આગામી 3 દિવસમાં ગુજરાતમાં વધશે ઠંડી, 3 ડિગ્રી સુધી તાપમાન ગગડી શકે

અમદાવાદ, નવેમ્બર મહિનાની અને દિવાળીની શરૂઆત થતા પહેલાં જ રાજ્યમાં ઠંડીનો ચમકારો વર્તાઇ રહ્યો છે. ઓક્ટોબરનાં અંતિમ દિવસોમાં જ બેવડી સીઝનનો અનુભવ થઇ રહ્યો છે. રાજ્યમાં ઉત્તર પૂર્વ જિલ્લામાં વહેલી સવારથી જ ઠંડકનો અનુભવ થઇ ગયો છે.

શિયાળાની ગુલાબી ઠંડીનો અહેસાસ થવાનો શરૂ થઇ ગયો છે. વહેલી સવારે અને રાતનાં સમયે ઠંડીનો ચમકારો વર્તાઇ રહ્યો છે. હવામાન વિભાગની આગાહી અનુસાર આવનારા 3 દિવસમાં 3 ડિગ્રી તાપમાન ઘટવાની શક્યતાઓ જણાઇ રહી છે. બેવડી સીઝનનાં કારણે લોકોએ હાલાકીનો સામનો પણ કરવો પડી શકે છે.

આ પણ વાંચો-રાજ્ય સરકારનું જાહેરનામું: રાત્રે બે કલાક જ ફટાકડા ફોડી શકાશે, ફટાકડાના ઓનલાઇન વેચાણ પર પ્રતિબંધ

હવામાન વિભાગનાં જણાવ્યાં અનુસાર આવનારા ત્રણ દિવસમાં ન્યૂનતમ તાપમાન 3 ડિગ્રી ઘટવાની સંભાવના છે. આ સાથે જ ઠંડીનો ચમકારો વધતા સ્થાનિક ગરમ કપડાની જરૂરિયાત અનુભવશે. અમદાવાદમાં આગામી ત્રણ દિવસ સરેરાશ મહત્તમ તાપમાન 34 અને સરેરાશ લઘુત્તમ તાપમાન 19 ડિગ્રીની આસપાસ રહેવાનું અનુમાન હવામાન વિભાગે કર્યું છે.

આ પણ વાંચો-સચિન રેપ કેસ: કોર્ટમાં પોલીસનો દંડો જોઈ ચાર વર્ષની બાળકીએ કહ્યું, 'ગંદા અંકલને આ દંડાથી જ મારીશ'

રાજ્યમાં જાણો ક્યાં કેટલી ઠંડીનો ચમકારો થઇ શકે
અમદાવાદ- 19 ડિગ્રી
ગાંધીનગર- 19 ડિગ્રી
અરવલ્લી- 20 ડિગ્રી
પંચમહાલ-19 ડિગ્રી
પાટણ- 19 ડિગ્રી
સાબરકાંઠા- 18 ડિગ્રી
વડોદરા- 21 ડિગ્રી
સુરત- 22 ડિગ્રી
કચ્છ- 20 ડિગ્રી
રાજકોટ- 28 ડિગ્રી

વધુ રસપ્રદ સમાચાર વાંચો: Business | Latest News | Entertainment | Gujarat News | દેશ વિદેશ | ધર્મ ભક્તિ | Sport | Lifestyle પર ક્લિક કરો. લેટેસ્ટ ન્યૂઝથી અપડેટ રહેવા માટે અમને FACEBOOK | Twitter | Instagram | YouTube પર ફોલો કરો