હળવદ: મંગેતરે અનેકવાર શરીરસંબંધ બાંધ્યા બાદ સગાઇ તોડવાની આપી ધમકી, યુવતીનો આપઘાત

હળવદના ચરડવા ગામમાં સગાઈ તૂટી જવાના ડરે યુવતીએ ગળેફાંસો ખાઇ લેતા ચકચાર મચી ગઇ હતી. મૃતક યુવતીના પિતાની ફરિયાદ અને સ્યુસાઇડ નોટના આધારે પોલીસે ચાર લોકો વિરુદ્ધ યુવતીને મજબૂર કરવાનો ગુનો નંધ્યો છે. પોલીસે યુવતીના મંગેતર, સાસુ, સસરા સહિત કુલ ચાર લોકો સામે ગુનો નોંધ્યો છે. આ અંગે પોલીસ દ્વારા કાર્યવાહી હાથ ધરવામાં આવી છે.

યુવતીના પિતાએ નોંધાવેલી ફરિયાદ પ્રમાણે, મનસુખભાઈ નરસિંહભાઈ દલવાડીની દીકરી અંકિતાની સગાઈ કલ્પેશ રવજીભાઈ કણજારીયા નામના રણજીતગઢ ગામના યુવાન સાથે થઇ હતી. ત્યારબાદ કલ્પેશ રવજીભાઈને તેના પિતા રવજીભાઈ મનજીભાઈ કણજારીયા અને માતા કંચનબેન રવજીભાઈ તેમજ વેગડવાવ ગામે રહેતા મુકેશ ગોરધનભાઈએ સગાઈ તોડી નાખવા માટે કહ્યું હતું. દરમ્યાન અંકિતાની જેની સાથે સગાઈ કરવામાં આવી હતી તે કલ્પેશે અંકિતાને લગ્ન કરવાનું કહીને અવાર નવાર શરીર સંબંધ બાંધ્યા હતા. એટલે યુવતીની સગાઈ તૂટી જાય તો સમાજમાં બદનામી થશે. તેવા ભયના કારણે યુવતીએ પોતાના ઘરની અંદર ગળાફાંસો ખાઈને આપઘાત કર્યો હતો.

અમદાવાદ: સિગારેટ ફૂંકતા 12 વર્ષના દીકરાને પિતાએ આપ્યો ઠપકો, પછી તેણે કર્યું એવું કે પરિવારને આવ્યો પસ્તાવાનો વારો

યુવતીએ સ્યૂસાઇટ નોટ પણ લખેલી છે, જેને પોલીસે કબ્જે લીધી છે અને મૃતક યુવતીના પિતાએ હાલમાં હળવદ પોલીસ સ્ટેશનમાં તેની દીકરીને મરવા માટે મજબૂર કરવા માટે યુવક, તેના સાસુ, સસરા સહિત ચાર સામે ફરિયાદ નોંધાવતાં હળવદ પોલીસ દ્વારા આરોપીઓને ઝડપી પાડવા ચક્રો ગતિમાન કર્યા છે.

મોરબી: રવિવારની સાંજે મસ્તી કરવા ભેગા થયા હતા યુવાનો, મશ્કરીએ ઉગ્ર સ્વરૂપ લેતા મિત્રએ કરી મિત્રની હત્યા

મોરબીમાં થોડા દિવસ પહેલા પણ આવી અન્ય ઘટના સામે આવી હતી. જેમા સીટી બી ડિવિઝન પોલીસ મથકે ભોગ બનનાર સગીરાના પિતાએ ફરિયાદ નોંધાવી હતી. જેમાં જણાવાયું હતું કે, આરોપી વિજય તેજા અગેચણિયાએ સગીરાને એકટીવા શીખડાવવનું કહીને માળિયા મિયાણા ખાતે લઈ ગયો હતો અને ડાડો મિયાણાના ઘરે લઇ જઈ સગીરા સાથે દુષ્કર્મ આચર્યું હતું.

મોડી રાત્રે સગીરાને સારવાર અર્થે પ્રથમ મોરબી સિવિલ બાદમાં રાજકોટ ખસેડવા અને મેડિકલ રિપોર્ટ મેળવવા મોડી રાત્રીના જ કવાયત હાથ ધરાઈ હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Morbi, અપશબ્દ, આત્મહત્યા, ગુજરાત, છોકરી