Home /News /gujarat /

મોરબી: રવિવારની સાંજે મસ્તી કરવા ભેગા થયા હતા યુવાનો, મશ્કરીએ ઉગ્ર સ્વરૂપ લેતા મિત્રએ કરી મિત્રની હત્યા

મોરબી: રવિવારની સાંજે મસ્તી કરવા ભેગા થયા હતા યુવાનો, મશ્કરીએ ઉગ્ર સ્વરૂપ લેતા મિત્રએ કરી મિત્રની હત્યા

પાનના ગલ્લે મસ્તી ઉગ્ર બોલાચાલીમાં ફેરવાઇ અને જોતજોતામાં મિત્રના હાથે મિત્રની હત્યા થઇ ગઇ.

પાનના ગલ્લે મસ્તી ઉગ્ર બોલાચાલીમાં ફેરવાઇ અને જોતજોતામાં મિત્રના હાથે મિત્રની હત્યા થઇ ગઇ.

    મોરબીના (Morbi) હળવદના GIDC વિસ્તારમાં ગઇકાલે રવિવારે મિત્રના (friends) હાથે જ મિત્રની હત્યા (murder) થઇ હોવોની ઘટના સામે આવી છે. હાલ મૃતક યુવાન અવેશ જંગિયાના મૃતદેહને પોસ્ટમોર્ટમ માટે મોરબી સિવિલ હૉસ્પિટલમાં  (Morbi Civil Hospital) ખસેડવામાં આવ્યો છે.  આશાસ્પદ અને કમાનાર યુવાનની હત્યા થતા પરિવારમાં શોકનો માહોલ છવાયો છે. આ અંગે પોલીસે ગુનો નોંધીને વધુ કાર્યવાહી હાથ ધરી છે.

    આ અંગે મૃતકના ભાઈ હારૂન કાસમભાઈ જંગિયાએ સ્થાનિક પોલીસ મથકમાં ફરિયાદ નોંધાવી છે. જેમાં તેમણે જણાવ્યુ છે કે, આરીફ મહેબૂબ જામ, હૈદર મોવર, ગફુર ઈસા કાજેડીયા, કાસમ ઈસા કાજેડીયા, અબ્દુલ ઈસા કાજેડીયા વિરુદ્ધ હત્યાનો ગુનો નોંધાવ્યો હતો. આરોપી આરીફ જામે મશ્કરી કરી ઝઘડો કર્યો હતો જેથી તેને સમજાવવા મૃતક અવેશ ગયો હતો. આ સમયે પાંચેય આરોપીઓએ અવેશ સાથે માથાકૂટ કરી અને ધોકો માથામાં મારી પીઠના ભાગે છરી મારી હતી. પોલીસે પાંચેય ઈસમો વિરુદ્ધ હત્યાની કલમ 302 હેઠળ ગુનો નોંધી આરોપીઓને પકડવા તજવીજ હાથ ધરી છે.

    મોડી સાંજે મિત્રો મળ્યા હતા

    મોરબીના હળવદ ખાતે રવિવારે મોડી સાંજે યુવાનની હત્યાનો બનાવ સામે આવ્યો છે. જેમાં હળવદ જીઆઈડીસી નજીક  આવેલી પાનની દુકાને મોડી સાંજે  મૃતક યુવાન અવેશ જંગિયા, આરીફ જામ, હૈદર મોવર, કાસમ ઈસા કાજડિયા, અબ્દુલ ઇસા કાજડિયા, ગફુર ઇસા કાજડિયા સહિતના મિત્રો ભેગા થઇને મસ્તી કરતા હતા.



    આ મસ્તીએ થોડીવારમાં તો ઉગ્ર સ્વરૂપ ધારણ કરી લેતા હાજર પાંચ ઈસમોએ પ્રથમ બોલાચાલી કરી હતી. જે બાદ અવેશ કાસમભાઇ જંગિયા (મીયાણા) ઉ.20 નામના યુવાનને માથાનાં ભાગે ધોકો અને છરી મારી દીધી હતી.

    અમદાવાદ: સિગારેટ ફૂંકતા 12 વર્ષના દીકરાને પિતાએ આપ્યો ઠપકો, પછી તેણે કર્યું એવું કે પરિવારને આવ્યો પસ્તાવાનો વારો

    યુવાનનું સારવાર મળે તે પહેલા જ થયું મોત

    જે બાદ ઇજાગ્રસ્ત યુવાનને પ્રથમ હળવદ અને બાદમાં મોરબી સિવિલ હૉસ્પિટલમાં ખસેડવામાં આવ્યો હતો. જોકે, યુવાનને સારવાર મળે તે પહેલા જ યુવકનું મોત નિપજતાં બનાવ હત્યામાં પલટયો હતો. બાદમાં મૃતદેહને મોરબી સિવિલ હૉસ્પિટલમાં ખસેડવામાં આવ્યો હતો આ બનાવ અંગે હળવદ પોલીસે મોરબી સિવિલ હૉસ્પિટલ ખાતે આવી તપાસ શરૂ કરી છે.

    બીજા લગ્ન કરવા 60 વર્ષના વૃદ્ધ ચડી ગયા હાઇવોલ્ટેજ વીજળીનાં થાંભલા પર, પછી આવ્યો જોરદાર ટ્વિસ્ટ

    તો બીજી બાજુ પરિવારજનોના જણાવ્યા અનુસાર, યુવાન મજૂરી કામ કરતો હતો. આ આશાસ્પદ યુવાનનું અકાળે મોત નિપજતા સામાન્ય પરિવાર પર પણ ભારે વિપદા આવી પડી છે.



    હાલ આ મામલે હળવદ પીઆઈ દેકાવડીયાની ટીમે ગુનો નોંધવા અને હત્યામાં વપરાયેલ શસ્ત્રો કબ્જે કરવા તજવીજ હાથ ધરી આગળની કાર્યવાહી હળવદ પોલીસે હાથ ધરી છે.
    Published by:Kaushal Pancholi
    First published:

    Tags: Family, Friends, Morbi, ગુજરાત, ગુનો, હત્યા

    આગામી સમાચાર