Home /News /gujarat /

Lockdownના કારણે વિદ્યાર્થીઓ માટે શિક્ષણ વિભાગે લીધો વધુ એક મહત્વપૂર્ણ નિર્ણય

Lockdownના કારણે વિદ્યાર્થીઓ માટે શિક્ષણ વિભાગે લીધો વધુ એક મહત્વપૂર્ણ નિર્ણય

કોરોના વાયરસ (Coronavirus)ના કારણે દેશમાં લાગુ કરવામાં આવેલ લોકડાઉન 4.0 (Lockdown 4.0) હવે પૂર્ણ થઇ ગયું છે. સરકાર સ્થિતિ સામાન્ય થવાની રાહ જોઇ રહી છે. અને અનલોક લોકડાઉનમાં આ નવા ચરણમાં ચર્ચા ચાલી રહી છે કે જુલાઇથી રાજ્ય સરકાર શાળાઓ ખોલવા પર વિચાર કરશે. ઉલ્લેખનીય છે કે 16 માર્ચથી જ દેશભરના શાળા-કોલેજ બંધ પડ્યા છે. ત્યારે હવે શૈક્ષિણક સંસ્થાનોમાં શિક્ષકોને બોલવવા પ્રયાસો શરૂ થઇ ગયા છે. પણ વિદ્યાર્થીઓને ક્યારથી બોલવવા તે સિવાલ પર હાલ કોઇ નિર્ણય નથી લેવામાં આવ્યો. કેન્દ્ર સરકારે સ્પષ્ટ કર્યું છે કે પરિસ્થિતિને જોઇને સ્કૂલ અને કોલેજને જુલાઇમાં ખોલવા અંગે નિર્ણય લઇ શકાય છે. આ વચ્ચે દેશભરના તમામ વાલીઓ જુલાઇથી શાળા ખોલવાને લઇને એકજૂટ થઇ રહ્યા છે.

કોરોના વાયરસના કારણે સમગ્ર રાજ્યમાં શાળાઓ બંધ છે ત્યારે વિદ્યાર્થીઓને ઘરે બેઠા અભ્યાસની તક મળી રહે તેવા હેતુ સાથે શિક્ષણ વિભાગે એક મહત્વનો નિર્ણય લીધો

કોરોના વાયરસના કારણે સમગ્ર રાજ્યમાં શાળાઓ બંધ છે ત્યારે વિદ્યાર્થીઓને ઘરે બેઠા અભ્યાસની તક મળી રહે તેવા હેતુ સાથે શિક્ષણ વિભાગે એક મહત્વનો નિર્ણય લીધો છે. આ નિર્ણય અંતર્ગત હવે દર શનિવારે ધોરણ ૩થી ૮ના બાળકો માટે weekly લર્નિંગ મટીરીયલ અંતર્ગત જરૂરી સાહિત્ય સોશિયલ મીડિયાના માધ્યમથી વિદ્યાર્થીઓને પૂરું પાડવામાં આવશે. શિક્ષણ મંત્રી ભુપેન્દ્રસિંહ ચુડાસમાએ એક સંદેશમાં જણાવ્યું છે કે, રાજ્યના સીઆરસી, બીઆરસી દ્વારા વોટ્સએપના માધ્યમથી જ્યારે વિદ્યાર્થીઓને આ અભ્યાસ સામગ્રી પહોંચાડવામાં આવી રહી છે, ત્યારે વિદ્યાર્થીઓ વાલીઓના માર્ગદર્શન સાથે તેનો ઉપયોગ કરે તે ખૂબ જરૂરી છે.

આ સાહિત્યના ઉપયોગના કારણે રજાઓના દિવસોમાં પણ વિદ્યાર્થીઓને અભ્યાસની તક મળી રહેશે. ૨૮ માર્ચથી શરૂ કરી આગામી દિવસોમાં ચારથી પાંચ શનિવારે ક્રમિક રીતે આ weekly લર્નિંગ મટીરીયલ આપવામાં આવશે. જે શનિવારે આ સાહિત્ય આપવામાં આવશે તેના પછીના શનિવાર સુધીમાં તેનું તમામ કામ પૂર્ણ થાય તેવો પ્રયાસ કરવાનો રહેશે, જેથી આગળના શનિવારના અભ્યાસમાં આગળ વધી શકાય તેમ ભૂપેન્દ્રસિંહ ચુડાસમાએ જણાવ્યું છે.

શિક્ષણ મંત્રીએ જણાવ્યું છે કે, વિદ્યાર્થીઓને આ દિવસોમાં ઘરે બેઠા શૈક્ષણિક અભ્યાસની તક મળી રહેવાથી આગામી શૈક્ષણિક વર્ષમાં એટલે કે જૂન 2020થી બાળક જે ધોરણમાં આવવાનું છે તે ધોરણ મુજબનું સાહિત્ય અને તેનો અભ્યાસ અત્યારથી જ થઈ ગયો હોવાથી આગામી સમયમાં તે નવા ધોરણમાં વિદ્યાર્થી સરળતાથી જોડાઈ શકશે.

અભ્યાસના આ સમયમાં વાલી પોતાના સંતાનોને સંપૂર્ણ સહયોગ આપે તેવી શિક્ષણ મંત્રીએ વાલીઓને પણ અપીલ કરી છે. વાલીઓ ઉપરાંત શિક્ષક સમુદાય પણ આ અંગે નેતૃત્વ લઇને વોટ્સએપના માધ્યમથી આ અભિયાનનું સતત મોનિટરિંગ કરશે. ઉપરાંત વાલીઓ તથા બાળકોને માર્ગદર્શન આપશે અને આ સૌના સહકારથી રાજ્યના પ્રાથમિક શાળામાં ભણતા બાળકોનું ભણતર ખૂબ જ આગળ વધે તેવા પ્રયાસો કરવામાં આવશે.

ઉલ્લેખનીય છે કે, હાલમાં ટીવી ચેનલના માધ્યમથી પણ બાળકોને શિક્ષણ આપવાના પ્રયાસો ચાલી રહ્યા છે. ઉપરાંત સોશિયલ મીડિયા-વોટ્સએપના માધ્યમથી વોટ્સએપના માધ્યમથી ધોરણ 1 થી 10ના પાઠ્યપુસ્તકની બુક આપવાનો પણ પ્રયાસ કરાયો છે. આ પાઠ્યપુસ્તક પાઠ્યપુસ્તક મંડળની વેબસાઇટ પર પણ ઉપલબ્ધ છે.

આ પ્રયાસો ઉપરાંત હવે weekly લર્નિંગ મટિરિયલના પ્રયોગ દ્વારા વિદ્યાર્થીઓને ઘરે બેઠા જ અભ્યાસની તક મળી રહેશે અને આગામી શૈક્ષણિક સત્રમાં વધુ શૈક્ષણિક સજ્જતા સાથે વિદ્યાર્થી આગળના ધોરણમાં પ્રવેશ મેળવી શકશે, તેવી આશા શિક્ષણ મંત્રી ભુપેન્દ્રસિંહ ચુડાસમાએ વ્યક્ત કરી છે.
Published by:kiran mehta
First published:

Tags: Bhupendra Sinh Chudasama, Corona in Gujarat, Corona lock down, Gujarat Education Department, School students

આગામી સમાચાર

विज्ञापन
विज्ञापन
विज्ञापन