Home /News /gujarat /

જુઓ Video: આ રીતે થાય છે કોરોના વાયરસનો Test, ગુજરાતમાં શરૂ કરાઈ લેબ

જુઓ Video: આ રીતે થાય છે કોરોના વાયરસનો Test, ગુજરાતમાં શરૂ કરાઈ લેબ

કોરોના વાઈરસના ટેસ્ટિંગનો લેબમાંથી લાઈવ વીડિયો બનાવવામાં આવ્યો છે. દરેક વખતે લેબમાં કામ કરી રહેલા 10 લોકો કોરોના વાઇરસથી સીધા સંક્રમિત થવાના સતત જોખમ હેઠળ જીવી રહ્યા છે

કોરોના વાઈરસના ટેસ્ટિંગનો લેબમાંથી લાઈવ વીડિયો બનાવવામાં આવ્યો છે. દરેક વખતે લેબમાં કામ કરી રહેલા 10 લોકો કોરોના વાઇરસથી સીધા સંક્રમિત થવાના સતત જોખમ હેઠળ જીવી રહ્યા છે

હાલ દુનિયાના મોટા ભાગના દેશોમાં કોરોના નો કહેર જોવા મળી રહ્યો છે જેમાંથી ભારત પણ બાકાત નથી. કોરોના ના લક્ષણ દેખાતા વ્યક્તિઓનો ખાસ રિપોર્ટ કરવામા આવે છે. ખાસ લેબમા દર્દીને સેમ્પલ લેવાનું કામ કરવામાં આવતું હોય છે. રાજકોટમાં જે 10 કેસ પોઝિટિવ નોંધાયા છે. જોકે અત્યાર સુધી સેમ્પલ જામનગર મોકલવામાં આવતા હતા પરંતુ હવે રાજકોટમાં જ સેમ્પલ ટેસ્ટ કરવાની લેબ શરૂ કરવામાં આવી છે. રાજકોટની પીડિયું મેડિકલ કોલેજ ખાતેની લેબમાં જે ડોકટર અને સ્ટાફ કોરોના નું સેમ્પલ લઈ રહ્યા છે તે પ્રક્રિયા શુ હોઈ છે અને લેબનો સ્ટાફ કઈ રીતે જીવના જોખમ વચ્ચે કામ કરે છે તે જાણીશું.

રાજકોટમાં કોરોનાના ટેસ્ટ માટે પીડીયુ મેડિકલ કોલેજની માઈક્રોબાયોલોજી લેબમાં ઊભી કરાયેલી સુવિધા ખૂબ આધુનિક છે. આ લેબના ડીન ડો. ગૌરવી ધ્રુવ તથા તેમની ટીમ દ્વારા સંપૂર્ણ પ્રક્રિયા કરવામાં આવે છે.

કોરોના વાઈરસના ટેસ્ટિંગનો લેબમાંથી લાઈવ વીડિયો બનાવવામાં આવ્યો છે. દરેક વખતે લેબમાં કામ કરી રહેલા 10 લોકો કોરોના વાઇરસથી સીધા સંક્રમિત થવાના સતત જોખમ હેઠળ જીવી રહ્યા છે. જેમાં 3 ટેક્નિશિયન, 3 રેસિડેન્ટ, 3 પ્રોફેસર તેમજ પ્યૂનનો સમાવેશ થાય છે.



પ્રથમ તબક્કા માં કોઈ પણ શંકાસ્પદ પેશન્ટના ગળાના ભાગેથી સ્વોબ એટલે કે સિક્રિશન્સ લેવામાં આવે છે. આ સેમ્બલને બાયોસેફ્ટી કેબિનેટની અંદર પ્રોસેસ કરાય છે. સેમ્પલના 3 મિલિ જથ્થામાંથી 200 માઈક્રો લિટર જેટલું સેમ્પલ બહાર કાઢી તેમાં કેમિકલ નાંખીને વાઈરસને મૃત કરાય છે. પ્રથમ તબક્કામાં બાયોસેફ્ટી કેબિનેટમાં પ્રોસેસ કરાય છે. સેમ્પલમાં રિએજન્ટ ઉમેરવાથી તેમાં રહેલા તમામ વાઇરસ લાઈસ(મૃત) બને છે જેને એલિકોટિંગ કહેવાય છે.

બીજા તબક્કા માં વાઇરસના મધ્યમાં આરએનએ હોય છે. આ સ્ટેપમાં કોરોનાની અંદર રહેલા મહત્ત્વના આરએનએને છૂટું પડાય છે. સેમ્પલમાં ઘણા બધા વાઇરસ હોય છે તેથી તમામના આરએનએ અલગ કરાય છે. આરએનએ કે જે વાઈરસના બંધારણનો સૌથી મોટો ભાગ છે તેને એક્સટ્રેક્ટ કરી તેનું લાઈસીસ કરીને આગળના તબક્કામાં ડિટેક્ટ કરવામાં આવે છે કે તે કોરોના કે અન્ય વાઈરસનું છે.



ત્રીજા તબક્કામાં બાયોસેફ્ટી કેબિનેટમાં કોરોના વાઈરસને ડિટેક્ટ કરવા માટે વિવિધ પ્રકારના કેમિકલ તૈયાર કરાય છે. આ કેમિકલ તૈયાર થાય એટલે તે કેમિકલ અને બીજા સ્ટેપમાં જે આરએનએ તૈયાર થયું છે તેને પીસીઆર સેક્શનમાં લાવવામાં આવે છે. લેબના 3 નંબરના રૂમમાં આરએનએને ડિટેક્ટ કરવા માટે WHO(વર્લ્ડ હેલ્થ ઓર્ગેનાઈઝેશન)એ જે કોરોના વાઇરસનો જિનેટિક કોડ તૈયાર કર્યો છે તેના પરથી રિએજન્ટ તૈયાર કરવામાં આવે છે.

ચોથા તબક્કામાં જે આરએનએ અલગ કરાયું છે તેને તેમજ 3 નંબરના રૂમમાં જે રિએજન્ટ તૈયાર કર્યા છે તેને એક વાયલમાં મિક્સ કરીને મશીનમાં મૂકાય છે. મશીન 55થી 95 ડિગ્રી વચ્ચેના અલગ અલગ તાપમાને જુદા-જુદા સમય રાખે છે. આ તાપમાને આરએનએમાં મલ્ટિપ્લિકેશન થાય છે અને પરિણામ ગ્રાફના રૂપે આવે છે. ગ્રાફમાં આરએનએ મલ્ટિપ્લાય થાય અને કોરોનાના જિનેટિક કોડથી મેચ થાય તો પોઝિટિવ ગણાય. સંપૂર્ણ પ્રક્રિયાના અંતે આ મશીનમાં આપણને ખબર પડે છે કે આ સેમ્પલમાં કોરોના વાઈરસ છે કે કેમ. પરંતુ પરિણામ જાહેર કરતા પહેલા તે સેમ્પલનો ફરીથી રિપોર્ટ કરાય છે.
Published by:kiran mehta
First published:

Tags: Corona in Gujarat, Corona lock down, Corona test, Coronavirus, Laboratory

विज्ञापन

विज्ञापन

આગામી સમાચાર

विज्ञापन
विज्ञापन