ગરમીનો પ્રકોપઃ અમદાવાદમાં 108ને આવ્યા 110 ઇમર્જન્સી કોલ્સ

ન્યૂઝ18ગુજરાતીઃઉનાળાની શરૂઆત સાથે જ લોકો ગરમીથી ત્રાહીમામ પોકારી ગયા છે. ત્યારે અમદાવાદમાં પણ ગરમીએ રૌદ્ર સ્વરૂપ ધારણ કર્યું છે. છેલ્લા એક અઠવાડિયાથી ગરમીનો પારો 40 ડિગ્રીને પાર થઈ ગયો છે.ત્યારે ગરમીની અસર રસ્તાઓ પર પણ જોવા મળી રહી છે. લોકો જરૂર વગર ઘરની બહાર જવાનું પણ ટાળી રહ્યા છે. તો સાથે સાથે ગરમીના કારણે લોકોના સ્વાસ્થ્ય ઉપર પણ અસર પડી રહી છે. ગરમીના કારણે પેટમાં દુઃખાવો થવો, બ્લેડ પ્રેસરને લગતી ફરિયાદોમાં વધારો થયો હતો.

મળતી માહિતી પ્રમાણે ગુજરાત રાજ્યની મફત સેવા 108 એમ્બ્યુલન્સ ઉપર આવતા કોલમાં પણ વધારો થયો હતો. મળતી માહિતી પ્રમાણે રાજ્યભરમાં એક જ દિવસમાં 460 કોલ આવ્યા હતા. જ્યારે અમદાવાદમાં 110 કોલ આવ્યા છે.

સુત્રોના જણાવ્યા પ્રમાણે 108 એમ્બ્યુલન્સને મળેલા કોલ્સમાં મોટાભાગે પેટલમાં દુખાવા, બ્લડ પ્રેસરને લગતા, છાતીમાં દુઃખાવાના, બેભાન થવાના અને ઉલ્ટી થવાના કોલ્સ આવ્યા હતા. આમ ગરમીના કારણે લોકોમાં આ પ્રકારની સમશ્યાઓમાં વધારો થતો જોવા મળી રહ્યો છે. હવામાન ખાતાએ કામ વગર ગરમીમાં બહાર ન નીકળવાની સલાહ આપી છે.

અમદાવાદમાં આવેલા 108ના કોલ્સ

પેટમાં દુખાવો 33 કેસ
બ્લડ પ્રેસરને લગતા 03 કેસ
છાતીમાં દુખાવો 19 કેસ નોંધાયા
બેભાન થવાના 31 કેસ નોંધાયા
ઉલ્ટી થવાના 04 કેસ
ચાલતા ચાલતા પડી જવાના 52 કોલ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: 108 ambulance, અમદાવાદ, ગુજરાત