Ahmedabad Police: વાહન ચોરીની અનોખી ઘટના, વાહનો કબ્જે કરવા હળવદ ગયેલી પોલીસ પર હુમલો

અત્યાર સુધી તમે વાહનચોરી (Vehicle Theft,)ની અનેક ઘટનાઓ સાંભળી હશે. કોઈ સામાન્ય ચોર વાહનચોરી કરી નાસી જતો હોય છે અને પોલીસ (Ahmedabad Police) એક કે બે વાહનો સાથે તેને પકડી પાડતી હોય છે. પરંતુ આજે અમે આપને વાહનચોરીની એવી ઘટના વિશે જણાવીશું કે જેનાથી ખુદ પોલીસ પણ ચોંકી ગઈ હતી. અમદાવાદ ક્રાઇમ બ્રાન્ચે (Ahmedabad Crime Branch) બે એવા વાહનચોર મિત્રોને ઝડપી પાડ્યા છે કે જેણે શહેરના મોટાભાગના વિસ્તારોમાંથી વાહનો ચોરી કર્યા છે.

ક્રાઇમ બ્રાન્ચની ગીરફ્તમાં આવેલ આરોપી યાસીન અને તેનો એક મિત્ર કે જે સગીર છે. બંને મિત્રો શહેરના અલગ-અલગ વિસ્તારોમાંથી ઓટોરિક્ષા તેમજ ટુ વ્હીલર વાહનોની ચોરી કરતા હતા. જેને ક્રાઇમ બ્રાન્ચે ઝડપી પાડ્યા છે. બંને વાહનચોર પાસેથી પોલીસે 16,70,000 ની કિંમતના ચોરી કરેલા વાહનો કબ્જે કરી 26 જેટલા વાહનચોરીના ભેદ ઉકેલ્યા છે. પોલીસને મળેલી ચોક્કસ માહિતીના આધારે નરોડા પાટીયા પાસે આરોપી યાસીન ઉર્ફે કોન્ડો ઉર્ફે અજય ઠાકોર ઉર્ફે વાયરીંગ તેમજ તેનો મિત્ર કેજે સગીર વયનો છે. જે બંને એક નંબર પ્લેટ વગરની સી.એન.જી.ઓટોરિક્ષા લઇને જઈ રહ્યાં છે જેને આધારે પોલીસે બંનેની ધરપકડ કરી હતી. પોલીસે બંનેની પૂછપરછ કરતા બંને વાહનચોર મિત્રોએ ચોંકાવનારી વિગતો જણાવી હતી.

આ પણ વાંચો- રાજકોટમાં શિક્ષણમંત્રીનું વિવાદિત નિવેદન: ગુજરાતનું શિક્ષણ પસંદ ન હોય તો બહાર જાવ- જીતુ વાઘાણી

પોલીસની પુછપરછ દરમ્યાન તેઓએ પોતાના અન્ય સાગરિતો સાથે મળી છેલ્લા ત્રણ ચાર માસ દરમ્યાન અમદાવાદ શહેરના અલગ-અલગ વિસ્તારોમાંથી કુલ 25 જેટલી ઓટોરિક્ષાઓ તેમજ ટુ વ્હિલરો ચોરી કરી હોવાની તેમજ આ વાહનો તેઓએ હળવદ તેમજ તેની આજુબાના વિસ્તારોમાં અલગ-અલગ જગ્યાએ વેચ્યા હોવાની કબુલાત કરી હતી. કબૂલાતને આધારે પોલીસ હળવદ વિસ્તારમાં ચોરીના વાહનો લેવા ગયા હતા. જ્યાં પોલીસ ઉપર હુમલો થવાની ઘટના પણ સામે આવી હતી. પોલીસે ચોરી કરેલી 21 જેટલી ઓટોરિક્ષાઓ તથા 5 જેટલા ટુ વ્હિલર્સ મળી કુલ 26 વાહનો મળી કુલ રૂપિયા 16,70,000 ની મત્તાનો મુદ્દામાલ રીકવર કર્યો છે. પકડાયેલ આરોપી ખાસ કોઈ કામધંધો કરતા હતા નહીં અને મોજશોખ કરવાના ઈરાદે અમદાવાદ શહેરના અલગ-અલગ વિસ્તારોમાં પોતાના સાગરિતો સાથે ફરતો રહેતો હતો. તેઓ કોઈ પણ જગ્યાએ પાર્ક કરેલી ઓટોરિક્ષા તેમજ ટુ વ્હિલરને ડુપ્લીકેટ ચાવી વડે લોક ખોલી અથવા તોડી ચોરીઓ કરતા હતાં.

આ પણ વાંચો- Yuvrajsinh Jadeja: મુશ્કેલી વધી! યુવરાજસિંહની ગાડીના કેમેરામાં જ પોલીસ પર ગાડી ચઢાવવાની ઘટના થઇ છે કેદ

ચોરી કર્યા બાદ તેઓ આ ચોરી કરેલ વાહનો અમદાવાદ બહાર ખાસ કરીને હળવદ તથા તેની આજુબાજુના ગ્રામ્ય વિસ્તારોમાં ગ્રાહકોને સસ્તામાં વેચી દેતા હતા. ગ્રાહકોને આરસી બુક તેમજ અન્ય ડોક્યુમેન્ટ થોડા દિવસોમાં આપશું તેમ કહી સસ્તી કિંમતના વહેંચતા હતા. આ રીતે તેઓએ છેલ્લા ત્રણ ચાર માસના સમયગાળામાં ઘણી બધી વાહનચોરીઓ કરી હોવાની કબુલાત આપી છે. વાહનચોર પકડતા શહેરના અનેક વાહનચોરીના ગુનાહો પણ ઉકેલાયા છે. શહેરના કૃષ્ણનગર, રામોલ, નરોડા, નિકોલ, એલિસબ્રિજ, શાહીબાગ, વેજલપુર, ગુજરાત યુનિ, સરખેજ, સરદારનગર સહિતના પોલીસ મથકમાં વાહન ચોરીના ગુનાઓ નોંધાયા હતા. જે ઉકેલવામાં પોલીસને સફળતા મળી છે. પકડાયેલ આરોપી યાર્સીન ઉર્ફે કોન્ડો ઉર્ફે અજય ઠાકોર ઉર્ફે વાયરીંગનાનો આજથી ત્રણેક મહિના પહેલા નરોડા પોલીસ સ્ટેશનમાં મારામારીના ગુનામાં પોલીસ ચોપડે ચડી ચૂક્યો છે ત્યારે હવે ક્રાઇમ બ્રાન્ચે આ આરોપીએ પોતાના સાગરિતો સાથે મળી આ સિવાય બીજા પણ વાહનો ચોરી કરેલ છે કે કેમ? તેમજ તેઓની સાથે અન્ય કોઈ અન્ય વ્યક્તિ પણ સંડોવાયેલ છે કે કેમ તેમજ આવા પ્રકારના બીજા પણ વાહનચોરીના ગુનાઓના ભેદ ઉકેલાય તેવી પોલીસે શક્યતા વ્યક્ત કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad crime branch, Ahmedabad police, Theft case, કાર ચોરી, ચોરી, ​​Crime Branch