Home /News /gujarat /

અમદાવાદ ગેંગરેપઃ મહિલા આરોપીની રાજકોટથી ધરપકડ

અમદાવાદ ગેંગરેપઃ મહિલા આરોપીની રાજકોટથી ધરપકડ

    અમદાવાદ ખાતે 22 વર્ષની યુવતી પર ગેંગરેપ કરવાના કેસની તપાસ મહિલા ક્રાઇમ બ્રાંચને સોંપવામાં આવી છે. હવે આ કેસની તપાસ મહિલા એડિશનલ ડીજીપી પન્ના મોમાયા કરશે. આ કેસ સાથે જોડાયેલ એક મહિલા આરોપી યુવતી યામી નાયરની રાજકોટથી ક્રાઈમ બ્રાન્ચે ધરપકડ કરી લીધી છે. સૂત્રો પાસેથી મળતી માહિતી અનુસાર, યામીની નાયર રાજકોટથી મુંબઈ ભાગી જવાની ફિરાકમાં હતી. યામિનીને મહિલા ક્રાઇમ બ્રાન્ચ લાવવામાં આવી છે જ્યાં  ક્રાઇમ બ્રાન્ચના એડી.ડીસીપીએ પૂછપરછ કરી હતી.

    આ કેસમાં ફરાર રહેલા આરોપીઓની ધરપકડ કરવા માટે ક્રાઇમ બ્રાંચની ટીમો રવાના થઈ ગઈ છે. બીજી બાજુ પીડિત યુવતી પર દુષ્કર્મ કરનાર બે યુવકોની તસવીર સામે આવી છે. યુવતીએ ફરિયાદમાં જેનું નામ લખ્યું છે તે વૃષભ મારુ અને ગૌરવ મહાવીર દાલમિયાની તસવીરો સામે આવી છે.

    ગૌરવ અને વૃષભ ફરાર

    યુવતીએ ફરિયાદમાં જેમના નામ લખ્યા છે તે ગૌરવ અને વૃષભ મારુ હાલ ફરાર થઈ ગયા છે. ગઈકાલે ક્રાઇમ બ્રાંચે ગૌરવના પપ્પાના રિમાન્ડ લીધા હતા. તો વૃષભ રતલામ ગયો હોવાના સમાચાર મળી રહ્યા છે.



    ચાલુ કારમાં અપહરણ અને ગેંગરેપની ફરિયાદ

    અમદાવાદના ઇસનપુર વિસ્તારની એક 22 વર્ષની યુવતીએ પોલીસમાં ફરિયાદ આપી હતી કે ગત માર્ચ મહિનામાં તેની સાથે ચાલુ કારમાં ગેંગરેપ કરવામાં આવ્યો હતો. યુવતીએ પોલીસને આપેલી ફરિયાદ પ્રમાણે માર્ચમાં તે પોતાનું એક્સેસ લઈને રાતના સાડા આઠ વાગ્યે નહેરુનગરથી ઝાંસીની રાણી વચ્ચે સર્વિસ રોડ પર ઉભી હતી ત્યારે સ્કોર્પિયો કારમાં આવેલા ચાર લોકોએ કેફી પદાર્થ સુંઘાડીને તેને ગાડીમાં બેસાડી દીધી હતી. બાદમાં કારમાં જ તેની સાથે ગેંગરેપ કરવામાં આવ્યો હતો અને તેના ગુપ્તાંગમાં લાકડી નાખી દેવામાં આવી હતી. આ સમયે બે લોકો તેનો વીડિયો ઉતારતા હતા. બાદમાં તેઓ વીડિયો લીક કરી દેવાની તેમજ બોયફ્રેન્ડની મારી નાખવાની ધમકી આપીને પૈસા માંગતા રહ્યા હતા.



    26મી જૂને ફરી કારમાં બેસાડી ક્લિપિંગ ઉતારી

    ફરિયાદ પ્રમાણે 26મી જૂનના રોજ કાળા કલરની સ્કોર્પિયો કારમાં ફરીથી તેને સ્પે છાંટીને બેસાડી દેવામાં આવી હતી. આ સમયે કારની વચ્ચેની સીટમાં બે યુવકોએ તેની સાથે અડપલાં કર્યા હતા તેમજ તેની ક્લિપિંગ ઉતારી લીધી હતી. બાદમાં કારમાં રહેલા યુવકોએ આ બધુ ગૌરવ દાલમિયાએ કરાવેલું હોવાનું કહીને તેને કારમાંથી ઉતારી મૂકી હતી.

    ફરિયાદમાં કોના કોના નામ?

    યુવતીએ પોલીસને આપેલી ફરિયાદમાં વૃષભ મારુ, યામી નાયર, ગૌરવ મહાવિર દાલમિયા (કથિત બોયફ્રેન્ડ) અને ત્રણ અજાણ્યા ઇસમોના નામ આપ્યા છે.

    અભિયમની ટીમે સમજાવ્યા બાદ થઈ ફરિયાદ

    26મી જૂનના બનાવ બાદ યુવતીએ આ અંગેની જાણ પોતાના માતાપિતાને કરી હતી. આ માટે મહિલા હેલ્પલાઇન અભિયમની મદદ લેવામાં આવી હતી. અભિયમની ટીમે યુવતીનું કાઉન્સેલિંગ કર્યા બાદ આ અંગે ફરિયાદ કરવા માટે તેને સમજાવી હતી. આ અંગે પહેલા ઇસનપુર પોલીસમાં ફરિયાદ નોંધવામાં આવી હતી.
    Published by:Ashish Goyal
    First published:

    Tags: Gaurav Dalmiya, Satellite police, Yami nair

    આગામી સમાચાર

    विज्ञापन
    विज्ञापन
    विज्ञापन