મોરબી : યુવકની તીક્ષણ હથિયારોનાં ઘા ઝીંકી હત્યા, એકને ગંભીર હાલતમાં રાજકોટ ખસેડાયો

અતુલ જોશી, મોરબી : મોરબીમાં મોડી સાંજે હત્યાનો બનાવ સામે આવ્યો છે. જેમાં મોરબીના સામાં કાંઠા વિસ્તારમાં આવેલા એસ આરના પંપ નજીક દલિતવાસમાં રહેતા અજિત ગોરધનભાઈ પરમાર (ઉ.વ.23) ની હત્યા થઇ છે. અજિત પરમારને ગંભીર હાલતમાં મોરબી સિવિલમાં લાવવામાં આવ્યો હતો. જોકે સારવાર મળે તે પહેલા જ યુવકનું મોત નીપજ્યું છે.

આ સાથે જ અન્ય એક હુસેન નામના યુવકને ગંભીર હાલતમાં રાજકોટ સારવાર અર્થે ખસેડવામાં આવ્યો છે. બનાવના પગલે દલિત સમાજના લોકોના ટોળા મોરબી સિવિલ ખાતે એકત્ર થઈ ગયા છે. હાલ આ હત્યા ક્યાં કારણથી કોના દ્વારા થઈ તે અંગે મોરબી પોલીસે તપાસનો ધમધમાટ શરૂ કર્યો છે.

આ પણ વાંચો - અમદાવાદ : હોટલમાં ખેલાયો ખુની ખેલ, પતિએ ચપ્પા ના ઘા મારી પત્નીને ઉતારી મોતને ઘાટ

હત્યાનું સચોટ કારણ પોલીસ તપાસ બાદ જ બહાર આવશે. હાલ મોરબી બી ડિવિઝન એલસીબી પોલીસે તપાસ શરૂ કરી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarati news, Latest gujarati news, Latest News, Latest today news, Morbi, મોત