મૃત્યું પર પ્રવચન આપતાં આપતાં જ ઢળી પડતા સંત નિર્ભયાદાસજી મહારાજનું થયુ નિધન, જુઓ છેલ્લો Video

આણંદ: વાસદ સ્થિત સત કેવલ સંપ્રદાયના સંત નિર્ભયદાસજી મહારાજનું (Nirbhatdasji Maharaj) ચાલુ પ્રવચન દરમિયાન અવસાન (death while pravachan) થયુ છે. આ આખી વિરલ ઘટના કેમેરામાં કેદ થઇ ગઇ છે. જેથી સંત નિર્ભયદાસજી મહારાજનો છેલ્લો વીડિયો (last video of Nirbhayadasji Maharaj) ઘણો જ જોવાઇ રહ્યો છે. નોંધનીય છે કે, કોઇ મહારાજના પ્રવચનનો વીડિયો કેમેરામાં લઇ રહ્યા હતા. દરમિયાન જ આ ઘટના બની હતી.

પ્રવચન આપતા આપતા મોત

સોજીત્રા ખાતે સત્સંગ સભામાં જોગાનુજોગ સંત નિર્ભયદાસજી મહારાજ મૃત્યુના વિષય પર તેમના અનુયાયીઓને પ્રવચન આપી રહ્યા હતા. આ પ્રવચન દરમિયાન જ બોલતા બોલતા તે અચાનક ઢળી પડ્યા હતા. આ મોત એટલું જલ્દી થયું કે, તેમણે પડતા સમયે ફુલની લટકાવેલી માળાનો સહારો લેવાનો પ્રયાસ કર્યો હતો. પરંતુ તેઓ માળાને અડે તે પહેલા જ તેઓ ઢળી પડ્યા હતા.

ઘણો જ જોવાઇ રહ્યો છે છેલ્લો વીડિયો

પ્રવચન દરમિયાન સંત નિર્ભયદાસજી મહારાજે ‘સત કેવલ સાહેબ’ કહી પ્રવચનની શરૂઆત કરી હતી. આ દરમિયાન સભામાં નિર્ભયદાસજી મહારાજ અચાનક ઢળી પડ્યા હતા. તેમના નીચે પડતા જ તેમના અનુયાયીઓએ તેમની પાસે આવી ગયા હતા. પરંતુ તેમનુ મોત થયુ હતું. નિર્ભયદાસજી મહારાજનું મૃત્યુ પ્રવચન અને તે દરમિયાન તેમના મૃત્યુની ઘટના મોબાઈલ વીડિયોમાં કેદ થઈ હતી. હાલ આ વીડિયો સોશિયલ મીડિયામાં ઘણો જ જોવાઇ રહ્યો છે.

આ પણ વાંચો -  ગુજરાત કેડરના IPS હિમાંશુ શુકલા જશે RAWમાં, ગુજરાત બાદ દેશની કરશે સેવા

ગુજરાતના તમામ મહત્ત્વના સમાચાર વાંચવા અહીં ક્લિક કરો.

વાસદ સ્થિત સત કેવલ સંપ્રદાયના સંત નિર્ભયદાસજી મહારાજનું ચાલુ પ્રવચન દરમિયાન થયું અવસાન pic.twitter.com/TSBBTITSl6

— News18Gujarati (@News18Guj) December 24, 2021

અનુયાયીઓમાં દુખની લાગણી છવાઇ

આ વાયરલ વીડિયોની સ્થાનિકોએ સત્ય હોવાની પુષ્ટિ કરી છે. અચાનક મોતને કારણે સંત મહારાજના અનુયાયીઓમાં દુખની લાગણી છવાઇ ગઇ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Anand, ગુજરાત, વાયરલ વીડિયો