બાપે કેરોસીન છાંટી લીધુ, માં ભાગી ગઈ, ખજૂરભાઈએ જુઓ કેવી રીતે 5 અનાથ બાળકોની જિંદગી બદલી

ગુજરાતમાં ખજૂરભાઈ ખુબ જ લોકપ્રિય છે. ગુજરાતમાં જરૂરિયાતમંદ લોકોની સેવા કરતાં અને યૂટ્યુબ પર તેઓ ફેમસ ચહેરો છે. ખજૂરભાઈએ તેઓના ફેંસને ફરીથી આવા જ એક સારા સમાચાર આપ્યા છે. લોકો તેમને ગુજરાતના 'સોનુ સુદ' કહેવા લાગ્યા છે ત્યારે ગુજરાતના આ સોનુ સુદે ફરી એકવાર સંવેદનશીલતાનો દાખલો આપ્યો છે. ખજૂરભાઈ તરીકે ઓળખાતા નિતિન જાનીએ હજારો લોકોના દિલ જીતી લીધા છે.

ખજૂરભાઈએ સોશ્યલ મીડિયામાં એક વિડીયો શેર કર્યો હતો. આ વિડીયો જોઈને કોઈપણ વ્યક્તિ રડી પડે. કારણ કે આ વિડીયોમાં પાંચ પાંચ અનાથ બાળકો દેખાય છે. જેના પિતા કેરોસીન છાંટીને આત્મહત્યા કરીને ગુજરી ગયા હતા. તો માતા છોડીને ભાગી ગઈ હતી. આ બાળકો તેઓના 75 વર્ષીય દાદા સાથે રહે છે.

" isDesktop="true" id="1364275" >

એકદમ ખખડધજ અવસ્થામાં ઘર. કમાવા જઇ શકે એવું ઘરમાં એક પણ વ્યક્તિ નહીં. આ દ્રશ્યો હ્રદયને હચમચાવી નાખે એવા છે. ગુજરાતમાં સેંકડો પરિવારોની મદદ કરીને ગુજરાતનાં સોનું સુદ તરીકે ઓળખાવા લાગેલા ખજૂર ભાઈ આ પરિવારના મદદગાર બન્યા હતા. આ પરિવારના 7 લોકોને ખજૂર ભાઈએ સરસ મજાનું ઘર બનાવી આપ્યું હતુ.

આ પણ વાંચો: ખજૂરભાઈનાં સાળી બન્યા કિંજલ દવે, પરિવાર સાથે ઘરે પહોંચ્યા, વૃદ્ધાશ્રમ જઇને એવુ કામ કર્યું કે દિલ જીતી લીધા

આ પરીવાર મહેસાણાના ડાભલા ગામમાં રહે છે. ખજૂર ભાઈ આ પરિવાર માટે દેવદૂત બનીને આવ્યા હતા. ઘરની મોટી દીકરી લક્ષ્મી જે વિડીયોમાં પરિવાર માટે રોટલી અને ભોજન બનાવતી દેખાય છે તેને ખજૂરભાઈ અને ટીમે એક સરસ કિચન બનાવી આપ્યું હતું. આ પરિવારના 7 લોકોની જિંદગી આ પાંચ દિવસમાં જ બદલાઈ ગઈ હતી. હવે તેઓની પાસે સરસ મજાનું ઘર છે, ઘરમાં બારી બારણાં, કિચન અને બીજી સરસ સુવિધાઓ પણ છે. ખજૂરભાઈએ આ વિડીયો સોશ્યલ મીડિયામાં શેર કર્યો છે જેને ઘણા લોકોએ વખાણ્યો છે. ફરી એક વાર ખજૂરભાઈ તરીકે ઓળખાતા નિતિન જાનીએ હજારો લોકોના દિલ જીતી લીધા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Khajur, Mehsana news, Nitin Jani