Home /News /gujarat /

રણચંડીના રૂપ સમાન 'આશાપુરા' ઉપર મને હજુય આશા છે : પરેશ ધાનાણીનું tweet

રણચંડીના રૂપ સમાન 'આશાપુરા' ઉપર મને હજુય આશા છે : પરેશ ધાનાણીનું tweet

પરેશ ધાનાણીની ફાઇલ તસવીર

લોકસભાની ચૂંટણી પહેલા ઊંઝા કોંગ્રેસનાં ધારાસભ્ય ડો. આશાબહેન પટેલે રાજીનામું આપતા રાજકારણ ગરમાઇ ગયું છે.

    ન્યૂઝ18 ગુજરાતીઃ લોકસભાની ચૂંટણી પહેલા ઊંઝા કોંગ્રેસનાં ધારાસભ્ય ડો. આશાબહેન પટેલે રાજીનામું આપતા રાજકારણ ગરમાઇ ગયું છે. આશાબહેને ગુજરાત કોંગ્રેસ અધ્યક્ષને પોતાનું રાજીનામું આપ્યું છે. જેના આધારે કારણે અનેક અટકણો ચર્ચાઇ રહી છે. લોકોનું માનવું છે કે તેઓ કોંગ્રેસમાંથી રાજીનામું આપીને ભાજપમાં જોડાઇ જશે. હાલ તો આવી ચર્ચાઓ જ સામે આવી રહી છે. સાચું કારણ તો તેઓ જ્યારે સામે આવશે ત્યારે જ ખબર પડી શકે છે. આ સાથે વિધાનસભા વિરોધ પક્ષના નેતા પરેશ ધાનાણીએ ટ્વીટ કર્યું છે. જેનાથી ગુજરાતનું રાજકારણ ફરી ગરમાયું છે.

    કોંગ્રેસના વરિષ્ઠ નેતા પરેશ ધાનાણીએ ટ્વીટમાં લખ્યું છે કે, સ્વાર્થ જીતશે કે સ્વાભિમાન રણચંડીના રૂપ સમાન "આશાપુરા" ઉપર મને હજુય આશા છે... જનાદેશનો ઉલાળિયો કરીને નવરા થઈ ગયેલાં નેતાઓની નાતમાં વધુ એકનો ઉમેરો કરવાની ભાજપાની આશા ઠગારી નિવડે એવી અપેક્ષા.! જય જય ગરવી ગુજરાત...

    ઉલ્લેખનીય છે કે, ઊંઝાના કોંગ્રેસના ધારાસભ્ય ડો. આશાબેન પટેલે શનિવારે પોતાના ધારાસભ્ય પદ ઉપર રાજીનામું આપ્યું હતું. ડો. આશાબેન પટેલે ગુજરાત વિધાનસભા અધ્યક્ષના નિવાસસ્થાને જઇ રાજીનામું આવ્યું હતું. કોંગ્રેસમાં ચાલતા જુથવાદ, આંતરિક વિગ્રહથી ત્રાસીને ધારાસભ્ય પદ અને કોંગ્રેસ પાર્ટી છોડ્યાનું તેમણે જણાવ્યું હતું.



    સૌરાષ્ટ્રમાંથી કુંવરજી બાવળિયાએ કોંગ્રેસને છોડ્યા બાદ લોકસભા ચૂંટણી પૂર્વ ઉત્તર ગુજરાતમાં પાટીદાર મહિલા ધારાસભ્યનું રાજીનામું પડ્યું છે. વર્ષ 2017માં ભાજપના સિનિયર ધારાસભ્ય નારાયણભાઇ પટેલને 19 હજારથી વધુ મતે હરાવનાર ડો.આશાબેને શનિવારે વિધાનસભા અધ્યક્ષ રાજેન્દ્ર ત્રિવેદીના નિવાસ્થાને જઇને રાજીનામું સોંપ્યું હતું.
    Published by:ankit patel
    First published:

    Tags: Congress leaders, Paresh dhanani, Tweeted

    આગામી સમાચાર