બધાનો વિરોધ કરીશું તો આપણી વાત પહોચાડશે કોણઃહાર્દિક પટેલ

અમદાવાદઃ પાસ કન્વીનર હાર્દિક પટેલે કેજરીવાલની ગુજરાતની મુલાકાત અંગે નિવેદન કર્યું છે અને સમાજને કહ્યુ છે કે કેજરીવાલનો વિરોધ તો મારે પણ કરવો તો પણ બધાનો વિરોધ કરીશું તો આપણા સમાજની વાત લઇને હિન્દુસ્તાનમાં પહોંચાડશે કોણ ?, આપણે જે ભોગવ્યું છે એ ભારત ના અન્ય રાજ્ય ના લોકો જાણશે કઈ રીતે ? માટે આપણે સૌ આ કેજરીવાલને સહયોગ ના આપી શકીયે તો કઈ નહિ પરંતુ એક શહીદ પરિવાર માટે એક શબ્દ દિલ્હીમાં જઈને બોલશે તો સમાજ માટે કંઈક સારું થશે.

વગર સત્તા અને હજુ જીતશે કે નહિ એ ખબર નથી. છતાંય જો કોઈક મુખ્યમંત્રી આપણા સમાજની વાત કરે તો આપણા માટે સારું કહેવાય. કોઈ પણ રાજકીય પાર્ટી નો કાર્યકર્તા પણ આપણા સમાજનું કઈ બોલ્યો પણ નથી. માટે સમજાય તો લાબું વિચારજો.અને વિરોધ કરવાનો જ હોય તો એ તાકાતથી કરજો કે ભાજપ ના પણ પેન્ટ ભીના થાય. અને કોઈ જ પાર્ટી સાથે મારે કોઈ જ લેવાદેવા નથી.

નોંધનીય છે કે, પાસના કન્વીનર હાર્દિક પટેલ 6 મહિના માટે ગુજરાતની બહાર છે અને તેઓ ઉદેપુરમાં રહે છે. કોર્ટ દ્વારા હાર્દિકને શરતી જામીન આપવામાં આવ્યા છે.

ફાઇલ તસવીર

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગુજરાત, પાટીદાર આંદોલન, હાર્દિક પટેલ