Home /News /gujarat /

જગદીશ ઠાકોર આજથી Gujarat Congressની કમાન સંભાળશે, જાણો સરદાર પટેલથી અત્યાર સુધીના પ્રમુખ અંગે

જગદીશ ઠાકોર આજથી Gujarat Congressની કમાન સંભાળશે, જાણો સરદાર પટેલથી અત્યાર સુધીના પ્રમુખ અંગે

ગુજરાત કોંગ્રેસ

Gujarat Congress President: ગુજરાત કોંગ્રેસના પ્રમુખ પદ પર ગુજરાતના અનેક દિગ્ગજ નેતાઓ રહી ચૂક્યા છે જેમાં સરદર વલ્લભભાઈ પટેલનું નામ પ્રથમ હરોળમાં છે.

ગાંધીનગર: ગુજરાત કોંગ્રેસના (Gujarat Congress president) 33માં પ્રદેશ પ્રમુખ તરીકે જગદીશ ઠાકોર (Jagdish Thakor) પદભાર સંભળાવવા જઈ રહ્યા છે. ત્યારે અત્યાર સુધી ગુજરાત કોંગ્રેસના પ્રમુખ પદ પર કોણ કોણ રહી ચૂક્યા છે તે અંગે આજે આપણે વિસ્તૃત માહિતી જોઇએ.

ગુજરાત કોંગ્રેસના પ્રમુખ પદ પર ગુજરાતના અનેક દિગ્ગજ નેતાઓ રહી ચૂક્યા છે જેમાં સરદર વલ્લભભાઈ પટેલનું નામ પ્રથમ હરોળમાં છે. આ સાથે જ ગુજરાતના વિકાસના પાયામાં રહેલા હિતેન્દ્ર દેસાઇથી લઈને માધવસિંહ સોલંકી જેવા અનેક નેતાઓ પ્રદેશ પ્રમુખ તરીકેની જવાબદારી સંભાળી ચુક્યા છે. છેલ્લા  25વર્ષથી ગુજરાત કોંગ્રેસ સત્તાવિહોણી છે. જેમાં વર્ષ 1998થી ભાજપની સરકારનું રાજ્યમાં શાસન છે. વર્ષ 2001થી 2021ના બે દાયકાઓ સુધી 8 કોંગ્રેસ પ્રમુખ બદલાયા છે. ઓબીસી સમાજ, આદિવાસી સમાજમાંથી સ્થાન મેળવ્યું છે. માત્ર 2008થી 2011 પાટીદાર સમાજમાંથી પ્રમુખ સિદ્ધાર્થ પટેલ કોંગ્રેસનું સુકાન સભાળ્યું હતું. ત્યારે પુનઃ એક્વાર કોંગ્રેસ પાર્ટી જગદીશ ઠાકોરની પસંદગી કરી ઓબીસી કાર્ડ ખેલ્યું છે.

આ પણ વાંચો - શંકરસિંહ વાઘેલા અને અલ્પેશ ઠાકોરને પાર્ટીમાં ફરી પાછા લેવાશે? કોંગ્રેસના નવા પ્રમુખ જગદીશ ઠાકોરે આપ્યો આવો જવાબ

ગુજરાત કોંગ્રેસના અત્યાર સુધીના પ્રદેશ પ્રમુખની યાદી

સરદાર વલ્લભભાઈ પટેલ ગુજરાત કોંગ્રેસના પ્રથમ પ્રદેશ પ્રમુખ (1921 થી 1946)
બીજા નંબરે કનૈયાલાલ દેસાઈ ( 1946 થી 1956)
ત્રીજા નંબરે મગનભાઈ પટેલ ( 1956 થી 1959)
ચોથા નંબરે ઠાકોરભાઈ દેસાઈ (1959 થી 1962)
પાંચમા નંબરે ત્રિભોવનદાસ પટેલ ( 1962 થી 1967)
છઠ્ઠા નંબરે જયેશભાઇ શાહ ( 1967 થી 1969)
સાતમા નંબરે કાંતિલાલ ઘીયા ( 1969 થી 1970)
આઠમા નંબરે રતુભાઈ અદાણી (1970 થી 1972 )
નવમા નંબરે ઝીણાભાઈ દરજી ( 1972 થી 1974)
10માં નંબરે રાઘવજી લેઉઆ( 1974)
11મા નંબરે કુમુદબેન જોશી (1974)
12મા નંબરે માધવસિંહ સોલંકી( 1974 થી 1975)
13માં નંબરે હિતેન્દ્ર દેસાઈ( 1975 થી 1976)
14માં નંબરે કાંતિલાલ ઘીયા (1976થી 1977)
15માં નંબરે રતુભાઈ અદાણી (1978)
16માં નંબરે માધવસિંહ સોલંકી  (1978 થી 1980 )
17માં નંબરે માલદેવજી ઓડેદરા (1980 થી 1981)
18માં નંબરે મહિપતભાઈ મહેતા( 1981)
19માં નંબરે મહંત વિજયદાસજી ( 1981 થી 1985 )
20 માં નંબરે અહમદભાઈ પટેલ( 1985 થી 1988)
21મા નંબરે પ્રબોધભાઈ રાવળ( 1988 થી 1989 )
22માં નંબરે નટવરલાલ શાહ( 1989 થી 1992)
23માં નંબરે પ્રબોધભાઈ રાવળ( 1992 થી 1997 )
24મા નંબરે છગનભાઇ દેવભાઈ - સી.ડી પટેલ( 1997 થી 2001)
25મા નંબરે અમરસિંહ ચૌધરી( 2001 થી 2002 )
26મા નંબરે શંકરસિંહ વાઘેલા ( 2002 થી  2004 )
27મા નંબરે બી.કે ગઢવી ( 2004 થી 2005 )
28મા નંબરે ભરતસિંહ સોલંકી( 2006 થી 2008 )
29 માં નંબરેસિધ્ધાર્થ પટેલ( 2008 થી 2011)
30માં અર્જુનમોઢવાડીયા( 2011 થી 2015 )
31માભરતસિંહ સોલંકી ( 2015 થી 2018 )
32માઅમિત ચાવડા ( 2018 થી 2021 )
33મા જગદીશ ઠાકોર( 2021થી)

આ પણ વાંચો - Gujarat Congress President Jagdish Thakor : વિદ્યાર્થી નેતાથી લઇને પ્રદેશ પ્રમુખ સુધી, આવી છે જગદીશ ઠાકોરની રાજકીય સફર

અત્યારસુધી અનેક પ્રદેશ પ્રમુખની આગેવાનીમાં ચૂંટણી લડાઈ પરંતુ ધાર્યું પરિણામ મેળવવા માં કોંગ્રેસ નિષ્ફળ નિવળી છે. આ ઉપરાંત વર્ષ 2017 બાદ રાજ્યમાં વિધાનસભાની ચૂંટણી હોય કે પછી લોકસભાની ચૂંટણીમાં કોંગ્રેસને હારનો સામનો કરવો પડ્યો છે. તો બીજી તરફ, તાજેતરમાં યોજાયેલી સ્થાનિક સ્વરાજ્યની ચૂંટણીમાં પણ કોંગ્રેસ સફળ નથી થઈ અને તેવામાં કોંગ્રેસના પ્રદેશ પ્રમુખ તરીકે અમિત ચાવડાએ હાઇકમાન્ડના પદેથી રાજીનામું ધરી દીધું હતું. છેલ્લા ઘણાં સમયથી પ્રદેશ પ્રમુખનું કોકળું ગૂંચવાયેલું હતું અને આખરે હાઇકમાન્ડે જગદીશ ઠાકોરને પ્રમુખ બનાવ્યા છે. ત્યારે આજે, સોમવારે જગદીશ ઠાકોર 33માં કોંગ્રેસ પ્રદેશ પ્રમુખ તરીકે ચાર્જ લેશે. જેમાં જગદીશ ઠાકોર સામે પડકારો અનેક છે તેમાં કેટલા સફળ થાય છે તે આવનાર સમય બતાવશે.
Published by:Kaushal Pancholi
First published:

Tags: Gujarat Congress, Jagdish Thakor, અમદાવાદ, ગુજરાત

આગામી સમાચાર

विज्ञापन
विज्ञापन
विज्ञापन