ચૂંટણી પંચને બોગસ એજન્ટ, ઉતાવળે મતદાન સહિતની 12 ફરિયાદ મળી

ન્યૂઝ 18 ગુજરાતી : રાજ્યમાં હાલમાં મતદાન થઈ રહ્યું છે ત્યારે ચૂંટણી પંચને વિવિધ જગ્યાએથી 12 ફરિયાદ મળી છે. ચૂંટણી પંચને મળેલી ફરિયાદ મુજબ 5 ફરિયાદ કોંગ્રેસ દ્વારા કરવામાં આવી છે. ગાંધીનગર ચૂંટણી પંચ દ્વારા આપવામાં આવેલી માહિતી મુજબ આ ફરિયાદોમાં ખાનગી મિલકતોમાં પોસ્ટર લગાવવા, બોગસ એજન્ટોની હાજરી, મતદારોની મતદાન કરવા માટેની ઉતાવળ કરાવવા જેવી ફરિયાદો મળી છે. આ મુદ્દે ચૂંટણી પંચ દ્વારા તંત્ર પાસેથી અહેવાલ માંગવામાં આવ્યો છે.

ભાજપના ઉમેદવારોને મત આપતો ફોટો વાયરલ
પાટણમાં EVMમાં ભાજપના ઉમેદવારને મત આપતો ફોટો વાયરલ થયો હતો. આ ફોટોગ્રાફ ખેરાલુ મતવિસ્તારના કોઈ મતદારનો હતો જેમાં ભાજપના ઉમેદવાર ભરતસિંહ ડાભીને મત આપતો ફોટો વાયરલ થયો હતો.

EVM ખોટકાયું
પાટણના સાંતલપુર તાલુકાના લુનીયા ગામે સવારે મતદાન શરૂ થતાંની સાથે જ EVM ખોટકાયાની ફરિયાદ મળી હતી, જ્યારે ફરિયાદ મળતાની સાથે જ અલ્ટરનેટિવ EVMની વ્યવસ્થા કરવાના ચૂંટણી અધિકારી દ્વારા આદેશ આપવામાં આવ્યા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Loksabha Elections 2019, Loksabha elections 2019, State election commission, Updates