ગુજરાત ગૌણ સેવા પસંદગી મંડળ, ગાંધીનગર દ્વારા સચિવાલયના વિવિધ વિભાગોના નિયંત્રણ હેઠળના ખાતાના વડાઓ હસ્તકના જુદા જુદા તાંત્રિક/બિનતાંત્રિક સંવર્ગોની 869 જગ્યાઓ માટે ઉમેદવારોની ર્સ્પધાત્મક પરીક્ષા યોજીને પસંદગી/પ્રતિક્ષા યાદી તૈયાર કરવા માટે જાહેરાત બહાર પાડવામાં આવી છે.
ગુજરાત ગૌણ સેવા પસંદગી મંડળની જાહેરાતમાં કુલ 17 પદો માટે 869 જગ્યાઓ માટે ભરતી પ્રક્રિયા હાથ ધરવામાં આવી રહી છે. તેમાં સૌથી વધુ સિનિયર ક્લાર્કના પદ માટે 431 જગ્યાઓ ભરવામાં આવવાની છે.
અધિક મદદનીશ ઈજનેર (સીવીલ) પદ માટે 106 ભરતીઓ કરવામાં આવવાની છે જ્યારે અધિક મદદનીશ ઈજનેર (વિદ્યુત)ની 11 ભરતી કરવામાં આવશે.
ભરતી પ્રક્રિયા માટે ઉમેદવારોએ OJASની વેબસાઇટ https://ojas.gujarat.gov.in/ પર ઓનલાઇન અરજી કરવાની રહેશે.
આ ઉપરાંત વિશેષ વિગતો માટે મંડળની વેબસાઇટ https://gsssb.gujarat.gov.in/ ઉપર પણ જોઈ શકાશે.
OJASની વેબસાઇટ પર જા.ક્ર. 152/201819થી 166/201819 ની અરજી 24 ઓગસ્ટ સુધી કરી શકાશે, જ્યારે જા.ક્ર. 184/201920થી 185/201920 માટે 30 ઓગસ્ટ સુધીમાં અરજી કરી શકાશે.