Home /News /gujarat /

પેટ્રોલપંપનું નામ બદલીને 'પ્રધાનમંત્રી વસૂલી કેન્દ્ર' રાખી દઈએ તો કેવું રહે?: હાર્દિક

પેટ્રોલપંપનું નામ બદલીને 'પ્રધાનમંત્રી વસૂલી કેન્દ્ર' રાખી દઈએ તો કેવું રહે?: હાર્દિક

હાર્દિક પટેલ

હાર્દિક પટેલના ઉપવાસનો 18મો દિવસ, આજે ઉત્તરાખંડના સીએમ હરિશ રાવત હાર્દિકની મુલાકાત લેવા આવી પહોંચશે.

    અમદાવાદઃ હાર્દિક પટેલના ઉપવાસનો આજે 18મો દિવસ છે. આજે હાર્દિકની મુલાકાતે ઉત્તરાખંડના મુખ્યમંત્રી હરિશ રાવત આવી પહોંચશે. હરિશ રાવત બપોરે 2:30 વાગ્યે હાર્દિકની મુલાકાતે આવી પહોંચે તેવી શક્યતા છે. આજે હાર્દિકને મળવા માટે મોટી સંખ્યામાં તેના સમર્થકો પણ આવી પહોંચી તેવી શક્યતા છે. હાર્દિકના ઉપવાસને પગલે તેના ઘર બહાર મોટી સંખ્યામાં પોલીસ કાફલો ખડકી દેવામાં આવ્યો છે. બીજી તરફ હાર્દિકે પેટ્રોલ-ડીઝલના ભાવ વધારાને લઈને સરકાર પર હુમલો કર્યો છે.

    ભારત બંધ અને પેટ્રોલ-ડીઝલના વધતા ભાવ અંગે હાર્દિકનું ટ્વિટ

    સોમવારે કોંગ્રેસ તરફથી પેટ્રોલ-ડીઝલના સતત વધી રહેલા ભાવને લઈને ભારત બંધનું એલાન કરવામાં આવ્યું હતું. ભારત બંધ અને પેટ્રોલ-ડીઝલના વધતા ભાવ અંગે હાર્દિકે એક પછી એક એમ ત્રણ ટ્વિટ કર્યા હતા.

    આ પણ વાંચોઃ નબળી પોલીસ પર હાર્દિક શૂરો: પોલીસને કહ્યું- 'મારા પરિવારવાળાને રોકવા નહીં'

    1) લોકોની પીડાથી અજાણ આત્મશ્લાઘી મોદી સરકારને જગાડવા માટે ભારત બંધ રાખવામાં આવ્યું છે.

    2) અરે ઓ વિકાસ, હું વિચારી રહ્યો હતો કે પેટ્રોલપંપનું નામ બદલીને "પ્રધાનમંત્રી વસૂલી કેન્દ્ર" રાખી દઈએ તો કેવું રહેશે!

    3) વાંચો,
    ક્રુડની કિંમત જુલાઈ 2008માં 132 ડોલર; દિલ્હીમાં ઇંધણની કિંમત રૂ. 50.62 પ્રતિ લીટર.
    ક્રુડની કિંમત જાન્યુઆરી 2016માં ફક્ત 30.5 ડોલર; દિલ્હીમાં ઇંધણની કિંમત રૂ. 59.99 પ્રતિ લીટર.
    ક્રુડની કિંમત 132માંથી 30.5 ડોલર, એટલે કે 75% સુધી ઘટી, પરંતુ કિંમતમાં 18%નો વધારો થયો.

    આ પણ વાંચોઃ  અમદાવાદઃ ઝોન-1 DCP જયપાલસિંહ વિરૂદ્ધ ફરિયાદ, ગેરવર્તણૂકનો આરોપ
    Published by:Vinod Zankhaliya
    First published:

    Tags: Bharat Bandh, Paas, Petrol diesel, હાર્દિક પટેલ

    આગામી સમાચાર