પાટીદાર અનામત આંદોલન: હાર્દિક પટેલની કોર કમિટી સરકાર સાથે આજે બેઠક કરશે

અમદાવાદ #રાજ્ય સરકાર દ્વારા પાટીદાર આંદોલનના સમાધાન માટે વધુ એક વાર તખ્તો ઘડાયો છે. સરકાર દ્વારા પાસને આ માટે મંત્રણા માટે આમંત્રણ અપાયું છે. આ અંગે આજે પાસ કોર કમિટીના સભ્યો સરકાર સાથે બેઠક કરશે.

ગુજરાતની ભાજપ સરકાર દ્વારા પાટીદાર આંદોલનને શાંત કરવા માટે પ્રયાસો હાથ ધરવામાં આવ્યા છે. સરકાર દ્વારા પાસને આ માટે આમંત્રણ અપાયું છે. સરકારની મંત્રીઓની કમિટી અને પાસ કન્વીનરો વચ્ચે આ સંદર્ભે આજે  સર્કિટ હાઉસ ખાતે બેઠક યોજાશે.

હાર્દિક પટેલની કોર ટીમ :

લલિત વસોયા, દિનેશ બાંભણિયા, અલ્પેશ કથિરયા,
વરૂણ પટેલ, મનોજ પનાંરા, દિનેશ બાંભરોલિયા, રવિ પટેલ, ઉદય પટેલ, કિરીટ પટેલ, કેતન પટેલ, અનિલ પટેલ

પાસને આમંત્રણથી એસપીજીમાં કચવાટ

સરકાર દ્વારા પાટીદાર અનામતને લઇને ચર્ચા કરવા માટે પાસને આમંત્રણ અપાતાં એસપીજીમાં કચવાટનો સૂર ઉઠ્યો છે. આ અંગે એસપીજી નેતા લાલજી પટેલે કચવાટ ઠાલવ્યો હતો કે, પાટીદાર અનામત મુદ્દો એ કોઇ સંગઠનનો નહીં પરંતુ સમાજનો ઇસ્યું છે. ચર્ચા માટે તમામ પાટીદાર સંગઠનોને બોલાવવા જોઇએ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: એસપીજી, ગુજરાત, પાટીદાર અનામત આંદોલન, પાસ, લાલજી પટેલ, હાર્દિક પટેલ