પગભર થવાના સપના સાથે જામનગરના કિશોરો મુંબઇ ભાગ્યા, છેલ્લા કોલના કારણે પરિવાર સાથે થયુ સુખદ મિલન

કિંજલ કારસરીયા, જામનગર : જામનગરમાં (Jamnagar) સમગ્ર વાલીઓ અને કુમળી વયના બાળકો માટે ચેતવણીરૂપ કિસ્સો સામે આવ્યો છે. સોળ-સત્તર વર્ષની વયના બે મિત્રો (teenager friends escaped from home) રાતોરાત કમાઇ અને પગભર થવાની લાલસા ધરાવી ઘરેથી કોઇને પણ કહ્યા વગર નીકળી ગયા હતા. પોતાના પિતાને પોતે કમાવા જાય છે તે અંગેની જાણ કરતો વીડિયો whatsapp પર મોકલતા જ પરિવાર ચિંતાતુર થયો હતો. અંતે આ સમગ્ર મામલો પોલીસ સ્ટેશને પહોંચ્યો હતો.  ત્યાં News18ગુજરાતીની ટીમ પણ પહોંચી હતી. આ બન્ને કિશોરોને શોદવામાં પોલીસની મદદ કરી હતી. 12 કલાકની જહેમત બાદ બંને કિશોરોનું પરિવાર સાથે ફરીથી મિલન કરાવ્યું હતુ

છેલ્લા કોલે ખોલ્યો રાઝ

સોમવારે સવારે 7.15 કલાકે News18ની ટીમ અને કિશોરોના વાલી બન્ને બાળકોને પરત લાવવામાં સફળ થયા હતા. ત્યાર બાદ સમગ્ર મામલે News18 સંવાદદાતા કિંજલ કારસરીયાએ ઊંડાણ પૂર્વકના રસ સાથે મોબાઇલ નંબરના આધારે અંતિમ કોલ જ્યાં કર્યા છે ત્યાં તપાસ કરતા સામે આવ્યું હતું કે, બંને કિશોરો જામનગરથી ઇગલ ટ્રાવેલ્સમાં મુંબઈ જવા માટે નીકળ્યા હતા.



બસ રોકાવીને કિશોરોને સમજાવ્યા

તાત્કાલિક સીટી બી ડિવિઝન પોલીસ સ્ટેશનને લોકેશન શોધી આપી લીંબડીથી આગળ પાણશીણા પોલીસને જાણ કરતાં રસ્તામાં જ ટ્રાવેલ્સની બસ રોકાવી તેમાંથી બંને બાળકોને પોલીસ સ્ટેશન લઈ ગયા હતા અને આ પૂર્વે જામનગરથી સતત સંપર્કમાં રહી News18 સંવાદદાતા કિંજલ કારસરીયા અને બન્નેના વાલી-વારસ સાથે સુરેન્દ્રનગર જીલ્લાનાં પાણશીણા ખાતે પોલીસ મથકે પહોંચ્યા હતા અને બાળકોને સમજાવી પરત લાવ્યા હતા.

કિશોરો સાથે મિલનથી પરિવાર ખુશખુશાલ

મોડી રાતે સવારના સવા સાત વાગ્યા સુધી સમગ્ર ઓપરેશન પાર પાડી પરિવાર સાથે બાળકોનું મિલન થતા પરિવારજનો પણ ખુશખુશાલ છે અને પરિવારજનો સાથે બાળકોએ પણ આવી ભૂલ અન્ય બાળકોને ન કરવા અપીલ કરી હતી.

જામનગરઃ ગુમ થયેલા બે કિશોર મળી આવ્યા, કિશોરને શોધવામાં ન્યૂઝ18 ગુજરાતીની ટીમ જોડાઈ હતી pic.twitter.com/FPaKWeWYqf

— News18Gujarati (@News18Guj) October 19, 2021

કિશોરોના ઘરેથી ગૂમ થયાથી ઘરે પરત આવ્યા સુધીનો આખો ઘટનાક્રમ

• 9.30 ઘરેથી નિકળ્યા


• રામેશ્વર પાછળ મામા ના મંદિરે 10.30 વાગ્યે દર્શન કરી વિડીયો બનાવ્યો


• 11.10 St પહોંચ્યા


• STથી ગુરુદ્વાર ચોકડી રિક્ષામાં ગયા


• 1.30 વાગ્યે વીડિયો વોટ્સએપ કર્યો


• 1.45 વિક્ટોરિયા પુલથી ઇગલ સિટીગમાં બેઠા


• 4 વાગ્યે રાજકોટ મોબાઇલમાંથી સિમ કાર્ડ કાઢીને ફેંકી દીધુ તે બાદ સ્લીપરમાં બેઠા


• 7 વાગ્યે News18ના ધ્યાને સમગ્ર મામલો આવ્યો


• News18 સંવાદદાતા કિંજલ કારસરીયા પહોંચ્યા સીટી બી ડિવિઝન પોલીસ મથકે


• પરિવારજનો પાસેથી મોબાઈલ નંબર મેળવી લાસ્ટ કોલ જાણી તેમનું લોકેશન


• News18 સંવાદદાતાએ વાલીઓને આપ્યું


• લીમડી 7.16 હોનેસ્ટ હોટલ પહોંચ્યા


• પાણશીણા 7.50 પોલીસે ડિટેઇન કર્યા


• 8.15 જામનગરથી બંને બાળકોના વાલીઓ સાથે News18ની ટિમ પહોંચી જામનગરથી પાણસીણા


• રાત્રે 1 વાગ્યે બન્નેના પિતા સાથે પોલીસ સ્ટેશનમાં થઈ મુલાકાત


• રાત્રે 2.15 કલાકે પાણશીણા પોલીસ થી બંનેને હેમખેમ જામનગર પરત રવાના થયા


• સવારે સાત વાગ્યે જામનગર પહોંચ્યા

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Missing, ગુજરાત, જામનગર