Home /News /gujarat /

આણંદની 14 વર્ષની સગીરાએ કહ્યું: 'રૂમાલ સૂંઘાડી બેભાન કરીને લઇ ગયા, ભાનમાં આવી ત્યારે તેઓ મારા વસ્ત્રો ખેંચતા હતા'

આણંદની 14 વર્ષની સગીરાએ કહ્યું: 'રૂમાલ સૂંઘાડી બેભાન કરીને લઇ ગયા, ભાનમાં આવી ત્યારે તેઓ મારા વસ્ત્રો ખેંચતા હતા'

પ્રતીકાત્મક તસવીર

'સવારે ચાર વાગ્યાની આસપાસ તેણીને તેમણે મેસેજ કરી ઘરની બહાર મળવા માટે બોલાવી હતી.'

    આણંદ: શહેરમાં (Anand) રહેતી 14 વર્ષની સગીરાને (24 year minor girl) શનિવારે વહેલી સવારે બે કિશોરોએ ભેગા મળીને તેને બાઈક પર બેસાડી ખેડાના વસો ખાતે એક કોમ્પલેક્ષમાં લઈ જઈ દુષ્કર્મનો પ્રયાસ કરવાની ચકચારી ઘટના સામે આવી હતી. જ્યાં તેણીએ પ્રતિકાર કરતાં ટાઈલ્સ અને પથ્થરનો બ્લોક મારી હત્યા કરવાનો પણ પ્રયાસ કર્યો હતો. જે બાદ બંને ત્યાંથી ભાગી છૂટ્યા હતા. બાદમાં કોમ્પલેક્ષના સિક્યોરીટી ગાર્ડની મદદથી તેને નડિયાદની હોસ્પિટલમાં સારવાર અર્થે દાખલ કરવામાં આવી હતી. જ્યાં તેણીની ફરિયાદના આધારે આણંદ શહેર પોલીસે બંને જણાં વિરૂદ્ધ ગુનો નોંધી તેમને ઝડપી પાડી જુવેનાઈલ કોર્ટમાં રજૂ કર્યા હતા. સગીરા ભાનમાં આવતા આ અંગે વાત કરતા અનેક ઘટસ્ફોટ કર્યા હતા.

    'સવારે ચાર વાગે મેસેજ કરીને ઘરની બહાર બોલાવી હતી'

    નડિયાદની ખાનગી હોસ્પિટલમાં સારવાર લઈ રહેલી સગીરાએ પ્રથમ વખત શનિવારે સવારે ચાર વાગ્યે પોતાની સાથે બનેલી ઘટના અંગે વાત કરી હતી. તેણે જણાવ્યું હતુ કે, તે છેલ્લાં એક અઠવાડિયાથી સોશિયલ મીડિયા દ્વારા આ બંને યુવકોના સંપર્કમાં આવી હતી. તેઓ અવાર-નવાર એકબીજા સાથે વાતચીત કરતા હતા. શનિવારે સવારે ચાર વાગ્યાની આસપાસ તેણીને તેમણે મેસેજ કરી ઘરની બહાર મળવા માટે બોલાવી હતી.

    ગુજરાતમાં હજી 44% વરસાદની ઘટ, જાણો ક્યારે ધોધમાર વરસાદની છે આગાહી

    દરમિયાન, હું ગઈ હતી. હું કંઈ સમજું વિચારૂં તે પહેલાં જ મને રૂમાલ સુંઘાડી બેભાન કરી દીધી હતી. એ પછી બંને યુવકો બાઈક પર વચ્ચે બેસાડી અવાવરૂ કોમ્પલેક્ષમાં લઈ આવ્યા હતા.

    'ટાઇલ્સ જેવી વસ્તુથી ગળાના ભાગે ઘા કરતા મને ચક્કર આવ્યા હતા'

    તેણે વધુમાં જણાવ્યું કે, હું ભાનમાં આવી ત્યારે બંને જણાં મારી સાથે કંઈક અઘટિત કરવાનો પ્રયાસ કરી રહ્યા હતા. મારા વસ્ત્રો ખેંચી રહ્યા હતા. એટલે મે પ્રતિકાર કર્યો હતો. મને ભાન નહોતું. આ દરમિયાન, એ જ સમયે એક સગીરે મારા માથામાં પથ્થરનો ઘા કર્યો હતો અને બીજાએ ટાઇલ્સ જેવી વસ્તુથી ગળાના ભાગે ઘા કરતા મને ચક્કર આવવા લાગ્યા હતા. જે બાદ હું બેભાન થઈને નીચે પડી ગઈ હતી. એ પછી મને ખબર નથી કે મારી સાથે શું થયું? સવારના સમયે કોમ્પલેક્ષમાં કોઈ વ્યક્તિ આવતા મને ભાનમાં લાવ્યા હતા. એ પછી મારા પરિવાર અને પોલીસનો સંપર્ક કર્યો હતો. ભાનમાં આવી ત્યારે હોસ્પિટલમાં હતી. હાલમાં મારી હાલત સ્થિર છે.

    ઊંઝા હની ટ્રેપ: વેપારીને મીઠી વાતોમાં ફસાવનાર મહિલા ઝડપાઇ, આ રીતે ટોળકી બનાવતી હતી શિકાર

    સગીર તેના મિત્રનું બાઇક લાવ્યો હતો

    પોલીસસૂત્રોના જણાવ્યા પ્રમાણે, ધોરણ 10માં અભ્યાસ કરતો સગીર તેના મિત્ર પાસેથી બહાનાથી બાઈક લાવ્યો હતો. એ પછી તે તેમજ તેનો ધોરણ 11માં અભ્યાસ કરતો મિત્ર બંને જણાં બાઈક લઈને યુવતીને વચ્ચે બેસાડીને લઈ ગયા હતા. જેમાં મિત્ર મોંઢે બુકાની બાંધીને બાઈક હંકારતો હતો. જ્યારે વચ્ચે સગીરા બેઠી હતી જ્યારે તેની પાછળ સગીર બેઠો હતો.

    'જબરદસ્તીથી બંને જણા લઈ ગયા હતા'

    ગંભીર રીતે ઘવાયેલી સગીરાની માતાએ આ અંગે જણાવ્યું હતું કે, બંને શખસો મારી દીકરીને જબરદસ્તીથી બાઈક પર લઈ ગયા હતા. અમને સિક્યોરિટી ગાર્ડે ફોન કરીને જાણ કરી ત્યારે આ આખી બાબતની અમને જાણ થઇ હતી.
    Published by:Kaushal Pancholi
    First published:

    Tags: Minor girl, Molestation, Social media, ગુજરાત

    આગામી સમાચાર