Home /News /gujarat /

અમદાવાદઃ સોસાયટીમાં ગરબા દરમિયાન ફાયરિંગમાં બે ઘાયલ, ત્રણની અટકાયત

અમદાવાદઃ સોસાયટીમાં ગરબા દરમિયાન ફાયરિંગમાં બે ઘાયલ, ત્રણની અટકાયત

સોલા સિવિલ (ફાઇલ તસવીર)

બાઇક ધીમી ચલાવવા બાબતે થઈ હતી બબાલ, બાઇક ચાલકના પિતાએ તેના પુત્રનો પક્ષ લઈને પાંચ રાઉન્ડ ફાયરિંગ કર્યું.

    હરમેશ સુખડિયા, અમદાવાદ

    અમદાવાદઃ સોલા વિસ્તારમાં મોડી રાત્રે ફાયરિંગની એક ઘટના સામે આવી છે. સોલાના દત્ત બંગલો નજીક બનેલી ફાયરિંગની ઘટનામાં બે લોકો ઈજાગ્રસ્ત થયા છે. બંને ઈજાગ્રસ્તોને સારવાર માટે સોલા સિવિલ હોસ્પિટલમાં ખસેડવામાં આવ્યા છે. આ મામલે પોલીસે ત્રણ લોકોની ધરપકડ કરી છે.

    મળી રહેલી માહિતી પ્રમાણે બાઇક ધીમી ચલાવવાની સૂચના આપ્યા બાદ ફાયરિંગ કરવામાં આવ્યું હતું. બાઇક ચાલકના પિતાએ તેના પુત્રનો પક્ષ લઈને ફાયરિંગ કર્યું હતું. જેમાં બે લોકો ઈજાગ્રસ્ત થયા હતા. મળી રહેલી માહિતી પ્રમાણે કુલ પાંચ રાઉન્ડ ફાયરિંગ કરવામાં આવ્યું હતું.

    ફાયરિંગ કરનાર વ્યક્તિના પુત્રને બાઇક ચલાવવા બાબતે બબાલ થઈ હતી. ફાયરિંગ થયું ત્યારે સોસાયટીના લોકો ગરબે રમી રહ્યા હતા. આ દરમિયાન બબાલ થતાં ફાયરિંગ થયું હતું. આ મામલે પોલીસે ગુનો નોંધીને વધુ તપાસ હાથ ધરી છે. ફાયરિંગમાં ઘાયલ થયેલા બંને લોકોને સારવાર માટે તાત્કાલિક હોસ્પિટલમાં ખસેડવામાં આવ્યા છે.

    ત્રણ લોકોની અટકાયત

    આ મામલે પોલીસે દાનારામ મેડતિયા નામના વ્યક્તિ અને તેના બે પુત્રોની ધરપકડ કરી છે. પોલીસે પૂછપરછ કરતા આરોપીઓએ ફાયરિંગ કર્યાની કબૂલાત કરી લીધી છે. આરોપી પાસે લાયસન્સ વાળી રિવોલ્વર હોવાનું પણ માલુમ પડ્યું છે. મળતી માહિતી પ્રમાણે આરોપીઓને વર્ષોથી સોસાયટીના રહીશો સાથે ઝઘડા ચાલે છે.
    Published by:Vinod Zankhaliya
    First published:

    Tags: Firing, Garba, Navratri 2018, Sola, Sola civil hospital

    विज्ञापन

    विज्ञापन

    આગામી સમાચાર

    विज्ञापन
    विज्ञापन