ગુજરાતના દરિયાકાંઠેથી 70 કિલોમીટર દૂર અરબી સમુદ્રમાં વાવાઝોડું, હવામાન વિભાગની ચાંપતી નજર

ગુજરાતમાં સતત પડી રહેલા અનરાધા વરસાદ (Gujarat Rainfall)ના પગલે ઘણા જિલ્લાઓમાં પૂર (Gujarat Flood)ની સ્થિતિ બનેલી છે ત્યારે હાલમાં પણ ઘણા ગામડાઓમાં અંધારાપટ છે અને ઘણા લોકો પાણીના વહેણની મુસીબતમાં ફસાયેલા છે ત્યારે તેઓને સહીસલામત બચાવવા માટે એનડીઆરએફ (NDRF)ની ટીમ પણ સતત કામ કરી રહી છે. આવામાં ઓખામાં ગુજરાતના દરિયાકાંઠા (Gujarat Sea)થી 70 કિમી દૂર અરબી સમુદ્રમાં ઊદ્ભવેલા વાવાઝોડા (Cyclone)ના કારણે 50 કિલોમીટર પ્રતિ કલાકથી વધુની ઝડપે પવન ફૂંકાઈ રહ્યો છે અને આ વાવાઝોડું ઓમાન તરફ આગળ વધી રહ્યું છે.

ભારતીય હવામાન વિભાગના અધિકારીઓ શનિવારે સવારે પોરબંદર કિનારે પશ્ચિમમાં 100 કિમીના અંતરે તેની રચના થઈ ત્યારથી દબાણ ઝોન તરીકે વર્ગીકૃત કરાયેલ હવામાન પ્રણાલી પર નજર રાખી રહ્યા છે.

હવામાન વિભાગ દ્વારા રવિવારે સવારે જારી કરાયેલા રાષ્ટ્રીય બુલેટિનમાં જણાવવામાં આવ્યું હતું કે, "આગામી 48 કલાકમાં તે પશ્ચિમ-ઉત્તરપશ્ચિમ તરફ ઉત્તરપશ્ચિમ અરબી સમુદ્ર તરફ ઓમાનના કિનારા તરફ આગળ વધે તેવી સંભાવના છે."

આ પણ વાંચો- ગીરમાં બારે મેઘ ખાંગા થતાં ખેડૂતોને રોવાનો વારો આવ્યો

હવામાન વિભાગે જણાવ્યું હતું કે સૌરાષ્ટ્ર અને કચ્છના દરિયાકાંઠે ઉત્તર-પૂર્વ અરબી સમુદ્ર પરનું દબાણ ક્ષેત્ર છેલ્લા છ કલાકમાં 5 કિમી પ્રતિ કલાકની ઝડપે ઉત્તર-પશ્ચિમ તરફ ધીમે ધીમે આગળ વધ્યું હતું, જે પોરબંદરથી રવિવારે સવારે લગભગ 5.30 કલાકે 170 કિમી દૂર હતું. પશ્ચિમ-ઉત્તરપશ્ચિમ, ઓખાથી 70 કિમી પશ્ચિમ-ઉત્તરપશ્ચિમ, નલિયા (ગુજરાત)થી 70 કિમી દક્ષિણ-દક્ષિણપશ્ચિમ અને કરાચી (પાકિસ્તાન)થી 270 કિમી દક્ષિણ-દક્ષિણપૂર્વમાં કેન્દ્રીત હતું.

આ પણ વાંચો- ચિમેરના જંગલોમાં કુદરતી સૌંદર્ય સોળે કળાએ ખીલી ઉઠયું, જુઓ અદ્ભુત તસવીરો

હવામાન કચેરીએ રવિવાર સાંજ સુધીમાં પવનની ઝડપ 55 કિમી પ્રતિ કલાક અને ક્યારેક ક્યારેક 65 કિમી પ્રતિ કલાક સુધી પહોંચવાની આગાહી કરી છે. ગુજરાતના દરિયાકાંઠે અને દરિયાની બહાર રવિવાર સાંજ સુધી દરિયાની સ્થિતિ ખરાબ રહેવાની સંભાવના છે અને માછીમારોને તોફાન શમી ન જાય ત્યાં સુધી દરિયામાં ન જવાની સલાહ આપવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat monsoon, Gujarat monsoon 2022, Gujarat rainfall, Rainfall in Gujarat