ભારત બંધના બીજા દિવસે પણ વધ્યા ભાવ, મહારાષ્ટ્રમાં પેટ્રોલ રૂ. 90ને પાર

અમદાવાદઃ પેટ્રોલ-ડીઝલના ભાવમાં સતત વધારો થઈ રહ્યો છે. એક દિવસ પહેલા જ કોંગ્રેસે પેટ્રોલ-ડીઝલના વધતા ભાવને પગલે ભારત બંધની જાહેરાત કરી હતી. તેના બીજા દિવસે પણ પેટ્રોલ-ડીઝલની કિંમતો વધી છે. ગુજરાતમાં મંગળવારે પાટણમાં પેટ્રોલની સૌથી વધારે કિંમત નોંધાઈ હતી. પાટણમાં આજનો પેટ્રોલની ભાવ પ્રતિ લીટર રૂ. 81.11 નોંધાયો છે.

મહારાષ્ટ્રમાં પેટ્રોલનો ભાવ રૂ. 90 પ્રતિ લીટર પહોંચ્યો

મંગળવારે પણ પેટ્રોલ-ડીઝલની કિંમતમાં સતત વધારો નોંધાયો છે. મહારાષ્ટ્રના પરભામીમાં પેટ્રોલની કિંમત રૂ. 90.05 પ્રતિ લીટર સુધી પહોંચી છે. દેશમાં પેટ્રોલની સૌથી વધારે કિંમત અહીં નોંધવામાં આવી છે. મુંબઈમાં એક લીટર પેટ્રોલની કિંમત 14 પૈસા વધીને રૂ. 88.26 સુધી પહોંચી છે, જ્યારે દિલ્હીમાં પેટ્રોલની કિંમત રૂ. 80.87 પ્રતિ લીટર છે. ડીઝલની કિંમતમાં પણ 15 પૈસાનો વધારો નોંધાયો છે. મુંબઈમાં ડીઝલની કિંમત રૂ. 77.47 પ્રતિ લીટર, જ્યારે દિલ્હીમાં રૂ. 72.97 પ્રતિ લીટર છે. સોમવારે દિલ્હીમાં પેટ્રોલની કિંમત રૂ. 80.73 અને ડીઝલની કિંમત રૂ. 72.83 પ્રતિ લીટર હતી.

આ પણ વાંચોઃ પેટ્રોલપંપનું નામ બદલીને 'પ્રધાનમંત્રી વસૂલી કેન્દ્ર' રાખી દઈએ તો કેવું રહે?: હાર્દિક

નોંધનીય છે કે મધ્ય ઓગસ્ટથી અત્યાર સુધી પેટ્રોલની કિંમતમાં રૂ. 3.79 પ્રતિ લીટર, જ્યારે ડીઝલની કિંમત રૂ. 4.21 પ્રતિ લીટર વધી છે. આનું મુખ્ય કારણ અમેરિકાની સરખામણીમાં ભારતીય રૂપિયાના મુલ્યમાં સતત થઈ રહોલો ઘટાડો છે.

ગુજરાતમાં કયા શહેરમાં કેટલો ભાવ?

અમદાવાદઃ પેટ્રોલ રૂ.80.09, ડીઝલ રૂ.79.39
વડોદરાઃ પેટ્રોલ રૂ.79.80, ડીઝલ રૂ.78.09
સુરતઃ પેટ્રોલ રૂ.80.01, ડીઝલ રૂ.78.33
રાજકોટઃ પેટ્રોલ રૂ.79.88, ડીઝલ રૂ.78.19
બનાસકાંઠાઃ પેટ્રોલ રૂ.80.46, ડીઝલ રૂ.78.53
દાહોદઃ પેટ્રોલ રૂ.80.95, ડીઝલ રૂ.79.09
ભાવનગરઃ પેટ્રોલ રૂ.80.11, ડીઝલ રૂ.79.40
પાટણઃ પેટ્રોલ રૂ.81.11, ડીઝલ રૂ.79.40
અરવલ્લીઃ પેટ્રોલ રૂ.80.72, ડીઝલ રૂ.79.01
પંચમહાલઃ પેટ્રોલ રૂ.80.42, ડીઝલ રૂ.78.72
બોટાદ: પેટ્રોલ રૂ.80.54, ડીઝલ રૂ.78.80
તાપી:  પેટ્રોલ રૂ.80.18, ડીઝલ 78.47
જૂનાગઢ: પેટ્રોલ રૂ.80.16, ડીઝલ રૂ.78.46
ગીર-સોમનાથ: પેટ્રોલ રૂ.80.86, ડીઝલ રૂ.79.13
જામનગર: પેટ્રોલ રૂ.79.59, ડીઝલ રૂ.77.86

આ પણ વાંચોઃ ભારત બંધ દરમિયાન અનેક જગ્યાએ ભડકી હિંસા, જુઓ તસવીરોમાં વિરોધ પ્રદર્શન

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bharat Bandh, Petrol-diesel-price, ગુજરાત