Home /News /gujarat /

અમદાવાદ: નિયમનો ભંગ કરવા બદલ RTOએ એક વર્ષમાં 9 કરોડ રૂપિયાથી વધુનો દંડ વસુલ કર્યો

અમદાવાદ: નિયમનો ભંગ કરવા બદલ RTOએ એક વર્ષમાં 9 કરોડ રૂપિયાથી વધુનો દંડ વસુલ કર્યો

પોલીસની ખાસ ડ્રાઇવ (Shutterstock તસવીર)

Ahmedabad RTO : સરેરાશ એક મહિનામાં 3 હજાર વાહન ચાલકો નિયમનો ભંગ કરતા પકડાય છે. જેમાં જૂન 2021માં 6 હજારથી વધુ વાહન ચાલકો પર નિયમ ભંગનો કેસ કરવામાં આવ્યો છે.

અમદાવાદ: સુરક્ષા અને સલામતી માટે કેટલાક નિયમો બનાવવામાં આવ્યા છે. પરંતુ નિયમનો પાલન કરવામાં વાહન ચાલકોને કોઈ રસ નથી. તેના કારણે આરટીઓ (Ahmedabad RTO) અને ટ્રાફિક પોલીસની (Traffic Police) નાણાં પેટીઓ ફૂલ રહે છે. ટ્રાફિકના નિયમ અને આરટીઓના નિયમનો ભંગ કરવા બદલ કરોડો રૂપિયા દંડ વસુલ કરવામાં આવે છે તેમ છતાં લોકો સુધરવાનું નામ લેતા નથી. આરટીઓ દ્વારા ચેકીંગ કરવા આવતું હોય છે. જેમાં વાહન ઓવર લોડ હોય. વાહનના દસ્તાવેજ ન હોય, ટેક્સ ભર્યો ન હોય, વાહનનું પીયુસી ન હોય અથવા ડ્રાઇવર પાસે લાયસન્સ ન હોય,વાહન કોમર્શિયલ યુઝ થતું હોય અને ટેક્સી પાસિંગ ન હોય, વાહનનું ફિટનેસ સર્ટિફિકેટ ન હોય તો આરટીઓ દ્વારા દંડ આપવામાં આવે છે. દંડ ન ભરે તો વાહન જપ્ત કરવામાં આવે છે.

અમદાવાદ આરટીઓ આર.એસ. દેસાઈએ જણાવ્યું છે કે, છેલ્લા એક વર્ષમાં એટલે કે, એપ્રિલ 2021થી એપ્રિલ 2022માં કુલ 39,699 કેસ નોંધાયા હતા.જેમાં 9.21 કરોડ રૂપિયા દંડ વસુલ કરવામાં આવ્યો છે. સરેરાશ એક મહિનામાં 3 હજાર વાહન ચાલકો નિયમનો ભંગ કરતા પકડાય છે. જેમાં જૂન 2021માં 6 હજારથી વધુ વાહન ચાલકો પર નિયમ ભંગનો કેસ કરવામાં આવ્યો છે.

આ પણ વાંચો: બનાસકાંઠા: તળાવનો રંગ બદલાઇને થયો ગુલાબી, ગામ લોકોમાં સર્જાયુ કુતૂહલ

અમદાવાદ આરટીઓ એક વર્ષમાં 9.21 કરોડ રૂપિયા દંડ વસુલ કર્યો છે. હજુ ટ્રાફિક પોલીસ દંડની રકમ તો અલગ છે.નિયમનો ભંગ ન કરે એટલે માટે જ દંડ ની વ્યવસ્થા કરવામાં આવી છે કે, લોકો દંડ ભરવાના કારણે પણ નિયમોનું પાલન કરશે. તેમ છતાં નિયમોનું પાલન કરતા નથી. પાલન કરાવવા માટે ટ્રાફીક પોલીસ દ્વારા પણ અમદાવાદ શહેરમાં સ્પેશિયલ ડ્રાઇવ ચાલુ કરવામાં આવી છે.



રોંગ સાઈડ અને વાહનમાં હાઈ સિક્યુરીટી નંબર પ્લેટ ન હોય અથવા તો લાયસન્સ ન હોય તો કાર્યવાહી કરવામાં આવી રહી છે. રોંગ સાઈડનો દંડ ટુ વહીલર હોય તો 1500 અને ફોર વહીલરના 3000 દંડ ભરે છે.પણ સુધરતા નથી
Published by:Kaushal Pancholi
First published:

Tags: અમદાવાદ, આરટીઓ, ગુજરાત

આગામી સમાચાર