Home /News /gujarat /

Kutch: સુકાયેલા બોરવેલને રિચાર્જ કરી ભૂગર્ભજળ વધારવાના ધ્યેય સાથે કચ્છને પાણીદાર બનાવી રહી છે આ સંસ્થા

Kutch: સુકાયેલા બોરવેલને રિચાર્જ કરી ભૂગર્ભજળ વધારવાના ધ્યેય સાથે કચ્છને પાણીદાર બનાવી રહી છે આ સંસ્થા

ભૂગર્ભ

ભૂગર્ભ જળ વધતા બારેમાસ તેનો વપરાશ કરી શકશે લોકો

સૂકા રણપ્રદેશ કચ્છમાં ઉનાળામાં ઉઠતી પાણીની સમસ્યાને નિવારવા એક સામાજિક સંસ્થા દ્વારા બોરવેલ રિચાર્જ કરી ભૂગર્ભજળ વધારવાની નેમ સાથે કચ્છને પાણીની સમસ્યાથી મુક્ત કરવા તરફ કામ કરાઈ રહ્યું છે.

    Dhairya Gajara, Kutch: રણ પ્રદેશ (Desert) હોવાના કારણે કચ્છ (Kutch) માં દર વર્ષે ઉનાળામાં પાણી માટે વિકટ પરિસ્થિતિ સર્જાય છે. તો સરહદી (India-Pak Border) જિલ્લા કચ્છમાં પાણી અને જમીનમાં ખારાશ (Salinity in the soil) વધારે જોવા મળે છે ઉપરાંત ભૂતકાળમાં ખોદાયેલા અનેક બોરવેલ હાલ બંધ પડયા છે. ત્યારે ભુજ (Bhuj)ની એક સામાજિક સંસ્થા દ્વારા બંધ પડેલા બોરવેલને રિચાર્જ(Borewell Recharge) કરવાનું કામ કરાઈ રહ્યું છે. તો તે ઉપરાંત આ સંસ્થા દ્વારા નાના નાના ડેમ બનાવી ભૂગર્ભ જળ (Ground water) ભેગું કરવાનું કામ પણ કરવામાં આવે છે.

    એરિડ કોમ્યુનિટીસ એન્ડ ટેકનોલોજી એનજીઓ (Arid Communities and Technologies (ACT) NGO) સંસ્થા ભૂગર્ભ જળના વ્યવસ્થાપન માટે કાર્ય કરે છે. આ સંસ્થા દ્વારા આજ સુધી કચ્છ જિલ્લામાં 230 સ્થળે તેમજ ભારતના 22 રાજ્યોમાં ભૂગર્ભજળ માટે કામ કરવામાં આવ્યું છે. આ સંસ્થા સમાજને ભૂગર્ભજળ સામે જવાબદાર બનાવવા તરફ કામ કરી રહી છે. ગામના લોકો, ખેડૂતો અને સંસ્થાઓના સહયોગથી જિલ્લામાં આવેલા બોરવેલને રિચાર્જ કરી તેમને ફરી પાણીદાર બનાવવામાં આવી રહ્યું છે. દરિયાનું પાણી અને સ્વચ્છ પાણી બંને ભેગા થઈ જતાં જમીન અને પાણીની ખારાશ વધી જાય છે ખાસ કરીને કચ્છમાં ખારાશ વધારે છે ત્યારે આ સંસ્થા દ્વારા ભૂગર્ભજળના સંદર્ભમાં આવી કેન્દ્ર સંકલિત આયોજન બનાવવા માટે ગામના લોકોને સમજાવીને અને એક મોડેલ બનાવીને અન્ય મોડેલ બનાવવા માટે પ્રોત્સાહિત કરવામાં આવે છે.

    એરિડ કોમ્યુનિટીસ એન્ડ ટેકનોલોજી સંસ્થાના ડાયરેકટર ડો. યોગેશ જાડેજાએ આ વિશે વાત કરતા જણાવ્યું હતું કે, ભૂગર્ભજળના સંદર્ભમાં કેન્દ્ર સંકલિત આયોજન બનાવવા માટે 3 તબક્કાની જરૂરિયાત છે. જેમાં પ્રથમ તબક્કામાં ગામ સ્તરીય ભૂગર્ભજળ વ્યવસ્થાપન સંસ્થાનો મુખ્ય કાર્યક્ષેત્ર ભૂગર્ભજળ રિચાર્જ અને ડિસ્ચાર્જ વિસ્તાર છે. કયા વિસ્તારમાં રિચાર્જ કરવું જોઈએ, કઈ પદ્ધતિથી રિચાર્જ કરવું જોઈએ, અને કયા વિસ્તારમાંથી પાણી મળી શકે છે તે અંગેની કામગીરી સંસ્થા દ્વારા કરવામાં આવે છે.ઉપરાંત જે વિસ્તાર કે ક્ષેત્ર પાણીના સંદર્ભમાં સ્વનિર્ભર બની શકે છે તે વિસ્તાર પર પૂરતું ધ્યાન આપી કામ કરવામાં આવે છે.

    આ પ્રક્રિયામાં પડતરને પણ ધ્યાનમાં લેવામાં આવતું હોય છે જેથી કરીને ખેડૂતોને પણ કોઈ આર્થિક બોજ ન આવે.આ રિચાર્જ બોરવેલ બનાવવા માટે 10થી15 હજાર જેટલો ખર્ચ થતો હોય છે.આ બોરવેલમાં એક વખત વરસાદ થાય એટલે અંદાજિત 20,000 ક્યુબિક મીટર પાણી એકઠું થાય છે. જો 3 વખત વરસાદ પડે તો 60,000 કયુબિક મીટર પાણી એકઠું થઇ શકે છે અને 10થી 15 ફૂટ ઊંડાણવાળા બોરવેલમાં જમાં થઈ શકે છે.જે કોઈ પણ ચેકડેમ કરતા સરળ રીતે એકઠું થાય છે અને ઓછા ખર્ચે મળી રહે છે.

    ગામ સ્તરીય ભૂગર્ભજળ વ્યવસ્થાપન સંસ્થા માટે બે પરિબળો મહત્વના છે: માહિતી સાથે જ્ઞાન અને કુશળતા. ભૂગર્ભજળ વ્યવસ્થાપન માટે જે તે વિસ્તારની સંપૂર્ણ માહિતી હોવી જરૂરી છે આ માહિતીનો અભ્યાસ કરીને જ તે વિસ્તાર માટે પીવાના, ઘરવપરાશના અને ઉદ્યોગો માટે પાણીની વ્યવસ્થા કરી શકાય છે. આ વ્યવસ્થા કરવા માટે જ્ઞાનનો ઉપયોગ કરવામાં આવે છે.

    વધુ માહિતી માટે એરિડ કોમ્યુનિટીસ એન્ડ ટેકનોલોજી સંસ્થાનું સરનામું અને સંપર્ક નીચે મુજબ છે:

    સરનામું: A-52, Changleshwr Society, Opp. Ranjanwadi, Pramukhswami Nagar, Mundra Road Relocation Site, Bhuj-Kutch, Gujarat. Pincode: 370 001.

    વેબસાઇટ:https://act-india.org/

    ટેલિફોન:02832 231831

    ઈમેલ:act.pgwm@gmail.com છે જેનો સંપર્ક કરવા વિનંતી છે.
    First published:

    Tags: Kutch news, કચ્છ, કચ્છ સમાચાર

    विज्ञापन

    विज्ञापन

    આગામી સમાચાર

    विज्ञापन
    विज्ञापन