Bhupendra Patel Cabinet re-shuffle: રાજેન્દ્ર ત્રિવેદી, જીતુ વાઘાણી સહિત ધારાસભ્યોને શપથ માટે આવ્યા કૉલ

રાજેન્દ્ર ત્રિવેદી

Bhupendra Patel Cabinet re-shuffle: પંકજ દેસાઈને દંડત તરીકે યથાવત રહેશે. રાજેન્દ્ર ત્રિવેદીએ વિધાનસભાના અધ્યક્ષ પદેથી રાજીનામું આપ્યું.

  • Share this:
    ગાંધીનગર: ભૂપેન્દ્ર પટેલના નવા મંત્રીમંડળ (Bhupendra Patel Cabinet re-shuffle) માટે આજે શપથવિધિ સમારોહ યોજાશે. ભારતીય જનતા પાર્ટી તરફથી છેલ્લી ઘડી સુધી કયા કયા મંત્રીઓ શપથ ળેશે તેની યાદી જાહેરા કરવામાં આવી ન હતી. જોકે, આજે સવારે 10 વાગ્યાથી ધારાસભ્યોને શપથ માટે ફોન કૉલ શરૂ કરી દેવામાં આવ્યા છે. ઉલ્લેખનીય છે કે આ કાર્યક્રમ પહેલ ગઈકાલે એટલે કે 15 સપ્ટેમ્બરના રોજ યોજાનાર હતો પરંતુ તેને મુલતવી રાખવામાં આવ્યો હતો. 10 વાગ્યા બાદ શપથવિધિ માટે જે ધારાસભ્યોને ફોન કૉલ આવી રહ્યા છે તેમાં ભાવનગર પશ્ચિમ બેઠક પરથી ધારાસભ્ય રહેલા જીતુ વાઘાણી (Jitubhai Vaghani)ના નામનો સમાવેશ થાય છે. આ ઉપરાંત સુરતના યુવા ધારાસભ્ય હર્ષ સંઘવી (Harsh Sanghvi)નું નામ પણ સામેલ છે. બીજી તરફ પંકજ દેસાઈ (Pankaj Desai)ને દંડત તરીકે યથાવત રાખવામાં આવ્યા હોવાના સમાચાર મળ્યા છે.

    વિધાનસભાના અધ્યક્ષ પદેથી રાજેન્દ્ર ત્રિવેદીનું રાજીનામું:

    ગુજરાત વિધાનસભાના અધ્યક્ષ પદેથી રાજેન્દ્ર ત્રિવેદીએ રાજીનામું (Rajendra Trivedi) આપ્યું છે. તેમને મંત્રી મંડળ માટે શપથ લેવા ફોન આવ્યો છે. રાજેન્દ્ર ત્રિવેદીના રાજીનામા બાદ નીમાબેન આચાર્યને કાર્યકારી અધ્યક્ષ બનાવાયા છે.

    નો-રીપિટ થિયરી: (No-repeat theory)

    પક્ષ તરફથી જે નામ જાહેર કરવામાં તેમાં કોઈને રિપીટ નથી કરવામાં આવ્યા. આથી પહેલાથી જે કયાસ લગાવવામાં આવી રહ્યો હતો કે પાર્ટી નો-રિપીટ થિયરી અપનાવી રહી છે તે સાચી સાબિત થઈ રહી છે. બીજી તરફ કૉંગ્રેસમાંથી રાજીનામું આપીને ભારતીય જનતા પાર્ટીમાં આવેલા અને પેટા-ચૂંટણીને ધારાસભ્ય બનેલા ત્રણ જેટલા ધારાસભ્યોને મંત્રીપદ માટે ફોન આવ્યો છે. જેમાં બ્રિજેશ મેરજe, જે.વી.કાકડિયા અને જીતુ ચૌધરીનો સમાવેશ થાય છે.

    નીચે જુઓ શપથ માટે કોને કોને ફોન આવ્યા:

    1) જગદીશ પંચાલ - નિકોલ
    2)  જીતુ વાઘાણી- ભાવનગર પશ્ચિમ
    3) બ્રિજેશ મેરજા - મોરબી
    4) નિમિષા સુથાર - મોરવા હડફ
    5) ગજેન્દ્રસિંહ પરમાર -પ્રાંતિજ
    6) દેવા માલમ -કેશોદ
    7) નરેશ પટેલ-ગણદેવી
    8) મુકેશ પટેલ -ઓલપાડ
    9) જીતુ ચૌધરી - કપરાડા
    10) રાઘવજી પટેલ- જામનગર ગ્રામ્ય
    11) કનુભાઇ દેસાઇ- પારડી
    12) હર્ષ સંઘવી- મજુરા
    13) અરવિંદ રૈયાણી- રાજકોટ પૂર્વ
    14) જે.વી.કાકડીયા - ધારી
    15) ઋષિકેસ પટેલ- વિસનગર
    16) કીર્તિસિંહ વાઘેલા- કાંકરેજ
    17) પ્રદીપ પરમાર- અસારવા
    18) આર.સી.મકવાણા- મહુવા
    19) કુબેર ડીંડોર- સંતરામપુર
    20) કિરીટસિંહ રાણા- લિંબડી
    21) રાજેન્દ્ર ત્રિવેદી- રાવપુરા
    22) વિનુ મોરડિયા- કતારગામ
    (ગુજરાતના લેટેસ્ટ ન્યૂઝ વાંચવા માટે અહીં ક્લિક કરો. અમારા ફેસબુક પેજની મુલાકાત લો. લેટેસ્ટ વીડિયો અને બ્રેકિંગ  ન્યૂઝ માટે  અમારા ટ્વિટર હેન્ડલની મુલાકાત લો. યુટ્યુબ પર લાઇવ ટીવી જોવા માટે અહીં ક્લિક કરો.)
    Published by:Vinod Zankhaliya
    First published: