિત અને વિજ્ઞાનના વિષયમાં આવતી આકૃત્તિઓ સરળ રીતે સમજી શકશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Launches, Students, અરજી