Gujarat Budget 2023 Updates: 'અતિથિ દેવો ભવઃ' ભાવના સાથે પ્રવાસન ક્ષેત્રના વિકાસ માટે રુ. 2077 કરોડ ફાળવાયા

Home /News /gujarat /Gujarat Budget 2023 Updates: 'અતિથિ દેવો ભવઃ' ભાવના સાથે પ્રવાસન ક્ષેત્રના વિકાસ માટે રુ. 2077 કરોડ ફાળવાયા

ગુજરાતમાં પ્રવાસન ક્ષેત્રે વિકાસ માટે સરકારે તિજોરી ખોલી દીધી.

Gujarat Budget 2023 Live Updates: રાજ્યમાં પ્રવાસન પ્રવૃત્તિઓને વેગ આપી રોજગારીની નવી તકો ઊભી કરવા સરકારે અનેકવિધ પગલાઓ લીધેલ છે. આ ક્ષેત્રના વિકાસને વેગ આપવા આ પ્રભાગના બજેટ ૩૪૬% નો વધારો કરવાની જાહેરાત કરી છે.

News18 Gujarati
Last Updated : February 24, 2023, 13:29 IST
Ahmadabad (Ahmedabad) [Ahmedabad], India

published by :Mitesh Purohit

રાજ્યમાં પ્રવાસન પ્રવૃત્તિઓને વેગ આપી રોજગારીની નવી તકો ઊભી કરવા સરકારે અનેકવિધ પગલાઓ લીધેલ છે. આ ક્ષેત્રના વિકાસને વેગ આપવા આ પ્રભાગના બજેટ ૩૪૬% નો વધારો કરવાની જાહેરાત કરી છે. પ્રવાસનના વિકાસની હરણફાળને વેગવંતી બનાવવા માટે રુ.૨૦૭૭ કરોડની જોગવાઇ

• આઇકોનિક ટુરિસ્ટ સ્થળોના સંકલિત વિકાસ માટે રુ.૭૦૬ કરોડની જોગવાઇ.

• ધાર્મિક, હેરીટેજ, એડવેન્‍ચર અને ઇકો ટુરિઝમ અંતર્ગત આવતા પ્રવાસન સ્થળોના વિકાસ માટે રુ.૬૪૦ કરોડની જોગવાઇ.

આ પણ વાંચોઃ ગુજરાત બજેટની મહત્વની વિગતો

• એરસ્ટ્રીપ/એરપોર્ટનો વિકાસ કરવા તેમજ એર કનેક્ટિવિટી વધારવા માટે રુ.૨૧૫ કરોડની જોગવાઈ.

• અંબાજી-ધરોઇ બંધ પરિક્ષેત્રને વિશ્વ કક્ષાના પ્રવાસી અને યાત્રાધામ વિકાસ માટે રુ.૩૦૦ કરોડની જોગવાઇ.

• રાજ્યમાં આવેલ જુદા જુદા યાત્રાધામોના વિકાસ અને યાત્રિકોની સગવડો વધારવા માટે રુ.૯૪ કરોડની જોગવાઇ.

• હેરિટેજ અને સિનેમેટિક પ્રવાસન નીતિ માટે રુ.૩૩ કરોડની જોગવાઇ.

• કર્લી જળાશય વિસ્તારને પર્યટન સ્થળ તરીકે વિકાસ કરવા માટે રુ.૨૫ કરોડની જોગવાઇ.

• ધોળાવીરા, ધરોઈ, નડાબેટ, કડાણા ડેમ, શિવરાજપુર વગેરે સ્થળોએ ટેન્ટ સિટી વિકસાવવા માટે રુ.૨૦ કરોડની જોગવાઇ.

• સ્વામી વિવેકાનંદ સર્કિટના વિકાસ માટે રુ.૧૨૦ કરોડના આયોજન સામે રુ.૧૦ કરોડની જોગવાઇ.

સ્ટેચ્યુ ઓફ યુનિટી-એકતા નગરએકતાનગર ખાતે વિવિધ કામગીરી માટે રુ.૫૬૫ કરોડની જોગવાઇ.

માનનીય વડાપ્રધાનશ્રી નરેન્‍દ્રભાઇ મોદીની પ્રેરણા અને નેતૃત્વ હેઠળ સ્થપાયેલ ૧૮૨ મીટર ઉંચી સરદાર પટેલની પ્રતિમા સંપૂર્ણ દેશને એકતા અને અખંડિતતાનો સંદેશ આપે છે. પ્રવાસીઓ માટે વિવિધ આકર્ષણો સાથે તેમની સગવડોમાં ઉત્તરોત્તર વધારો કરવામાં આવી રહેલ છે. એકતાનગર આજે વિશ્વના નોંધપાત્ર પર્યટન સ્થળ તરીકે ઉભરી રહેલ છે. આદિજાતિ સંસ્કૃતિ, પ્રકૃતિ અને પાણીના સંગમને વિશ્વ સમક્ષ પ્રદર્શિત કરી રોજગારીની વિપુલ તકોનું સર્જન કરવા આ વિસ્તારનો સંકલિત વિકાસ કરવાનું આયોજન છે. આગામી સમયમાં એકતાનગર ખાતે વિશ્વકક્ષાની ડ્રાઇવ ઇન સફારી અને વિવિધ પ્રકારના મ્યુઝિયમ પણ સ્થાપવામાં આવશે.