CCTV Video ભાવનગર : રખડતા ઢોરનો ત્રાસ વીડિયો જોઇ તમે પણ શ્વાસ ચૂકી જશો

ભાવનગર: રાજ્યમાં અનેકવાર રખડતા ઢોરના કારણે કેટલાયના જીવ ગયા છે તો કેટલાય લોકો ઇજાગ્રસ્ત બન્યા છે. ત્યારે ભાવનગરમાં (Bhavnagar CCTV) ફરીથી રખડતા ઢોરનો આતંક સામે આવ્યો છે. જે સીસીટીવીમાં કેદ થયો છે. હાલ ઢોરના મારથી ઇજાગ્રસ્ત વ્યક્તિ સારવાર હેઢળ છે. હાલ આ આતંકને કારણે ભાવનગરના લોકોમાં ડરનો માહોલ છવાયો છે.

ઢોર વ્યક્તિની રાહ જોતો હોય તેમ લાગે છે

આ સીસીટીવીમાં તમે એકદમ સ્પષ્ટ જોઇ શકો છો કે, રખડતા ઢોર કઇ હદ સુધી આતંક મચાવી શકે છે. આ સીસીટીવીમાં જોઇ શકાય છે કે, ઢોર વ્યક્તિને શિંગડામાં ભેરવીને ઢસડી રહ્યો છે. આ વીડિયોમાં જોઇ શકાય છે કે આ આતંક ચોથી ડિસેમ્બરનો છે. સવારના સવા અગિયારની આસપાસ એક રસ્તા પર ઢોર ઉભું છે. પહેલા તો તે એકદમ શાંત દેખાય છે. ત્યાંથી આવતા જતા વાહનોને તે નુકસાન પહોંચાડતું નથી.

આ પણ વાંચો - થરાદ: પેટ્રોલપંપ પર મધરાત્રે રિવોલ્વરની અણીએ 5.70 લાખની લૂંટ, જુઓ CCTV ફૂટેજ

પરંતુ આ દરમિયાન એક ઘરમાંથી વ્યક્તિ બહાર પોતાનું વાહન લેવા જાય છે ત્યારે જ આ ઢોર તેને શિંગડામાં નાંખીને ચગદી જાય છે. આ આતંક થોડી જ સેકન્ડોનો છે પરંતુ આમાં વ્યક્તિની હાલત બિસ્માર થઇ જાય છે. જે બાદ તે વ્યક્તિને બચાવવા માટે અન્ય લોકો આવે છે પરંતુ ઢોર આ લોકોને પણ અડફેટે લેવાનો પ્રયત્ન કરતા તે બધા ત્યાંથી જતા રહે છે. જે બાદ અંતમાં એક બે લોકો લાકડી લઇને ઢોરને મારવા જાય છે તે જોઇને ઢોર ત્યાંથી ભાગી જાય છે.

આ પણ વાંચો - ગુજરાતના તમામ મહત્ત્વના સમાચાર વાંચવા અહીં ક્લિક કરો.

વ્યક્તિ ઇજાગ્રસ્ત

હાલ આ વ્યક્તિ ઇજાગ્રસ્ત છે અને સારવાર માટે હોસ્પિટલમાં દાખલ કરવામાં આવ્યો છે. આ વીડિયો હાલ સ્થાનિક લોકોમાં ચર્ચાનું કેન્દ્ર બન્યું છે.

ભાવનગરમાં રખડતા ઢોરનો ત્રાસ
રખડતા ઢોરે એક વ્યક્તિને અડફેટે લીધો, સમગ્ર ઘટના CCTV માં કેદ થઈ, ઢોરના મારથી ઘાયલ વ્યક્તિ હાલ સારવાર હેઠળ pic.twitter.com/JxPGLNeKWK

— News18Gujarati (@News18Guj) December 6, 2021

જામનગરમાં પણ ઢોરનો આતંક આવ્યો હતો સામે

જામનગરમાં પણ થોડા સમય પહેલા આવો એક કિસ્સો સામે આવ્યો હતો જેમાં એક યુવાન ઇજાગ્રસ્ત થયો હતો. જામનગર શહેરની ભાગોળે આવેલા હાપા (Hapa) આ વિસ્તારની સોસાયટીમાં ગરમીના બફારામાં સોસાયટીમાં હવા ખાવા નીકળેલા સ્થાનિક લોકો વચ્ચે બેસેલા ટુ વ્હીલર પર બેસેલા એક યુવાનને ઢોરે ઢીંક મારી હતી. આ સમગ્ર ઘટના સીસીટીવીમાં કેદ થઈ હતી. જામનગરના હાપા વિસ્તારની સોસાયટીમાં રખડતાં ઢોરની ઢીકે અડફેટે ચડેલા કરણ સુખલાલભાઈ પરમાર નામના યુવાનને હાથના ભાગે ગંભીર ઇજા થઇ હતી અને તેને સારવાર માટે ખસેડ્યો પડ્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગુજરાત, ભાવનગર, વાયરલ વીડિયો, સીસીટીવી