અમરેલી-સાવરકુંડલામાં ભારે વરસાદ, નદીના ઘોડાપૂરમાં મહિલા તણાઇ

News18 Gujarati
Updated: June 25, 2019, 6:33 PM IST
અમરેલી-સાવરકુંડલામાં ભારે વરસાદ, નદીના ઘોડાપૂરમાં મહિલા તણાઇ
પ્રથમ વરસાદે જ ભારે તરાજી સર્જી છે. અમરેલીના વાશીયાળીની સ્થાનિક નદીમાં પૂર આવ્યું હતું. આ નદીમાં એક બળદગાડુ તણાયું.

પ્રથમ વરસાદે જ ભારે તરાજી સર્જી છે. અમરેલીના વાશીયાળીની સ્થાનિક નદીમાં પૂર આવ્યું હતું. આ નદીમાં એક બળદગાડુ તણાયું.

  • Share this:
રાજેશ ગઢિયા, અમરેલીઃ રાજ્યમાં વિવિવત રીતે ચોમાસાનું આગમન થઇ ગયું છે. છેલ્લા બે દિવસથી રાજ્યમાં સર્વત્ર વરસાદ પડી રહ્યો છે. તો અમરેલીમાં મંગળવારે ધોધમાર વરસાદ ખાબક્યો હતો. અમરેલી-સાવરકુંડલાના વાશીયાળીમાં ભારે વરસાદને કારણે નદીઓમાં પૂરની સ્થિતિ સર્જાઇ હતી. જેમાં એક મહિલા તણાઇ હોવાનું સામે આવ્યું છે. મહિલાની શોધખોળ ચાલી રહી છે.

પ્રાપ્ત વિગત પ્રમાણે અમરેલી-સાવરકુંડલામાં સત્તાવાર રીતે મોસમનો પ્રથમ વરસાદ પડ્યો હતો. વહેલી સવારથી ચાલુ થયેલા વરસાદને કારણે નદી-નાળા છલકાયા હતા. તો ખેતરોમાં પાણી ભરાતા ખેડૂતો ખુશ થઇ ગયા છે. વાવણીલાયક વરસાદ થતા ખેડૂતોમાં ખુશી જોવા મળી હતી.

અહીં ક્લિક કરી વાંચોઃ સુરતમાં મોટી દુર્ઘટના ટળી, મહિના પહેલા જ 22 માસૂમની થઇ હતી 'હત્યા'!

તો પ્રથમ વરસાદે જ ભારે તરાજી સર્જી છે. અમરેલીના વાશીયાળીની સ્થાનિક નદીમાં પૂર આવ્યું હતું. આ નદીમાં એક બળદગાડુ તણાયું હોવાનું સામે આવ્યું છે. બળદ ગાડામાં એક દંપત્તિ સવાર હતું જેમાંથી 30 વર્ષિય શોભના ભાવેશ ઠુમ્મર નામની મહિલા તણાઇ છે. બળદગાડા સાથે તણાયેલી મહિલાને શોધવાની કામગીરી હાથ ધરવામાં આવી છે. તો મામલતદાર, ટીડીઓ તથા પોલીસ સ્ટાફ ઘટના સ્થળે દોડી આવ્યો છે.
First published: June 25, 2019, 5:31 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading