Home /News /gujarat /

અમદાવાદ: જમીન દલાલને માર મારી માંગ્યાં પાંચ લાખ રૂ., ધમકાવીને કહ્યું, પોલીસને કહીશ તો મારી નાંખીશ

અમદાવાદ: જમીન દલાલને માર મારી માંગ્યાં પાંચ લાખ રૂ., ધમકાવીને કહ્યું, પોલીસને કહીશ તો મારી નાંખીશ

પ્રતિકાત્મક તસવીર

આ અંગેેેે સાબરમતી પોલીસે મારામારી, રાયોટિંગ અને અપહરણનો ગુનો નોંધી તપાસ શરૂ કરી છે.

અમદાવાદ: શહેરના ચાંદખેડા વિસ્તારમાં રહેતા અને મકાનનું લે વેચ કરતા યુવકને ફાર્મ હાઉસમાં માર મારી અપહરણ કરવામાં આવ્યું હતું. અડાલજ નર્મદા કેનાલ પાસે યુવકને છોડી પોલીસને જાણ કરશે તો જાનથી મારી નાખવાની ધમકી આપી હતી. આ અંગેેેે સાબરમતી પોલીસે મારામારી, રાયોટિંગ અને અપહરણનો ગુનો નોંધી તપાસ શરૂ કરી છે.

ત્રાગડ રોડ પર ધરતીનગર ફ્લેટમાં રહેતા અને મકાનના લે વેચની દલાલી કરતા વિક્કી પરિહારની ધરતી બંગલોઝમાં રહેતા ઉજાસ પટેલ સાથે મુલાકાત થઈ હતી. ઉજાસનું વૈષ્ણોદેવી અંડરબ્રિજ પાસે ફાર્મહાઉસ છે જ્યાં વિક્કી બેસવા જતો હતો. વિકકીને ત્યાં જયપાલસિંહ બિહોલા સાથે મુલાકાત થઈ હતી. 14 જૂનના રોજ સાંજે જયપાલસિંહે વિક્કીને ફાર્મહાઉસ પર આવવાનું કહેતા ત્યાં પહોંચ્યો હતો. થોડીવાર બાદ ત્યાં હાજર સોનુસિંહ શેખાવતે 5 લાખ રૂપિયા વિક્કી પાસે માંગ્યા હતાં. વિક્કીએ આપણે પૈસાનો કોઈ વ્યવહાર નથી તેવું કહેતા સોનુસિંહે ઉશ્કેરાઈ માર માર્યો હતો. તેની સાથેના અન્ય લોકોએ પણ માર માર્યો હતો.

આ પણ જુઓ - 

આ પણ વાંચો - ગુજરાત હાઇકોર્ટ અને બાર પ્રેસિડન્ટ આમને સામને, શું છે વિવાદ? સમજો વિગતવાર

બાદમાં ગાડીમાં બેસાડી અને અડાલજ કેનાલ તરફ લઈ ગયા હતા જ્યાં વિક્કી ઉતારી અને જો પોલીસમાં ફરિયાદ કરીશ તો જાનથી મારી નાખવાની ધમકી આપી જતાં રહ્યાં હતાં.
આખરે વિકકીએ સાબરમતી પોલીસને જાણ કરતા પોલીસે મારામારી, રાયોટિગ અને અપહરણનો ગુનો નોંધી તપાસ શરૂ કરી છે.
Published by:Kaushal Pancholi
First published:

Tags: Kidnap, અમદાવાદ, ગુજરાત, ગુનો

આગામી સમાચાર

विज्ञापन
विज्ञापन
विज्ञापन