સ્થાનિક સ્વરાજની ચૂંટણીના પડઘમ, મુખ્યમંત્રી રૂપાણીએ વહીવટદારો નિમવા કર્યા આદેશ

સ્થાનિક સ્વરાજની ચૂંટણીના પડઘમ, મુખ્યમંત્રી રૂપાણીએ વહીવટદારો નિમવા કર્યા આદેશ
સ્થાનિક સ્વરાજની ચૂંટણીના પડઘમ, મુખ્યમંત્રી રુપાણીએ વહીવટદારો નિમવા કર્યા આદેશ

રોજબરોજના નાગરિક સુખાકારી કામો અને વ્યવસ્થા જળવાઈ રહે તેમજ નાગરિકોને દુવિધા ન પડે તેવા હેતુસર મુખ્યમંત્રી વિજય રૂપાણીએ આ નિર્ણય કર્યો

  • Share this:
ગાંધીનગર : મુખ્યમંત્રી વિજય રૂપાણીએ રાજ્યની જે નગરપાલિકાઓની મુદત પૂર્ણ થાય છે તેવી 51 જેટલી નગરપાલિકાઓની આગામી સામાન્ય ચૂંટણીઓ યોજાય ત્યાં સુધી જે તે નગરપાલિકાઓના વહીવટી વડા તરીકે ફરજ બજાવતા ચીફ ઓફિસરને તેમની નગરપાલિકાઓની રોજબરોજની કામગીરી વહન કરવા માટેના આદેશો કર્યા છે. આ સમય દરમિયાન તેઓ કોઈ નીતિવિષયક નિર્ણયો લઈ શકશે નહીં.નગરોમાં રોજબરોજના નાગરિક સુખાકારી કામો અને વ્યવસ્થા જળવાઈ રહે તેમજ નાગરિકોને દુવિધા ન પડે તેવા હેતુસર મુખ્યમંત્રી વિજય રૂપાણીએ આ નિર્ણય કર્યો છે.

રાજ્યની જે 51 નગરપાલિકામાં ચીફ ઓફિસરને આવી જવાબદારી સોંપવામાં આવી છે. તેમાં ‘અ’ વર્ગની 16, ‘બ’ વર્ગની 23 અને ‘ક’ વર્ગની 12 એક કુલ 51 નગરપાલિકાઓનો સમાવેશ થાય છે.



આ પણ વાંચો - પીએમ ગુજરાત મુલાકાત દરમિયાન સાબરમતી આશ્રમના માસ્ટર પ્લાનનું રિવ્યૂ કરશે

જેમાં અમદાવાદ જિલ્લાની ધોળકા અને વિરમગામ નગરપાલિકા, ખેડા જિલ્લાની નડિયાદ અને કપડવંજ નગરપાલિકા, સુરેન્દ્રનગર જિલ્લાની ધ્રાંગધ્રા અને લીંબડી નગરપાલિકા, બોટાદ જિલ્લાની બોટાદ નગરપાલિકા, પાટણ જિલ્લાની પાટણ અને સિદ્ધપુર નગરપાલિકા, બનાસકાંઠા જિલ્લાની પાલનપુર અને ડીસા નગરપાલિકા, મહેસાણા જિલ્લાની મહેસાણા, કડી, ઊંઝા અને વિસનગર નગરપાલિકા, સાબરકાંઠા જિલ્લાની હિંમતનગર નગરપાલિકા, અરવલ્લી જિલ્લાની મોડાસા નગરપાલિકા,ગાંધીનગર જિલ્લાની કલોલ અને દહેગામ નગરપાલિકા, પંચમહાલ જિલ્લાની ગોધરા નગરપાલિકા, દાહોદ જિલ્લાની દાહોદ નગરપાલિકા, વડોદરા જિલ્લાની ડભોઇ અને પાદરા નગરપાલિકા, આણંદ જિલ્લાની આણંદ, બોરસદ, ખંભાત, પેટલાદ અને ઉમરેઠ નગરપાલિકા, તાપી જિલ્લાની વ્યારા નગરપાલિકા, નર્મદા જિલ્લાની રાજપીપળા નગરપાલિકા, ભરૂચ જિલ્લાની ભરૂચ, અંકલેશ્વર અને જંબુસર નગરપાલિકા, સુરત જિલ્લાની બારડોલી અને કડોદરા નગરપાલિકા, કચ્છ જિલ્લાની ગાંધીધામ, ભૂજ, અંજાર અને માંડવી (ક) નગરપાલિકા, દેવભૂમિદ્વારકા જિલ્લાની ખંભાળિયા નગરપાલિકા, મોરબી જિલ્લાની મોરબી અને વાંકાનેર નગરપાલિકા, રાજકોટ જિલ્લાની ગોંડલ નગરપાલિકા, અમરેલી જિલ્લાની અમરેલી, સાવરકુંડલા અને બગસરા નગરપાલિકા, ગીરસોમનાથ જિલ્લાની વેરાવળ-પાટણ, ઉના નગરપાલિકા, જૂનાગઢ જિલ્લાની કેશોદ નગરપાલિકા તથા ભાવનગર જિલ્લાની મહુવા અને પાલિતાણા નગરપાલિકાનો સમાવેશ થાય છે.

એએમસીના વહીવટદાર તરીકે કમિશનર મુકેશ કુમાર

ગુજરાતમા કોરોના મહામારીના પગલે સ્થાનિક સ્વરાજની ચૂંટણીઓ ત્રણ મહિના માટે મુલતવી રાખવાનો નિર્ણય રાજ્ય ચૂંટણી પંચે કર્યો હતો. ત્યારે સ્થાનિક સત્તા મંડળ પર કોઇ કામગીરી કરશે તે અંગે સુપ્રીમ કોર્ટ પાસેથી માર્ગદર્શન લેવામા આવ્યું હતુ . જેમા સ્થાનિક સત્તા મંડળના વહિવટ વડાઓને કામગીરી સોંપવા આદેશ અપાયો છે. અમદાવાદ મ્યુનિસિપલ કોર્પોરેશનના વહીવટ કરતા તરીકે કમિશનર મુકેશ કુમાર જવાબદારી સોપાઇ છે . 14 ડિસેમ્બરના રોજ તમામ ચૂંટાયેલા હોદ્દેદારોની સત્તા પૂર્વે થાય છે. જેથી 14 બાદ એએમસીની તમામ કામગીરી હવે કમિશનર મુકેશ કુમાર પાસે રહેશે. જ્યા સુધી નવી ચૂંટાયેલ હોદ્દેદારો ન આવે ત્યા સુધી મુકેશ કુમાર સર્વેસર્વા રહેશે.
Published by:Ashish Goyal
First published:December 09, 2020, 22:44 pm

ટૉપ ન્યૂઝ