Coronavirus Live Updates: મહારાષ્ટ્રમાં 82 નવા કેસ મળતા સંક્રમિતોની સંખ્યા 2000ને પાર થઇ

ભારતભરમાં કોરોનાનાં સંક્રમિતોની સંખ્યા વધી રહી છે. કેન્દ્રીય સંવાસ્થ્ય મંત્રાલયનાં તાજા આંકડા પ્રમાણે, દેશમાં કોરોના સંક્રમિતોની સંખ્યા 9152 સુધી પહોંચી ગઇ છે. જેમાંથી 7987 એક્ટિવ કેસ છે. અત્યાર સુધી 308 લોકો કોરોનાથી જીવ ગુમાવી ચુક્યા છે, જ્યારે 857 દર્દીઓ સ્વસ્થ થઇને ઘરે ગયા છે.

કોરોના સામેની લડતમાં સરકારની તૈયારીઓ એડવાન્સ લેવલની હોવાનું સ્વાસ્થ્ય મંત્રાલયે રવિવારે જણાવ્યું હતું. સરકારે કોરોનાને અટકાવવા માટે ટેસ્ટિંગ કરવા પર વધુ ભાર મૂક્યો છે. સ્વાસ્થ્ય મંત્રાલયે જણાવ્યું કે, દેશમાં અત્યાર સુધીમાં 1.86 લાખ સેમ્પલ ટેસ્ટ કરાયા છે, જેમાંથી 4.3 ટકા પોઝિટિવ આવ્યા છે.