ગુજરાત પેટા-ચૂંટણી : કોંગ્રેસે પાંચ ઉમેદવારના નામ જાહેર કર્યા, જાણો કોને-કોને મળી ટિકિટ

ગાંધીનગર : ભારતીય જનતા પાર્ટી પછી હવે કોંગ્રેસે પણ આગામી વિધાનસભાની પેટા ચૂંટણી (Gujarat Assembly By Elections 2020) ની 8માંથી 5 બેઠકના ઉમેદવાર જાહેર કર્યા છે. કોંગ્રેસે અબડાસાથી શાતિલાલ સાંઘાણી, મોરબીમાં જયંતિભાઈ પટેલ, ધારીમાં સુરેશ કોટડિયા, ગઢડાથી મોહનભાઈ સોલંકી અને કરજણમાં કિરીટસિંહ જાડેજાને ટિકિટ આપી છે. કોંગ્રેસે હજુ કપરાડા, ડાંગ અને લિંબડી બેઠક પરથી ઉમેદવારના નામની જાહેર કરી નથી.

આ પહેલા ભાજપે (Congress Candidates for Assembly By Elections 2020) મોરબી, ધારી, અબડાસા, ડાંગ, કરજણ, ગઢડા, કપરાડા બેઠકના ઉમેદવાર જાહેર કર્યા હતા. આ ચૂંટણીમાં ભાજપે લિંબડી સિવાયની તમામ બેઠકોના ઉમેદવાર જાહેર કરી દીધા છે. આ બેઠકોમાં એક ગઢડા (Gadhada)-ડાંગ (Dang) બેઠક પર પૂર્વ મંત્રી અને ભાજપના ઉમેદવારને ટિકિટ આપવામાં આવી છે. જ્યારે અન્ય બેઠકો પર કૉંગ્રેસમાંથી આવેલા ઉમેદાવારોને ટિકિટ આપી છે.

આ પણ વાંચો - રાજ્યમાં સ્થાનિક સ્વરાજ્યની ચૂંટણીઓ 3 મહિના પૂરતી મોકૂફ, રાજ્ય ચૂંટણી પંચે કરી જાહેરાત



ભાજપે મોરબીથી (Brijesh Merja Morbi) બ્રિજેશ મેરજા, અબડાસામાં પ્રદ્યુમનસિંહ જાડેજા (Abdasa - Pradhyumansinh jadeja), કપરાડામાં જીતુ ચૌધરી (Kaprada Jitu Chaudhary), કરજણમાં અક્ષય પટેલ (Karjan- Axay Patel), ધારીમાં જે.વી. કાકડિયા (Dhari- J.V. Kakadiya), ગઢડાથી આત્મારામ પરમારને (Gadhada Atmaram Parmar) ટિકિટ આપી છે.

કોંગ્રેસ MLAના રાજીનામાથી બેઠકો ખાલી પડી


કોંગ્રેસના કુલ 8 ધારાસભ્યોએ રાજ્યસભાની ચૂંટણી પહેલા રાજીનામા આપ્યા હતા જેના પગલે આ બેઠકો ખાલી પડી છે. કપરાડામાંથી જીતુ ચૌધરી, ડાંગમાંથી મંગળ ગાવિત, લીંબડીમાંથી સોમા પટેલ, ગઢડામાંથી પ્રવિણ મારૂ, ધારીમાંથી જે.વી.કાકડીયા, મોરબીમાંથી બ્રિજેશ મેરજા, કપરાડામાંથી અક્ષય પટેલ અને અબડાસામાંથી પ્રદ્યુમનસિંહ જાડેજાએ રાજીનામાં આપ્યાં હતાં.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર