Home /News /gujarat /

CID ક્રાઈમે બિટકોઇન કેસના મુખ્ય સુત્રધાર દિવ્યેશ દરજીને દિલ્હી એરપોર્ટથી પકડ્યો

CID ક્રાઈમે બિટકોઇન કેસના મુખ્ય સુત્રધાર દિવ્યેશ દરજીને દિલ્હી એરપોર્ટથી પકડ્યો

બિટકોઇન તોડ મામલામાં CID ક્રાઈમે મોટી સફળતા હાથ લાગી છે. CID ક્રાઈમે બિટકોઇન તોડ મામલાના મુખ્ય સુત્રધારની દિલ્હીથી ધરપકડ કરી છે.

બિટકોઇન તોડ મામલામાં CID ક્રાઈમે મોટી સફળતા હાથ લાગી છે. CID ક્રાઈમે બિટકોઇન તોડ મામલાના મુખ્ય સુત્રધારની દિલ્હીથી ધરપકડ કરી છે.

    નવીન ઝા, અમદાવાદ

    બિટકોઇન તોડ મામલામાં CID ક્રાઈમે મોટી સફળતા હાથ લાગી છે. CID ક્રાઈમે બિટકોઇન તોડ મામલાના મુખ્ય સુત્રધારની દિલ્હીથી ધરપકડ કરી છે. જેના ઉપર બિટનેક્ટને માર્કેટમાં મુકીને છેતરપિંડી કરી હોવાનો આરોપ લાગ્યો છે. સુત્રોના જણાવ્યા પ્રમાણે આ કેસમાં અન્ય લોકોની પણ ધરપકડ થવાની સંભાવના છે. આ મુખ્ય સુત્રધાર સમગ્ર દેશમાં થતા રોકાણમાં કમિશન મેળતો હોવાનો પણ આરોપ છે.

    મળતી માહિતી પ્રમાણે CID ક્રાઈમે બિટકોઇન કૌભાંડના મુખ્ય સુત્રધાર દિવ્યેશ દરજી દુબઇથી દિલ્હી એરપોર્ટ ઉપર આવ્યો હતો. દિલ્હી એરપોર્ટ ઉપરથી તેમને ગાંધીનગર લાવવામાં આવ્યા હતા. અને ત્યારબાદ તેની CID ક્રાઈમે ધરપકડ કરી હતી. આ ઉપરાંત બીટકનેક્ટ કંપનીના ડાયરેક્ટ એવા ધવલ માવાણી અને સતિષ કુંભાણી બંને આરોપીઓ હજી ફરાર છે. જોકે, પોલીસ હવે તેમના સુધી પહોંચી જશે એવી શક્યતાઓ સેવાઇ રહી છે.

    સીઆઇડી ક્રાઇમના અધિકારીના જણાવ્યા પ્રમાણે બિટકનેક્ટ કંપની 2016માં અસ્તિત્વમાં આવી હતી. જ્યારે 2017માં આ કંપની દ્વારા બિટકનેક્ટ કોઇન લોંચ કરવામાં આવ્યો હતો. ત્યારથી લઇને ચાલુ વર્ષના જાન્યુઆરી મહિના સુધી આ કંપની કાર્યરત હતી. દિવ્યેશ દરજી આ કંપની દ્વારા સમગ્ર ભારતમાં જે કોઇ રોકાણ થતું તેમાંથી કમિશન પણ મેળવતો હતો. તેમણે વધુમાં જણાવ્યું કે, દિવ્યેશ દરજી બિટકનેક્ટ કંપનીનો ભાગીદાર અને કમિશન પણ લેતો હતો.

    પોલીસ સુત્રોના જણાવ્યા પ્રમાણે દિવ્યેશ દરજીએ 1 કરોડ 80 લાખના બીટ કોઇનનું વેચાણ કર્યું હતું. સીઆઇડી ક્રાઇમને દિવ્યેશ દરજીના રૂપમાં મળેલી આ મોટ સફળતા ગણી શકાય. હવે પોલીસ તેની તપાસમાં તેના વોલેટમાં કોઇન પડ્યા છે કે કેમ? તેના અન્ય ભાગીદારો ધવલ અને સતિષ ક્યાં છે? તેણે બિટકોઇનથી કોઇ પ્રોપર્ટી ખરીદી છે કે કેમ? આ તમામ દિશામાં પૂછપરછ કરશે.

    ઉલ્લેખનીય છે કે, દિવ્યેશ દરજી સમગ્ર બિટકોઇન કૌભાંડનો મુખ્ય સુત્રધાર ગણી શકાય. દિવ્યેશ દરજી સુરતના લાલગેટ વિસ્તરામાં આવેલી યુનિયન હાઇસ્કુલનો શિક્ષક હતો. આ ઉપરાંત તે મોટીવેશન સ્પીચ પણ આપવાનું કામ કરતો હતો.
    Published by:Ankit Patel
    First published:

    Tags: Arrested, Bitcoin case, CID crime, Crime Story, Delhi airport, ગુજરાત

    विज्ञापन

    विज्ञापन

    આગામી સમાચાર

    विज्ञापन
    विज्ञापन