Cyclone Tauktae : પીએમ મોદીએ વાવાઝોડાથી અસરગ્રસ્ત જિલ્લાનું હવાઇ નિરીક્ષણ કર્યું

Tauktae વાવાઝોડાએ (Tauktae Cyclone) ગુજરાતમાં (Gujarat) કહેર વરસાવ્યો છે. જેના પગલે વ્યાપક પ્રમાણમાં નુકસાન થયું છે. ચક્રવાતથી રાજ્યમાં 45 લોકોનાં મોત અને કરોડોની માલ-મિલકત નાશ પામી છે. સુસવાટાભેર પવનોનાં (Strom) કારણે ખેતીનો ઉભો પાક નાશ પામ્યો છે, સર્વત્ર જળબંબાકારનાં દ્રશ્યો જોવા મળી રહ્યા છે. ત્યારે વડાપ્રધાન નરેન્દ્ર મોદી (PM Narendra Modi) રાજ્યમાં ત્રાટકેલી આ કુદરતી હોનારતનાં કારણે થયેલા નુકસાનનું હવાઇ નિરીક્ષણ કરવા આવ્યા હતા.

ગુજરાતમાં Tauktae વાવાઝોડાએ સર્જેલી તબાહી બાદ પીએમ નરેન્દ્ર મોદી આજે અસરગ્રસ્ત વિસ્તારોનું હવાઇ નિરીક્ષણ કર્યું હતું. તેમણે અસરગ્રસ્ત જિલ્લાઓ જેમકે ભાવનગર, અમરેલી, દીવ, ગીર સોમનાથનું હવાઇ નિરીક્ષણ કરી કર્યું હતું. આ પછી તેમણે સીએમ વિજય રૂપાણી સહિત પાંચ જેટલા ઉચ્ચ અધિકારીઓ સાથે વાવાઝોડાને અંગે વિશેષ મંત્રણા કરી હતી. આ બેઠક પછી પીએમ મોદીએ વાવાઝોડાથી પ્રભાવિત વિસ્તારો માટે એક હજાર કરોડની સહાયની જાહેરાત કરી છે.

મૃતકોના પરિવારજનોને 2 લાખ રૂપિયાની સહાય કરવામાં આવશે. જ્યારે ઇજાગ્રસ્તોને 50 હજાર રૂપિયાની સહાયની જાહેરાત કરી છે. રાજ્યમાં થયેલા નુકસાન માટે કેન્દ્રની ટીમો ગુજરાત આવતી રહેશે.