BJP Declares three More Candidate from Gujarat

Home /News /gujarat /ભાજપે બનાસકાંઠા, પોરબંદર અને પંચમહાલ બેઠક માટે જાહેર કર્યા ઉમેદવારો

રતનસિંહ, રમેશ ધડૂક, પરબત પટેલ

બનાસકાંઠા બેઠક ઉપરથી રાજ્ય કક્ષાના ગૃહ રાજ્યમંત્રી હરિભાઈ ચૌધરીનું પત્તું કપાયું, પોરબંદરથી વિઠ્ઠલ રાદડિયા અને પંચમહાલથી પ્રભાતસિંહ ચૌહાણ પણ કપાયા.

News18 Gujarati
Last Updated : March 27, 2019, 15:37 IST

published by :Jay Mishra

ન્યૂઝ18 ગુજરાતી : ઉમેદવાર પસંદગીની કશ્મકશમાં આજે ભારતીય જનતા પાર્ટી (ભાજપ) દ્વારા વધુ ત્રણ બેઠકો માટે ઉમેદવારો જાહેર કરવામાં આવ્યા છે. બનાસકાંઠા બેઠક ઉપરથી પરબત પટેલ, પંચમહાલ બેઠક ઉપરથી રતનસિંહ અને પોરબંદર બેઠક ઉપરથી રમેશ ધડૂકનું નામ જાહેર કરવામાં આવ્યું છે.

આ નામ જાહેર થતાની સાથે જ એ સ્પષ્ટ થઇ ગયું છે કે, બનાસકાંઠા બેઠક ઉપર કેન્દ્રના રાજ્ય કક્ષાના ગૃહ રાજ્યમંત્રી હરિભાઈ ચૌધરીનું પત્તું કપાઈ ગયું છે. હરિભાઈના સ્થાને ચૌધરી સમાજના જ પરબત પટેલને ટિકિટ અપાઈ છે. પરબત પટેલ હાલ રાજ્ય સરકારમાં મંત્રી છે.

પંચમહાલથી હંમેશા ટિકિટની માંગ કરતા પ્રભાતસિંહ ચૌહાણનું પત્તું પણ કપાઈ ગયું છે. આ સાથે પોરબંદર બેઠક ઉપર રમેશ ધડૂકનું નામ જાહેર કર્યું છે. કેટલાક સમય પૂર્વે કરોડોના ખર્ચે લગ્ન સમારંભ યોજીને રમેશ ધડુક ચર્ચામાં આવ્યા હતા તેવું લોકમુખે ચર્ચાય છે.

અત્યાર સુધી પાંચ સિટિંગ સાંસદોની ટિકિટ કપાઇ

ભાજપે અત્યાર સુધી 19 બેઠકો પર ઉમેદવારના નામની જાહેરાત કરી છે. આ 19 બેઠકમાંથી ગાંધીનગર, સુરેન્દ્રનગર અને આજે જાહેર થયેલી ત્રણ બેઠક પર સિટિંગ સાંસદોનો ટિકિટ નથી આપવમાં આવી.

ભાજપે અત્યાર સુધી જાહેર કરેલા ઉમેદવારની યાદી

નંબર	બેઠક	ઉમેદવાર
1	કચ્છ	વિનોદ ચાવડા
2	સાબરકાંઠા	દીપસિંહ રાઠોડ
3	અમદાવાદ પશ્ચિમ	કિરીટ સોલંકી
4	સુરેન્દ્રનગર	મહેન્દ્ર મુંજપરા
5	રાજકોટ	મોહન કુંડારિયા
6	જામનગર	પૂનમબેન માડમ
7	અમરેલી	નારણ કાછડિયા
8	ભાવનગર	ભારતીબેન શિયાળ
9	ખેડા	દેવુસિંહ ચૌહાણ
10	દાહોદ	જસવંતસિંહ ભાભોર
11	ભરૂચ	મનસુખ વસાવા
12	વડોદરા	રંજનબહેન ભટ્ટ
13	બારડોલી	પ્રભુ વસાવા
14	નવસારી	સી. આર. પાટીલ
15	વલસાડ	કે. સી. પટેલ
16	ગાંધીનગર	અમિત શાહ
17	બનાસકાંઠા	પરબત પટેલ
18	પોરબંદર	રમેશ ધડૂક
19	પંચમહાલ	રતનસિંહ રાઠોડ