ધો.10 અને 12ની પરીક્ષાના માળખામાં ફેરફાર, આવતા વર્ષે પાસીંગ માર્ક પણ ઘટશે

ગુજરાત શિક્ષણ બોર્ડ દ્વારા 2019-20થી ધો.10 અને 12ની પરીક્ષા પદ્ધતિમાં મહત્વનાં ફેરફાર કરવામાં આવ્યો છે. ધો.10ની 2020ની માર્ચ બોર્ડ પરીક્ષામાં વિદ્યાર્થીને પાસ થવા માટે 33 માર્કસ લાવવાના રહેશે. મહત્વનું છે કે હાલ પરીક્ષામાં પાસ થવા માટે 35 માર્કની જરૂર હોય છે.

આ રીતે લાવવાનાં રહેશે માર્ક

પાસ થવાનાં 33 માર્કમાંથી બોર્ડના 80 ગુણમાંથી 26 અને સ્કૂલના આંતરિક મૂલ્યાંકનના 20 ગુણમાંથી 7 સહિત 33 માર્ક વિદ્યાર્થીએ લાવવા પડશે.

ગુજરાત શિક્ષણ બોર્ડ દ્વારા ધો.10 અને 12ની બોર્ડ પરીક્ષાના માળખામા અને પરીક્ષા પદ્ધતિમાં કરાયેલા ફેરફારોને લઈને બોર્ડે તમામ ડીઈઓને પરિપત્ર કરીને 2019-20ના વર્ષ માટે જાણ કરી દેવા સૂચના આપી હતી. 2019-20ના શૈક્ષણિક વર્ષથી લાગુ થનારા આ નવા ફેરફારો મુજબ ધો.10ની માર્ચ 2020ની બોર્ડ પરીક્ષામાં 50 એમસીક્યુને બદલે 20 ટકા હેતુલક્ષી પ્રશ્નો રહેશે. આ ઉપરાંત બોર્ડની પરીક્ષાનો ગુણભાર 70 ટકાને બદલે 80 ટકા રહેશે.

જુઓ: ધોરણ 10 અને 12ની બોર્ડની પરીક્ષામાં ચોરી કરતા વિદ્યાર્થીઓની હવે ખેર નથી

ધોરણ 10નાં બોર્ડનાં નવા નિયમો

જ્યારે સ્કૂલોની આંતરિક પરીક્ષાઓનો ગુણભાર 30 ટકાને બદલે 20 ટકા રહેશે. બોર્ડના 80 ગુણના પ્રશ્નોમાં 16 ગુણના હેતુલક્ષી પ્રશ્નો રહેશે અને 64 ગુણના ટૂંકા,લાંબા તથા નિબંધલક્ષી પ્રશ્નો રહેશે. સ્કૂલો દ્વારા 20 ટકાના આંતરિક મૂલ્યાંકનમાં 5 ગુણ પ્રથમ કસોટમાંથી મેળવેલ ગુણના આધારે, 5 ગુણ બીજી કસોટીના આધારે ,5 ગુણ નોટબુક સબમિશન અને 5 ગુણ સબ્જેક્ટ એનરીચમેન્ટ એક્ટિવિટી ( ભાષા સ્પિકિંગ અને લીસનિંગ ટેસ્ટ,પ્રાયોગિક કાર્ય અને પ્રોજેક્ટ કાર્ય)ના રહેશે. ધો.10ની બોર્ડ પરીક્ષામાં વિદ્યાર્થીએ બોર્ડની પરીક્ષાના 80 ગુણમાંથી 26 અને સ્કૂલોના આંતરિક મૂલ્યાકના 20 ગુણમાંથી 7 ફરજીયાત લાવવના રહેશે અને તો જ તે ઉતિર્ણ ગણાશે.

આ પણ વાંચો: રાજ્યમાં વધુ ચાર શાળાઓ બનશે Google School, અપાશે સ્માર્ટ શિક્ષણ

ધો.12 બોર્ડનાં જાણવા જેવા નિયમો

ધો.12 વિજ્ઞાાન પ્રવાહની પરીક્ષામાં માર્ચ 2020ની બોર્ડ પરીક્ષામાં 100 ગુણના પ્રશ્નપત્રમાં 20 ગુણના હેતુલક્ષી પ્રશ્નો અને 80 ગુણના લાંબા-ટુંકા-નિબંધલક્ષી પ્રશ્નો રહેશે. 50 ટકા એમસીક્યુ પ્રશ્નો નહી રહે. ફિઝિક્સ,કેમેસ્ટ્રી અને બાયોલોજીમાં પ્રેક્ટિકલના 50 ગુણ રહેશે. ધો.10 અને 12 (વિજ્ઞાાન પ્રવાહ) નાં પ્રશ્નપત્ર પરિરૂપ હવે પછી બોર્ડ દ્વારા જાહેર કરાશે. ધો.12 સામાન્ય પ્રવાહની પરીક્ષામાં પ્રશ્નપત્રોનું પરિરૂપ યથાવત રહેશે. ભાષાઓનાં વિષયોમાં ધો.12 વિજ્ઞાાન પ્રવાહ માટે નિયત થનાર પ્રશ્નપત્રોની પેપર સ્ટાઇલ તમામ પ્રવાહોમાં લાગુ પડશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Board exam, GSEB, અમદાવાદ, ગાંધીનગર`, ગુજરાત