Indian Railway Luggage Policy: શું ભારતીય રેલવેએ લગેજ પોલિસીમાં કર્યો બદલાવ? જાણો વાયરલ ન્યૂઝ પાછળનું સત્ય

મુસાફરો માટે સારા સમાચાર છે, કારણ કે ભારતીય રેલ્વે (Indian Railway) એ સ્પષ્ટ કર્યું છે કે તેમની લગેજ નીતિમાં કોઈ ફેરફાર કરવામાં આવ્યો (no change in their luggage policy) નથી. રેલ્વે મંત્રાલયે (Railway Ministry) ટ્વિટ કરીને જણાવ્યું કે,"કેટલાક સોશિયલ મીડિયા/ ડિજિટલ ન્યૂઝ પ્લેટફોર્મ પર સમાચારો ફેલાવામાં (Indian Railway Luggage Policy Viral News) આવી રહ્યા છે કે જે તાજેતરમાં રેલવેની લગેજ પોલિસીમાં ફેરફાર કરવામાં આવ્યો છે. પરંતુ આ માહિતી ખોટી (Fake News) છે. તેથી સ્પષ્ટ કરવામાં આવે છે કે તાજેતરના ભૂતકાળમાં કોઈ ફેરફાર કરવામાં આવ્યો નથી અને હાલની સામાન નીતિ 10 વર્ષથી વધુ સમયથી લાગુ કરવામાં આવી છે." તાજેતરમાં એવા અહેવાલો આવ્યા છે કે રેલ્વે વધારાના સામાન માટે ચાર્જ લેવાની યોજના બનાવી રહ્યું છે.

ભારતીય રેલવેના નિયમ મુજબ મુસાફરો જે ક્લાસમાં મુસાફરી કરી રહ્યા છે, તેના આધારે પોતાની સાથે ટ્રેનના ડબ્બામાં 40 કિલોથી લઈને 70 કિલો સુધીનો ભારે સામાન લઈ જઈ શકે છે. તાજેતરના અહેવાલોમાં દાવો કરવામાં આવ્યો હતો કે જો વધારાનો સામાન હોય તો પેસેન્જરને વધારાનો ચાર્જ ચૂકવવો પડી શકે છે.

આ પણ વાંચો: Fitness: તમારા સ્નાયુઓ પર કેવી અસર કરે છે હાઇ-ઇન્ટેન્સિટી વર્કઆઉટ? નવા સંશોધનમાં થયો ખુલાસો

આ મૂંઝવણ રેલવે મંત્રાલયના 29 મેના ટ્વીટ પછી શરૂ થઈ હતી, જેમાં મંત્રાલયે કહ્યું હતું કે,"વધુ પડતો સામાન તમારી ટ્રેનની સવારીનો આનંદ ઓછો કરી દે છે. ટ્રેનમાં મુસાફરી કરતી વખતે વધારાનો સામાન ન રાખવો. જો તમારી પાસે વધારે સામાન હોય, તો પાર્સલ ઓફિસ પર જાઓ અને સામાન બુક કરાવો."

રાષ્ટ્રીય પરિવહનકારે સ્પષ્ટતા કરી નથી કે "તાજેતરના ભૂતકાળમાં કોઈ ફેરફાર કરવામાં આવ્યો નથી અને હાલની સામાન નીતિ 10 વર્ષથી વધુ સમયથી લાગુ કરવામાં આવેલી છે."

ક્યા કોચમાં કેટલો વજન લઇ જઇ શકાય? (Indian Railway Luggage Rule)

રેલવેએ કોચ પ્રમાણે વજન નક્કી કર્યું છે. સ્લીપર ક્લાસમાં પેસેન્જર્સ 40 કિલો સુધીનું વજન લઇ જઇ શકે છે. એસી કોચમાં મહત્તમ મર્યાદા 50 કિલોગ્રામ છે. ફર્સ્ટ ક્લાસ ACમાં વધુમાં વધુ સામાન ઉતારનારા પોતાની સાથે કોચમાં 70 કિલો સુધી લઈ જઈ શકે છે. ટ્રેનમાં કોઈ પણ જ્વલનશીલ અને દુર્ગંધયુક્ત પદાર્થો સહિતની ખતરનાક વસ્તુઓ લઈ જવા પર પ્રતિબંધ છે.

આ પણ વાંચો: Maharashtra Corona Update: મહારાષ્ટ્રમાં એક દિવસમાં કોરોનાના કેસમાં થયો 80 ટકાનો વધારો

સ્ટવ, ગેસ સિલિન્ડર, કોઈ પણ જ્વલનશીલ કેમિકલ, ફટાકડા, એસિડ, દુર્ગંધયુક્ત વસ્તુઓ, ચામડા, તેલ, ગ્રીસ અને ઘી જેવી વસ્તુઓ, જે તૂટીને અથવા ટપકવાથી વસ્તુઓ અથવા મુસાફરોને નુકસાન પહોંચાડે છે, તેના પર પ્રતિબંધ છે. રેલ યાત્રા દરમિયાન પ્રતિબંધિત વસ્તુઓ સાથે રાખવી ગુનો છે. જો કોઈ ઉપર જણાવેલ પ્રતિબંધિત વસ્તુઓમાંથી કોઈ પણ વસ્તુ લઈ જતા જોવા મળે તો રેલવે અધિનિયમની કલમ 164 હેઠળ તે મુસાફર સામે કાર્યવાહી કરી શકે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Lifestyle