ગુજરાતમાં કોરોનાના નવા 176 કેસ નોંધાયા, 24 કલાકમાં 149 ટકા કેસ વધ્યાં, ભરૂચના એક દર્દીનું મોત

અમદાવાદઃ ગુજરાતમાં કોરોના વાયરસના નવા 176 કેસ નોંધાયા છે. જેમાં અમદાવાદમાં સૌથી વધુ 89 કેસ નોંધાયા છે. જ્યારે 69 દર્દીઓને રજા આપવામાં આવી છે. જ્યારે લાંબા સમય બાદ કોરોનાથી એક દર્દીએ જીવ ગુમાવ્યો છે. કોરોનાના વધતા કેસને ધ્યાને રાખી ગુજરાતીઓએ ફરીથી સાવધાન રહેવાની જરૂર છે અને જો કોઈપણ લક્ષણ દેખાય તો તાત્કાલિક તેની સારવાર કરાવવી જોઈએ.

ક્યાં કેટલા નવા કેસ નોંધાયા?

• અમદાવાદ - 1


• અમદાવાદ કોર્પોરેશન - 89


• અમરેલી - 3


• ભરૂચ - 1


• ભાવનગર કોર્પોરેશન - 2


• દાહોદ - 1


• દેવભૂમિ દ્વારકા - 1


• ગાંધીનગર - 4


• ગાંધીનગર કોર્પોરેશન - 2


• જામનગર કોર્પોરેશન - 2


• જૂનાગઢ કોર્પોરેશન - 1


• ખેડા - 2


• મહેસાણા - 16


• નવસારી - 3


• પાટણ - 1


• પોરબંદર - 3


• રાજકોટ - 4


• રાજકોટ કોર્પોરેશન - 15


• સુરત - 3


• સુરત કોર્પોરેશન - 15


• સુરેન્દ્રનગર - 1


• વડોદરા કોર્પોરેશન - 6

69 દર્દીઓને ડિસ્ચાર્જ કર્યા

આમ, સમગ્ર ગુજરાતમાં કોરોના વાયરસના કુલ 176 કેસ નોંધાયા છે. તો બીજી તરફ, 69 દર્દીઓને ડિસ્ચાર્જ કરવામાં આવ્યા છે. હાલ ગુજરાતમાં કોરોના વાયરસના કુલ 916 એક્ટિવ કેસ છે. જ્યારે ભરૂચમાં એક દર્દીનું મોત નીપજ્યું છે. આ ઉપરાંત 3 જેટલા દર્દીને વેન્ટિલેટર પર રાખવામાં આવ્યા છે. જ્યારે 913 દર્દીની તબિયત સ્થિર છે. ઉલ્લેખનીય છે કે, કોરોના વાયરસથી અત્યાર સુધીમાં કુલ 11,047 દર્દીના મોત નીપજ્યા છે. તો 12 લાખથી વધુ દર્દી સાજા થઈને ઘરે પરત ફર્યા છે.

ફરીથી કોરોનાના કેસમાં ઉછાળો

ઉલ્લેખનીય છે કે, ગત 11મી માર્ચે પણ કોરોના વાયરસના 51 કેસ નોંધાયા હતા. ત્યારે અમદાવાદમાં 30થી વધુ કેસ નોંધાયા હતા. તો વળી, 14મી માર્ચે 58 કેસ નોંધાયા હતા. ત્યારબાદ 15મી માર્ચે 91 કેસ નોંધાયા હતા. 16મી માર્ચે 119 કેસ અને 17મી માર્ચે 121 કેસ નોંધાયા હતા. ત્યારબાદ 18મી માર્ચે 179 કેસ નોંધાયા હતા. 19મી માર્ચે 133 કેસ નોંધાયા હતા. 20મી માર્ચે 118 નવા કેસ નોંધાયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર